Մոլդովայում ուզում են արգելել Հայաստանի և Ռուսաստանի ավիաընկերությունների աշխատանքը
19:55 02.01.2025 (Թարմացված է: 21:43 02.01.2025)
Բաժանորդագրվել
Օրենքի նախագիծը նախատեսվում է քննարկել մինչև հունվարի 9-ը:
ԵՐԵՎԱՆ, 3 հունվարի – Sputnik. Մոլդովայի իշխանությունները ցանկանում են արգելել մի քանի երկրների, այդ թվում՝ Հայաստանի և Ռուսաստանի ավիաընկերությունների աշխատանքը։ Համապատասխան նախագիծն առաջարկել է քննարկման դնել ենթակառուցվածքների և տարածքային զարգացման նախարարությունը։
Նման որոշման նպատակն է ազգային օրենսդրությունը համապատասխանեցնել Եվրոպական միության նորմերին։
Ցանկում ներառվել են ավելի քան 20 երկրների ավիաընկերություններ, այդ թվում` Ռուսաստանի, Հայաստանի, Աֆղանստանի, Ղրղզստանի, Տանզանիայի, Կոնգոյի, Իրանի, Լիբիայի և Սուդանի։
Օրենքի նախագիծը նախատեսվում է քննարկել մինչև հունվարի 9-ը:
