https://arm.sputniknews.ru/20250110/sergej-parajanvovi-masin-vaveragrakan-filmy-kcucadrvi-rvoterdamum-84666328.html
Սերգեյ Փարաջանովի մասին վավերագրական ֆիլմը կցուցադրվի Ռոտերդամում
Սերգեյ Փարաջանովի մասին վավերագրական ֆիլմը կցուցադրվի Ռոտերդամում
Sputnik Արմենիա
Ռեժիսորը ֆիլմի ստեղծման ժամանակ ուսումնասիրել է նաև արխիվները՝ այցելելով Հայաստան և Վրաստան։ 10.01.2025, Sputnik Արմենիա
2025-01-10T12:34+0400
2025-01-10T12:34+0400
2025-01-10T12:35+0400
ֆիլմ
սերգեյ փարաջանով
«ոսկե ծիրան» կինոփառատոն
https://cdn.am.sputniknews.ru/img/07e9/01/0a/84663777_0:0:2987:1680_1920x0_80_0_0_9fdb2e1fa601eb84d29175629685e439.jpg
ԵՐԵՎԱՆ, 10 հունվարի — Sputnik. Ուզբեկ ռեժիսոր Ալի Խամրաևի «Փարաջանովի յասամանագույն քամին» վավերագրական ֆիլմի համաշխարհային պրեմիերան տեղի կունենա Ռոտերդամի հեղինակավոր միջազգային կինոփառատոնում, որը կանցկացվի հունվարի 30-ից փետրվարի 9-ը։Ֆիլմը նկարահանվել է ի հիշատակ լեգենդար ռեժիսոր Սերգեյ Փարաջանովի ծննդյան 100-ամյակի, նկարահանումները տևել են մեկ տարի։ Ինչպես պատմում է ռեժիսորը, ֆիլմը հուզիչ պատմություն է երկու գործընկերների՝ կինոյի վարպետների ընկերության մասին, որը մեծ ու բարի հետք է թողել Ալի Խամրաևի սրտում։ Ֆիլմում ականավոր կինոռեժիսոր Փարաջանովի` Տաշքենդ ժամանելու, ուզբեկական հարսանիքին մասնակցելու և դրանով հիանալու դրվագներ կան։Ռոտերդամի կինոփառատոնը Կաննի, Վենետիկի և Լոկարնոյի փառատոների հետ մեկտեղ համարվում է հեղինակային կինոյի աշխարհի ամենահեղինակավոր միջոցառումներից մեկը։«Մենք Սերգեյ Փարաջանովի մասին բազմաթիվ վավերագրական ֆիլմեր ենք ստացել, և դա զարմանալի չէ, քանի որ նա աննախադեպ հանճարի տեր ռեժիսոր էր: Մեր ընտրած ֆիլմն ապշեցրեց մեզ նրանով, թե ինչպես է ռեժիսորը պատկերացրել Փարաջանովին,որի հետ երկար տարիներ մտերիմ է եղել: Փարաջանովի արվեստն իսկապես ինչ-որ բան է նշանակում Խամրաևի համար, այն մինչ օրս ոգեշնչում է նրան, ստիպում է մտածել, փորձարկումներ անել, ձգտել, երազել: Ռեժիսորը խորացել է արխիվների մեջ՝ մեկնելով Հայաստան և Վրաստան՝ այդպիսով հարգելով Սերգեյ Փարաջանովի հիշատակը»,- ասել է կինոքննադատ Օլաֆ Մյոլլերը ֆիլմի մասին։ Նրա կարծիքը հրապարակվել է փառատոնի կայքում։Խորհրդային նշանավոր ռեժիսոր Սերգեյ Փարաջանովի հարյուրամյակը ներառված է ՅՈւՆԵՍԿՕ-ի Հռչակավոր մարդկանց և կարևոր իրադարձությունների հոբելյանների 2024-2025 թթ. օրացույցում։Փարաջանովի ծննդյան 100-ամյակին նվիրված 2 նամականիշ է թողարկվել
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ֆիլմ, սերգեյ փարաջանով, «ոսկե ծիրան» կինոփառատոն
ֆիլմ, սերգեյ փարաջանով, «ոսկե ծիրան» կինոփառատոն
Սերգեյ Փարաջանովի մասին վավերագրական ֆիլմը կցուցադրվի Ռոտերդամում
12:34 10.01.2025 (Թարմացված է: 12:35 10.01.2025) Ռեժիսորը ֆիլմի ստեղծման ժամանակ ուսումնասիրել է նաև արխիվները՝ այցելելով Հայաստան և Վրաստան։
ԵՐԵՎԱՆ, 10 հունվարի — Sputnik. Ուզբեկ ռեժիսոր Ալի Խամրաևի «Փարաջանովի յասամանագույն քամին» վավերագրական ֆիլմի համաշխարհային պրեմիերան տեղի կունենա Ռոտերդամի հեղինակավոր միջազգային կինոփառատոնում, որը կանցկացվի հունվարի 30-ից փետրվարի 9-ը։
Ֆիլմը նկարահանվել է ի հիշատակ լեգենդար ռեժիսոր Սերգեյ Փարաջանովի ծննդյան 100-ամյակի, նկարահանումները տևել են մեկ տարի։ Ինչպես պատմում է ռեժիսորը, ֆիլմը հուզիչ պատմություն է երկու գործընկերների՝ կինոյի վարպետների ընկերության մասին, որը մեծ ու բարի հետք է թողել Ալի Խամրաևի սրտում։ Ֆիլմում ականավոր կինոռեժիսոր Փարաջանովի` Տաշքենդ ժամանելու, ուզբեկական հարսանիքին մասնակցելու և դրանով հիանալու դրվագներ կան։
«Փարաջանովին ցույց եմ տվել այնպիսին, ինչպիսին տեսել եմ, այս ֆիլմը շատ անձնական է»,- ասել է Խամրաևն իր արվեստի երկրպագուների հետ հանդիպումներից մեկի ժամանակ։
Ռոտերդամի կինոփառատոնը Կաննի, Վենետիկի և Լոկարնոյի փառատոների հետ մեկտեղ համարվում է հեղինակային կինոյի աշխարհի ամենահեղինակավոր միջոցառումներից մեկը։
«Մենք Սերգեյ Փարաջանովի մասին բազմաթիվ վավերագրական ֆիլմեր ենք ստացել, և դա զարմանալի չէ, քանի որ նա աննախադեպ հանճարի տեր ռեժիսոր էր: Մեր ընտրած ֆիլմն ապշեցրեց մեզ նրանով, թե ինչպես է ռեժիսորը պատկերացրել Փարաջանովին,որի հետ երկար տարիներ մտերիմ է եղել: Փարաջանովի արվեստն իսկապես ինչ-որ բան է նշանակում Խամրաևի համար, այն մինչ օրս ոգեշնչում է նրան, ստիպում է մտածել, փորձարկումներ անել, ձգտել, երազել: Ռեժիսորը խորացել է արխիվների մեջ՝ մեկնելով Հայաստան և Վրաստան՝ այդպիսով հարգելով Սերգեյ Փարաջանովի հիշատակը»,- ասել է կինոքննադատ Օլաֆ Մյոլլերը ֆիլմի մասին։ Նրա կարծիքը հրապարակվել է փառատոնի կայքում։
Խորհրդային նշանավոր ռեժիսոր Սերգեյ Փարաջանովի հարյուրամյակը ներառված է ՅՈւՆԵՍԿՕ-ի Հռչակավոր մարդկանց և կարևոր իրադարձությունների հոբելյանների 2024-2025 թթ. օրացույցում։
