https://arm.sputniknews.ru/20241226/whatsapp-i-argelabacumy-tehrani-mesijn-e-voch-te-arevmutqin-ajl-irani-zhvoghvovrdin-vardanjan-84367741.html
WhatsApp-ի արգելաբացումը Թեհրանի մեսիջն է ոչ թե Արևմուտքին, այլ Իրանի ժողովրդին. Վարդանյան
WhatsApp-ի արգելաբացումը Թեհրանի մեսիջն է ոչ թե Արևմուտքին, այլ Իրանի ժողովրդին. Վարդանյան
Sputnik Արմենիա
Իրանագետը կարծում է, որ տեղային բնույթի առանձին դրական քայլերը չեն կարող ամբողջությամբ չեզոքացնել հանրային դժգոհությունը։ 26.12.2024, Sputnik Արմենիա
2024-12-26T22:46+0400
2024-12-26T22:46+0400
2024-12-26T23:08+0400
իրանի իսլամական հանրապետություն
հիջաբ
սոցցանցեր
whatsapp
https://cdn.am.sputniknews.ru/img/191/68/1916807_0:176:2566:1619_1920x0_80_0_0_81011cbd4aaf12918c37813d4601c9b0.jpg
ԵՐԵՎԱՆ, 26 դեկտեմբերի - Sputnik. Հայտնի մեսենջերի և հավելվածների խանութի արգելաբացումն Իրանում կոչված է մեղմելու աճող հանրային դժգոհությունը: Sputnik Արմենիայի հետ զրույցում նման կարծիք է հայտնել իրանագետ Ժաննա Վարդանյանը։Ավելի վաղ հայտնի էր դարձել, որ Իրանում որոշում է կայացվել վերացնել WhatsApp–ի և Google Play-ի արգելքը: Որոշումն ընդունվել է տեղեկատվական անվտանգության բարձրագույն խորհրդի ձայների մեծամասնությամբ:Նա նաև նշում է, որ Իրանի նախագահը հայտնի է որպես բարեփոխիչ, և զարմանալի չէ, որ նա հանդես է գալիս այդօրինակ լուծումների օգտին: Դեռևս նախընտրական քարոզարշավի ընթացքում Փեզեշքիանը խոսել է մի շարք բարեփոխումների և օրենքների ազատականացման մասին: Դրանց թվում էին և' արևմտյան ինտերնետ-ռեսուրսների ֆիլտրման վերացումը, և' հասարակական վայրերում հիջաբ կրելու հետ կապված հարցերը։Հիջաբ չկրող ուսանողուհիները չեն կարող սովորել Իրանի համալսարաններումԸստ այդմ, Փեզեշքիանի նախագահ ընտրվելուց ի վեր արդեն մի քանի ամիս է, որ Իրանում քննարկվում էր արգելաբացման թեման, իշխանություններն անընդհատ շեշտում էին այդ քայլի կարևորությունը։Ինչ վերաբերում է արգելաբացված մեսենջերին և հավելվածների խանութին, ապա այս դեպքում իրանցիներն այլևս ստիպված չեն լինի օգտվել VPN-ից: Այլ հարց է, որ եթե Արևմուտքի կողմից դրանք արտոնվեն, ապա իրանցիները կրկին կարող են խնդիրներ ունենալ։ Ընդ որում, փորձագետի դիտարկմամբ` Իրանում դեռ արգելափակված են մնում բազմաթիվ սոցցանցեր և հավելվածներ։Իրանագետը կարծում է, որ լոկալ բնույթի դրական քայլերը չեն կարող ամբողջությամբ չեզոքացնել հանրային դժգոհությունը։Բացի այդ, Իրանի իշխանություններին, Վարդանյանի կարծիքով, դժվար թե հաջողվի բոլոր ուղղություններով լուրջ բարեփոխումներ իրականացնել։ Օրինակ, երկրի խորհրդարանը վերջերս օրենք է ընդունել, որը պատիժ է նախատեսում 12 տարեկանից բարձր կանանց և աղջիկների համար, եթե նրանք առանց հիջաբի հայտնվեն հասարակական վայրերում, ինչպես նաև համացանցում: Հիջաբ կրելուց հրաժարվելու համար պատիժը նախկինում էլ էր գործում, սակայն այժմ տուգանքները կտրուկ աճել են, իսկ սպառնացող բանտարկության ժամկետը երկարացվել է մինչև 15 տարի: Այս իրավիճակում կառավարությունը դիմել է խորհրդարանին՝ խնդրելով հետաձգել օրենքի գործողությունը և հնարավորություն տալ իշխանություններին ներկայացնել այդ կապակցությամբ իրենց դիտողությունները։Զինված ընդդիմությունը դեմ է Սիրիայում հիջաբ հագնելու պարտադրանքին. ԶԼՄԱռայժմ հայտնի չէ, թե օրենքի ուժի մեջ մտնելուց առաջ ինչ փոփոխություններ կառաջարկի նախագահի թիմը, սակայն Վարդանյանը կասկածներ ունի, որ այս հարցում կառավարությունը զգալի արդյունքների կհասնի. առավելագույն դեպքում խոսքը կարող է վերաբերել տուգանքների որոշակի նվազեցման մասին:Ինչպես արդեն տեղեկացրել ենք, երկիրը համակած զանգվածային բողոքի ակցիաների ֆոնին Իրանի իշխանությունները 2022 թվականի սեպտեմբերին սահմանափակել էին որոշ սոցիալական ցանցերի և մեսենջերների հասանելիությունը։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, հիջաբ, սոցցանցեր, whatsapp
իրանի իսլամական հանրապետություն, հիջաբ, սոցցանցեր, whatsapp
WhatsApp-ի արգելաբացումը Թեհրանի մեսիջն է ոչ թե Արևմուտքին, այլ Իրանի ժողովրդին. Վարդանյան
22:46 26.12.2024 (Թարմացված է: 23:08 26.12.2024) Իրանագետը կարծում է, որ տեղային բնույթի առանձին դրական քայլերը չեն կարող ամբողջությամբ չեզոքացնել հանրային դժգոհությունը։
ԵՐԵՎԱՆ, 26 դեկտեմբերի - Sputnik. Հայտնի մեսենջերի և հավելվածների խանութի արգելաբացումն Իրանում կոչված է մեղմելու աճող հանրային դժգոհությունը:
Sputnik Արմենիայի հետ զրույցում նման կարծիք է հայտնել իրանագետ Ժաննա Վարդանյանը։
Ավելի վաղ հայտնի էր դարձել, որ Իրանում որոշում է կայացվել վերացնել WhatsApp–ի և Google Play-ի արգելքը: Որոշումն ընդունվել է տեղեկատվական անվտանգության բարձրագույն խորհրդի ձայների մեծամասնությամբ:
«Ես այդ քայլը չէի դիտարկի որպես ազդանշան Արևմուտքին։ Տվյալ դեպքում թիրախային լսարանը ոչ թե Արևմուտքն է, այլ իրանական հասարակությունը, որը ծանրաբեռնված է երկարաժամկետ լուծումներ պահանջող բազմաթիվ խորքային սոցիալ-տնտեսական հարցերով։ Կարելի է ասել, որ ցանկացած ոլորտում կան խնդիրներ, որոնք կարող են դառնալ զանգվածային բողոքների խթանիչ։ Ըստ այդմ, ներկա զգայուն իրավիճակում նման փոփոխությունները կարող են որոշակիորեն հանգստացնել Իրանի հասարակությանը», ասում է փորձագետը։
Նա նաև նշում է, որ Իրանի նախագահը հայտնի է որպես բարեփոխիչ, և զարմանալի չէ, որ նա հանդես է գալիս այդօրինակ լուծումների օգտին: Դեռևս նախընտրական քարոզարշավի ընթացքում Փեզեշքիանը խոսել է մի շարք բարեփոխումների և օրենքների ազատականացման մասին: Դրանց թվում էին և' արևմտյան ինտերնետ-ռեսուրսների ֆիլտրման վերացումը, և' հասարակական վայրերում հիջաբ կրելու հետ կապված հարցերը։
Ըստ այդմ, Փեզեշքիանի նախագահ ընտրվելուց ի վեր արդեն մի քանի ամիս է, որ Իրանում քննարկվում էր արգելաբացման թեման, իշխանություններն անընդհատ շեշտում էին այդ քայլի կարևորությունը։
«Այսինքն՝ WhatsApp-ի և Google Play-ի ֆիլտրման չեղարկումը կարելի է դիտարկել նաև որպես նախընտրական խոստումների կատարում»,– ասում է մեր զրուցակիցը։
Ինչ վերաբերում է արգելաբացված մեսենջերին և հավելվածների խանութին, ապա այս դեպքում իրանցիներն այլևս ստիպված չեն լինի օգտվել VPN-ից: Այլ հարց է, որ եթե Արևմուտքի կողմից դրանք արտոնվեն, ապա իրանցիները կրկին կարող են խնդիրներ ունենալ։ Ընդ որում, փորձագետի դիտարկմամբ` Իրանում դեռ արգելափակված են մնում բազմաթիվ սոցցանցեր և հավելվածներ։
Իրանագետը կարծում է, որ լոկալ բնույթի դրական քայլերը չեն կարող ամբողջությամբ չեզոքացնել հանրային դժգոհությունը։
Բացի այդ, Իրանի իշխանություններին, Վարդանյանի կարծիքով, դժվար թե հաջողվի բոլոր ուղղություններով լուրջ բարեփոխումներ իրականացնել։ Օրինակ, երկրի խորհրդարանը վերջերս օրենք է ընդունել, որը պատիժ է նախատեսում 12 տարեկանից բարձր կանանց և աղջիկների համար, եթե նրանք առանց հիջաբի հայտնվեն հասարակական վայրերում, ինչպես նաև համացանցում: Հիջաբ կրելուց հրաժարվելու համար պատիժը նախկինում էլ էր գործում, սակայն այժմ տուգանքները կտրուկ աճել են, իսկ սպառնացող բանտարկության ժամկետը երկարացվել է մինչև 15 տարի: Այս իրավիճակում կառավարությունը դիմել է խորհրդարանին՝ խնդրելով հետաձգել օրենքի գործողությունը և հնարավորություն տալ իշխանություններին ներկայացնել այդ կապակցությամբ իրենց դիտողությունները։
Առայժմ հայտնի չէ, թե օրենքի ուժի մեջ մտնելուց առաջ ինչ փոփոխություններ կառաջարկի նախագահի թիմը, սակայն Վարդանյանը կասկածներ ունի, որ այս հարցում կառավարությունը զգալի արդյունքների կհասնի. առավելագույն դեպքում խոսքը կարող է վերաբերել տուգանքների որոշակի նվազեցման մասին:
Ինչպես արդեն տեղեկացրել ենք, երկիրը համակած զանգվածային բողոքի ակցիաների ֆոնին Իրանի իշխանությունները 2022 թվականի սեպտեմբերին սահմանափակել էին որոշ սոցիալական ցանցերի և մեսենջերների հասանելիությունը։
