https://arm.sputniknews.ru/20241227/rusastani-mi-sharq-odanavakajanneri-ashkhatanqy-trichqnery-pashtpanelu-npatakvov-dadarecvel-e-84369687.html
Ռուսաստանի մի շարք օդանավակայանների աշխատանքը թռիչքները պաշտպանելու նպատակով դադարեցվել է
Ռուսաստանի մի շարք օդանավակայանների աշխատանքը թռիչքները պաշտպանելու նպատակով դադարեցվել է
Sputnik Արմենիա
Նման միջոցներ են ձեռնարկվել թռիչքների անվտանգությանը սպառնացող վտանգները կանխելու և հնարավոր ռիսկերին արագ արձագանքելու համար։ 27.12.2024, Sputnik Արմենիա
2024-12-27T10:19+0400
2024-12-27T10:19+0400
2024-12-27T10:21+0400
օդանավակայան
https://cdn.am.sputniknews.ru/img/1989/03/19890384_0:155:3090:1893_1920x0_80_0_0_16e86593abc15db730ee0e0c11da21ce.jpg
ԵՐԵՎԱՆ, 27 դեկտեմբերի – Sputnik. Այսօր ժամանակավոր սահմանափակումներ են մտցվել միանգամից ռուսական մի քանի օդանավակայանների աշխատանքում։Առավոտից ժամանակավորապես դադարեցրել է թռիչքների ընդունումն ու մեկնումը Սոչիի օդանավակայանը։ Այս մասին Telegram-ի իր ալիքում հայտնել է «Ռոսավիացիայի» մամուլի քարտուղար Արտյոմ Կորենյակոն։Կորենյակոյի խոսքով՝ օդանավակայանի բոլոր ծառայությունները՝ այդ թվում անձնակազմերը և ավիակարգավարները, միջոցներ են ձեռնարկել թռիչքների անվտանգությունն ապահովելու համար։Մոսկվայի ժամանակով ժամը 06:00-ից ժամանակավոր սահմանափակումներ էին մտցվել նաև Կազանի օդանավակայանում։ Այստեղ ևս դադարեցվել է չվերթերի ուղարկումն ու ընդունումը։ «Ռոսավիացիայի» ներկայացուցիչները պարզաբանել են, որ միջոցառումները կապված են անվտանգության ապահովման հետ։Դեկտեմբերի 27-ի առավոտյան սահմանափակումներ են մտցվել նաև Վոլգոգրադի և Աստրախանի օդանավակայաններում։ Արդյունքում Վոլգոգրադում հետաձգվել են Մոսկվայից «Աերոֆլոտ» և «Պոբեդա» ավիաընկերությունների թռիչքները, իսկ Աստրախանում՝ «Աերոֆլոտ»-ի չվերթը։ Սոչիի օդանավակայանը ժամանակավորապես չի գործիՕդանավակայանի ներկայացուցիչ Անաստասյա Գոլոդովան հայտնել է, որ Վոլգոգրադում և Աստրախանում բոլոր սահմանափակումներն արդեն հանվել են, օդանավակայանների աշխատանքը վերականգնվել է։Ավելի վաղ՝ դեկտեմբերի 26-ին, ժամանակավորապես դադարեցվել էին մեկնումները և ժամանումները Մոսկվայի օդանավակայաններում անօդաչուների հարձակման սպառնալիքի պատճառով։«Ռոսավիացիան» նշում է, որ նման միջոցառումներն անհրաժեշտ են թռիչքների անվտանգության սպառնալիքները կանխելու և հնարավոր ռիսկերին արագ արձագանքելու համար։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
օդանավակայան
Ռուսաստանի մի շարք օդանավակայանների աշխատանքը թռիչքները պաշտպանելու նպատակով դադարեցվել է
10:19 27.12.2024 (Թարմացված է: 10:21 27.12.2024) Նման միջոցներ են ձեռնարկվել թռիչքների անվտանգությանը սպառնացող վտանգները կանխելու և հնարավոր ռիսկերին արագ արձագանքելու համար։
ԵՐԵՎԱՆ, 27 դեկտեմբերի – Sputnik. Այսօր ժամանակավոր սահմանափակումներ են մտցվել միանգամից ռուսական մի քանի օդանավակայանների աշխատանքում։
Առավոտից ժամանակավորապես դադարեցրել է թռիչքների ընդունումն ու մեկնումը Սոչիի օդանավակայանը։ Այս մասին Telegram-ի իր ալիքում հայտնել է «Ռոսավիացիայի» մամուլի քարտուղար Արտյոմ Կորենյակոն։
«Անվտանգության ապահովման նպատակով ժամանակավոր սահմանափակումներ են սահմանվել Սոչիի օդանավակայանի շահագործման վրա։ Այն ժամանակավորապես չի ընդունում և չի ուղարկում օդանավեր»,- ասվում է հաղորդագրության մեջ։
Կորենյակոյի խոսքով՝ օդանավակայանի բոլոր ծառայությունները՝ այդ թվում անձնակազմերը և ավիակարգավարները, միջոցներ են ձեռնարկել թռիչքների անվտանգությունն ապահովելու համար։
Մոսկվայի ժամանակով ժամը 06:00-ից ժամանակավոր սահմանափակումներ էին մտցվել նաև Կազանի օդանավակայանում։ Այստեղ ևս դադարեցվել է չվերթերի ուղարկումն ու ընդունումը։ «Ռոսավիացիայի» ներկայացուցիչները պարզաբանել են, որ միջոցառումները կապված են անվտանգության ապահովման հետ։
Դեկտեմբերի 27-ի առավոտյան սահմանափակումներ են մտցվել նաև Վոլգոգրադի և Աստրախանի օդանավակայաններում։ Արդյունքում Վոլգոգրադում հետաձգվել են Մոսկվայից «Աերոֆլոտ» և «Պոբեդա» ավիաընկերությունների թռիչքները, իսկ Աստրախանում՝ «Աերոֆլոտ»-ի չվերթը։
Օդանավակայանի ներկայացուցիչ Անաստասյա Գոլոդովան հայտնել է, որ Վոլգոգրադում և Աստրախանում բոլոր սահմանափակումներն արդեն հանվել են, օդանավակայանների աշխատանքը վերականգնվել է։
Ավելի վաղ՝ դեկտեմբերի 26-ին, ժամանակավորապես դադարեցվել էին մեկնումները և ժամանումները Մոսկվայի օդանավակայաններում անօդաչուների հարձակման սպառնալիքի պատճառով։
«Ռոսավիացիան» նշում է, որ նման միջոցառումներն անհրաժեշտ են թռիչքների անվտանգության սպառնալիքները կանխելու և հնարավոր ռիսկերին արագ արձագանքելու համար։
