https://arm.sputniknews.ru/20250110/inch-khakhtumner-en-hajtnabervel-arevtri-khvoshvor-objektnerum-khachatrjann-ampvopum-e-2024y-84663382.html
Ի՞նչ խախտումներ են հայտնաբերվել առևտրի խոշոր օբյեկտներում․ Խաչատրյանն ամփոփում է 2024–ը
Ի՞նչ խախտումներ են հայտնաբերվել առևտրի խոշոր օբյեկտներում․ Խաչատրյանն ամփոփում է 2024–ը
Sputnik Արմենիա
Նախորդ տարվա ընթացքում տեխնիկական և հրդեհային անվտանգության ոլորտում իրականացվել է 2300 ստուգում, հայտնաբերվել է 4500 խախտում։ 10.01.2025, Sputnik Արմենիա
2025-01-10T11:37+0400
2025-01-10T11:37+0400
2025-01-10T11:40+0400
հայաստան
առևտուր
գարեգին խաչատրյան
խախտում
հհ քաղաքաշինության, հրդեհային և տեխնիկական անվտանգության տեսչական մարմին
https://cdn.am.sputniknews.ru/img/07e6/08/17/47124182_0:70:1352:831_1920x0_80_0_0_e0bae5259d5f5395cfddbc5ca3c5c239.jpg.webp
ԵՐԵՎԱՆ, 10 հունվարի – Sputnik․ Հայաստանում գործող առևտրի խոշոր օբյեկտներում տեխնիկական և հրդեհային անվտանգության ոլորտին առնչվող խախտումների ավելի քան 95%-ը վերացված է։ Այս մասին մամուլի ասուլիսի ժամանակ ասաց ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը՝ ամփոփելով 2024 թվականը։Նրա խոսքով՝ 2024 թվականին տեխնիկական և հրդեհային անվտանգության ոլորտում տեսչական մարմինը 2300-ից ավելի ստուգում և հետազոտություն է իրականացրել։ Արդյունքում հայտնաբերվել է ավելի քան 4500 խախտում։Sputnik Արմենիայի հարցին, թե որ խոշոր առևտրի օբյեկտների մասին է խոսքը, տեսչական մարմնի ղեկավարը խուսափեց անվանումներ տալուց, միայն ընդգծեց, որ դրանք մեկ տասնյակից ավելի են։ Հարցին` արդյոք 2025 թվականին կրկին այցեր նախատեսվում են, թե ոչ, Խաչատրյանը նշեց` դեռ պարզ չէ, հստակ պատասխան չի կարող տալ։Անդրադառնալով խնդիրներին` նա ասաց, որ այդ օբյեկտներում հիմնականում էլեկտրականությունն են ոչ պատշաճ մոնտաժում, հաճախ բացակայում են նաև հրդեհաշիջման համակարգերը, ծխահեռացման համակարգերը, տարհանման ելքերն էլ ոչ պատշաճ են կահավորված լինում և այլն։Հիշեցնենք, որ 2024 թվականի 2 եռամսյակի ընթացքում ՀՀ քաղաքաշինության, տեխնիկական և հրդեհային անվտանգության տեսչական մարմինը վերահսկողական գործառույթներ էր իրականացրել է «Փեթակ», «Սուրմալու» առևտրի կենտրոններում։«Սուրմալուն» փետրվարի 20-ից շուրջ 3 շաբաթ փակ էր։Նախորդ տարի խոշոր առևտրի կենտրոններից մեկում՝ Իսակովի պողոտայում գործող «Դոմուս» հիպերմարկետում, խոշոր հրդեհ բռնկվեց, պարզվեց` մասնաճյուղը ՔՏՀԱ տեսչական մարմնից ավարտական ակտ չի ունեցել։ Բայց ընկերությունը չէր դիմել ավարտական ակտի համար, քանի որ այդ շենքը մինչ այդ ունեցել է պետական գրանցում (նման գրանցում է անում Կադաստրի կոմիտեն), իսկ տեսչական մարմինը 2024-ին հիպերմարկերտում վերահսկողական գործառույթ չէր իրականացրել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, առևտուր, գարեգին խաչատրյան, խախտում, հհ քաղաքաշինության, հրդեհային և տեխնիկական անվտանգության տեսչական մարմին
հայաստան, առևտուր, գարեգին խաչատրյան, խախտում, հհ քաղաքաշինության, հրդեհային և տեխնիկական անվտանգության տեսչական մարմին
Ի՞նչ խախտումներ են հայտնաբերվել առևտրի խոշոր օբյեկտներում․ Խաչատրյանն ամփոփում է 2024–ը
11:37 10.01.2025 (Թարմացված է: 11:40 10.01.2025) Նախորդ տարվա ընթացքում տեխնիկական և հրդեհային անվտանգության ոլորտում իրականացվել է 2300 ստուգում, հայտնաբերվել է 4500 խախտում։
ԵՐԵՎԱՆ, 10 հունվարի – Sputnik․ Հայաստանում գործող առևտրի խոշոր օբյեկտներում տեխնիկական և հրդեհային անվտանգության ոլորտին առնչվող խախտումների ավելի քան 95%-ը վերացված է։ Այս մասին մամուլի ասուլիսի ժամանակ ասաց ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը՝ ամփոփելով 2024 թվականը։
Նրա խոսքով՝ 2024 թվականին տեխնիկական և հրդեհային անվտանգության ոլորտում տեսչական մարմինը 2300-ից ավելի ստուգում և հետազոտություն է իրականացրել։ Արդյունքում հայտնաբերվել է ավելի քան 4500 խախտում։
«2023 թվականին տեսչական մարմինը Հայաստանի բոլոր խոշոր առևտրի օբյեկտներում իրականացրել է հրդեհատեխնիկական հետազոտություններ, ու բոլոր այն դեպքերում, երբ խախտումներ են հայտնաբերվել, ապա որոշվել է դադարեցնել դրանց գործունեությունը։ Այդ ժամանակ նաև կարգադրագրեր են տրվել խախտումները վերացնելու համար։ 2024 թվականի ընթացքում կրկին նույն հետազոտություններն են իրականացվել, և եթե նույն խնդիրները կրկին հայտնաբերվել են, ապա ևս մեկ անգամ որոշվել է դադարեցնել գործունեությունը։ Այս պահին կարող ենք արձանագրել, որ այդ օբյեկտներում արձանագրված խախտումների 95%-ը և ավելին վերացված է»,- նշեց Խաչատրյանը։
Sputnik Արմենիայի հարցին, թե որ խոշոր առևտրի օբյեկտների մասին է խոսքը, տեսչական մարմնի ղեկավարը խուսափեց անվանումներ տալուց, միայն ընդգծեց, որ դրանք մեկ տասնյակից ավելի են։ Հարցին` արդյոք 2025 թվականին կրկին այցեր նախատեսվում են, թե ոչ, Խաչատրյանը նշեց` դեռ պարզ չէ, հստակ պատասխան չի կարող տալ։
Անդրադառնալով խնդիրներին` նա ասաց, որ այդ օբյեկտներում հիմնականում էլեկտրականությունն են ոչ պատշաճ մոնտաժում, հաճախ բացակայում են նաև հրդեհաշիջման համակարգերը, ծխահեռացման համակարգերը, տարհանման ելքերն էլ ոչ պատշաճ են կահավորված լինում և այլն։
Հիշեցնենք, որ 2024 թվականի 2 եռամսյակի ընթացքում ՀՀ քաղաքաշինության, տեխնիկական և հրդեհային անվտանգության տեսչական մարմինը վերահսկողական գործառույթներ էր իրականացրել է «Փեթակ», «Սուրմալու» առևտրի կենտրոններում։
«Սուրմալուն» փետրվարի 20-ից
շուրջ 3 շաբաթ փակ էր։
Նախորդ տարի խոշոր առևտրի կենտրոններից մեկում՝ Իսակովի պողոտայում գործող «Դոմուս» հիպերմարկետում, խոշոր հրդեհ բռնկվեց, պարզվեց` մասնաճյուղը ՔՏՀԱ տեսչական մարմնից
ավարտական ակտ չի ունեցել։ Բայց ընկերությունը չէր դիմել ավարտական ակտի համար, քանի որ այդ շենքը մինչ այդ ունեցել է պետական գրանցում (նման գրանցում է անում Կադաստրի կոմիտեն), իսկ տեսչական մարմինը 2024-ին հիպերմարկերտում վերահսկողական գործառույթ չէր իրականացրել։
