https://arm.sputniknews.ru/20241229/tbilisium-meknarkel-e-vrastani-6-rd-nakhagahi-erdmnakalutjan-ararvoghutjuny-84423137.html
Թբիլիսիում մեկնարկել է Վրաստանի 6-րդ նախագահի երդմնակալության արարողությունը
Թբիլիսիում մեկնարկել է Վրաստանի 6-րդ նախագահի երդմնակալության արարողությունը
Sputnik Արմենիա
Սալոմե Զուրաբիշվիլին հայտարարել է, որ կլքի նախագահի նստավայրը: 29.12.2024, Sputnik Արմենիա
2024-12-29T11:20+0400
2024-12-29T11:20+0400
2024-12-29T11:36+0400
վրաստանի հանրապետություն
միխեիլ կավելաշվիլի
երդմնակալություն
թբիլիսի
https://cdn.am.sputniknews.ru/img/07e8/0c/1d/84422697_0:0:1281:720_1920x0_80_0_0_a41de2160b0182a72e734c5234dece57.jpg
ԵՐԵՎԱՆ, 29 դեկտեմբերի – Sputnik. Թբիլիսիի խորհրդարանի շենքում սկսվել է Վրաստանի 6-րդ նախագահ Միխեիլ Կավելաշվիլիի երդմնակալության արարողությունը։ Տեղեկությունը հայտնում է Sputnik Գրուզիան։Արդեն նախկին նախագահ Սալոմե Զուրաբիշվիլին ճեպազրույցի ժամանակ հայտարարել է, որ կլքի նախագահի Նստավայրը: Մինչ այդ նա նախագահական պալատից դիմել էր ցուցարարներին և կրկնել, որ հոկտեմբերի 26-ի խորհրդարանական ընտրությունները լեգիտիմ չեն, հետևաբար նախագահը ևս ոչ լեգիտիմ է: Զուրաբիշվիլին իր կողմնակիցներին բողոքի զանգվածային ակցիաների կոչ է արել։ Նա Արևմուտքի ներկայացուցիչներին հորդորել է Կավելաշվիլիին չճանաչել որպես նախագահ։Հիշեցնենք` դեկտեմբերի 14-ին Վրաստանում նախագահի ընտրություն անցկացվեց։ Երկրի պատմության մեջ առաջին անգամ առաջնորդին պետք է որոշեր 300 հոգուց բաղկացած ընտրիչների կոլեգիան։ Քվեարկությունն անցկացվեց «150+150» համակարգով։ Ընտրիչների կեսը Վրաստանի խորհրդարանի ներկայացուցիչներն էին, մյուսները՝ մարզերի։ Նախագահի միակ թեկնածուն Միխեիլ Կավելաշվիլին էր, որի թեկնածությունն առաջադրել էր իշխող «Վրացական երազանք» կուսակցությունը։Կավելաշվիլին 224 քվե ստացավ և դարձավ Վրաստանի 6-րդ նախագահը։Նշենք, որ վրացական ընդդիմությունը, Վրաստանի նախորդ նախագահ Սալոմե Զուրաբիշվիլին և ոչ կառավարական կազմակերպությունները պնդում են, որ XI գումարման խորհրդարանն ու կառավարությունը լեգիտիմ չեն: Ըստ նրանց` ապագա նախագահը նույնպես լեգիտիմ չի լինի։Զուրաբիշվիլին հայտարարում էր` քանի դեռ երկրի իշխանությունը չի փոխվել խորհրդարանական նոր ընտրությունների միջոցով, իշխանության միակ լեգիտիմ ներկայացուցիչն ինքն է:
վրաստանի հանրապետություն
թբիլիսի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վրաստանի հանրապետություն, միխեիլ կավելաշվիլի, երդմնակալություն, թբիլիսի, видео
վրաստանի հանրապետություն, միխեիլ կավելաշվիլի, երդմնակալություն, թբիլիսի, видео
Թբիլիսիում մեկնարկել է Վրաստանի 6-րդ նախագահի երդմնակալության արարողությունը
11:20 29.12.2024 (Թարմացված է: 11:36 29.12.2024) Սալոմե Զուրաբիշվիլին հայտարարել է, որ կլքի նախագահի նստավայրը:
ԵՐԵՎԱՆ, 29 դեկտեմբերի – Sputnik. Թբիլիսիի խորհրդարանի շենքում սկսվել է Վրաստանի 6-րդ նախագահ Միխեիլ Կավելաշվիլիի երդմնակալության արարողությունը։ Տեղեկությունը հայտնում է
Sputnik Գրուզիան։
Արարողության պաշտոնական մասը տեղի է ունենում օրենսդիր մարմնի լիագումար նիստերի դահլիճում: Կավելաշվիլին երդվում է Վրաստանի Սահմանադրության վրա։ Երկրի հիմնական օրենքի այդ օրինակը պահվում է խորհրդարանի թանգարանում և ամեն անգամ օգտագործվում է պետության ղեկավարի երդմնակալության արարողության ժամանակ:
Արդեն նախկին նախագահ Սալոմե Զուրաբիշվիլին ճեպազրույցի ժամանակ հայտարարել է, որ կլքի նախագահի Նստավայրը: Մինչ այդ նա նախագահական պալատից դիմել էր ցուցարարներին և կրկնել, որ հոկտեմբերի 26-ի խորհրդարանական ընտրությունները լեգիտիմ չեն, հետևաբար նախագահը ևս ոչ լեգիտիմ է: Զուրաբիշվիլին իր կողմնակիցներին բողոքի զանգվածային ակցիաների կոչ է արել։ Նա Արևմուտքի ներկայացուցիչներին հորդորել է Կավելաշվիլիին չճանաչել որպես նախագահ։
Հիշեցնենք` դեկտեմբերի 14-ին Վրաստանում նախագահի ընտրություն անցկացվեց։ Երկրի պատմության մեջ առաջին անգամ առաջնորդին պետք է որոշեր 300 հոգուց բաղկացած ընտրիչների կոլեգիան։ Քվեարկությունն անցկացվեց «150+150» համակարգով։ Ընտրիչների կեսը Վրաստանի խորհրդարանի ներկայացուցիչներն էին, մյուսները՝ մարզերի։ Նախագահի միակ թեկնածուն Միխեիլ Կավելաշվիլին էր, որի թեկնածությունն առաջադրել էր իշխող «Վրացական երազանք» կուսակցությունը։
Կավելաշվիլին
224 քվե ստացավ և դարձավ Վրաստանի 6-րդ նախագահը։
Նշենք, որ վրացական ընդդիմությունը, Վրաստանի նախորդ նախագահ Սալոմե Զուրաբիշվիլին և ոչ կառավարական կազմակերպությունները պնդում են, որ XI գումարման խորհրդարանն ու կառավարությունը լեգիտիմ չեն: Ըստ նրանց` ապագա նախագահը նույնպես լեգիտիմ չի լինի։
Զուրաբիշվիլին հայտարարում էր` քանի դեռ երկրի իշխանությունը չի փոխվել խորհրդարանական նոր ընտրությունների միջոցով, իշխանության միակ լեգիտիմ ներկայացուցիչն ինքն է:
