https://arm.sputniknews.ru/20241226/rusastany-patrast-e-ajakcel-hajastanin-briks-i-het-merdzecman-harcum-kvopirkin-84365991.html
Ռուսաստանը պատրաստ է աջակցել Հայաստանին ԲՐԻԿՍ-ի հետ մերձեցման հարցում. Կոպիրկին
Ռուսաստանը պատրաստ է աջակցել Հայաստանին ԲՐԻԿՍ-ի հետ մերձեցման հարցում. Կոպիրկին
Sputnik Արմենիա
Ռուսաստանն ավարտել է ԲՐԻԿՍ-ում նախագահելը։ Sputnik Արմենիայի խնդրանքով Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ... 26.12.2024, Sputnik Արմենիա
2024-12-26T21:00+0400
2024-12-26T21:00+0400
2024-12-26T21:00+0400
բրիկս
հայաստան
ռուսաստան
սերգեյ կոպիրկին
https://cdn.am.sputniknews.ru/img/2357/55/23575596_0:0:1600:901_1920x0_80_0_0_f6cd0dbfd0eb8b26a6bc3968f6258c9d.jpg
ԲՐԻԿՍ-ը եզակի միջպետական հանրույթ է, որտեղ գերիշխում է միջազգային իրավունքը։ Այն ուղղված է նոր, ավելի արդար բազմաբևեռ աշխարհակարգի ձևավորմանը։ Միավորման մասնակից պետություններում ապրում է 3,6 մլրդ մարդ, արտադրվում է համաշխարհային ՀՆԱ-ի ավելի քան 35 տոկոսը։ Ավելի քան 30 երկիր հայտարարել է այդ միջպետական ակումբի հետ սերտ կապեր հաստատելու մտադրության մասին:Ռուսաստանը ԲՐԻԿՍ-ի նախագահի պաշտոնում 2024 թվականին ակտիվորեն առաջ է մղել համագործակցությունը երեք առանցքային ուղղություններով` «քաղաքականություն և անվտանգություն», «տնտեսություն և ֆինանսներ», «մշակութային և հումանիտար կապեր»։Մենք առաջնահերթ ուշադրություն ենք դարձրել գիտության, բարձր տեխնոլոգիաների, առողջապահության և բնապահպանության ոլորտներում փոխգործակցության ամրապնդմանը, ԲՐԻԿՍ-ի շրջանակներում փոխգործակցության բոլոր ուղղություններում նրա նոր լիիրավ մասնակիցների` Եգիպտոսի, Իրանի, Արաբական Միացյալ Էմիրությունների, Սաուդյան Արաբիայի և Եթովպիայի ներդաշնակ ներառմանը, ինչպես նաև ԲՐԻԿՍ-ի գործընկեր պետությունների նոր կատեգորիայի համար չափանիշների մշակմանը:Ռուսաստանը նախաձեռնություններ է ներկայացրել այնպիսի արդիական թեմաների շուրջ, ինչպիսիք են անվտանգ տրանսպորտային շղթաների ստեղծումը, մասնավորապես՝ «Հյուսիս-Հարավ» միջազգային տրանսպորտային միջանցքը, հանդես է եկել ԲՐԻԿՍ-ի շրջանակներում տրանսպորտի մշտական հանձնաժողով ստեղծելու առաջարկով, ակտիվացրել է արբանյակային խմբավորման ոլորտում ԲՐԻԿՍ-ի երկրների համագործակցության համաձայնագրի իրականացումը և արհեստական բանականությամբ ոլորտում Ռուսաստանում մշակված էթիկայի օրենսգրքի խթանումը։ ՌԴ-ն հանդես է եկել նաև զանգվածային վարակիչ հիվանդությունների առաջացման վաղ նախազգուշացման համակարգի գործարկման և միջուկային բժշկության ոլորտում համակարգման հաստատման նախաձեռնությամբ:ԲՐԻԿՍ-ում Ռուսաստանի նախագահության գագաթնակետը հոկտեմբերին Կազանում կայացած գագաթաժողովն էր, որին ներկա էին շուրջ քսան հազար հյուրեր, երեսունհինգ երկրների ու վեց միջազգային կազմակերպությունների պատվիրակություններ: Դրանով հստակ հերքվեց այն առասպելը, թե Ռուսաստանը «միջազգային մեկուսացման» մեջ է։Այս խոշոր միջազգային միջոցառման արդյունքում ԲՐԻԿՍ-ի պետությունները կրկին ընդգծել են ՄԱԿ-ի, Արժույթի միջազգային հիմնադրամի (ԱՄՀ), Համաշխարհային բանկի և Առևտրի համաշխարհային կազմակերպության բարեփոխման անհրաժեշտությունը: Վերահաստատել են միակողմանի պատժամիջոցների անընդունելիությունը, կայուն զարգացման նպատակների իրականացման նշանակությունը, կլիմայի փոփոխությունների դեմ պայքարի և ահաբեկչությանը դիմակայելու կարևորությունը։Ամրապնդել են միջազգային իրավունքի և ինքնիշխան շահերի նկատմամբ փոխադարձ հարգանքի վրա հիմնված ավելի ժողովրդավարական, ներառական և բազմաբևեռ աշխարհակարգի կառուցման հանձնառությունը։ Կազանում հաստատվել է նաև «կազմակերպության գործընկեր երկրների» կատեգորիան․ դրանք են՝ Ալժիրը, Բելառուսը, Բոլիվիան, Վիետնամը, Ինդոնեզիան, Ղազախստանը, Կուբան, Մալայզիան, Նիգերիան, Թաիլանդը, Թուրքիան, Ուգանդան և Ուզբեկստանը:Կազանի գագաթաժողովին մասնակցել է Հայաստանի Հանրապետության պաշտոնական պատվիրակությունը՝ վարչապետ Նիկոլ Փաշինյանի գլխավորությամբ: Նշանակալի իրադարձություն էր հայ-ադրբեջանական բարձր մակարդակի արդյունավետ բանակցությունների անցկացումը Կազանի համաժողովի շրջանակներում՝ հարաբերությունների կարգավորման հարցերի շուրջ։ Դա գործնականում ապացուցեց, որ ԲՐԻԿՍ-ը կարող է որպես հարմարավետ և չեզոք հարթակ հանդես գալ վիճելի հարցերի կարգավորման նպատակով միջպետական երկխոսության համար։ Հայաստանում ԲՐԻԿՍ-ի հետ մերձեցման նկատմամբ հետաքրքրության հասունացման դեպքում Ռուսաստանը պատրաստ է ամեն կերպ աջակցել դրան՝ դաշնակցային հարաբերությունների և ռազմավարական գործընկերության ոգով։ Ինչ օգուտ կարող է ստանալ ՀՀ–ն ԲՐԻԿՍ-ի հետ փոխգործակցությունից. փորձագետի մեկնաբանությունըՀաջորդ տարի ԲՐԻԿՍ-ի նախագահությունն անցնում է Բրազիլիային։ Ինչպես հաստատել է Ռուսաստանի Դաշնության նախագահ Վլադիմիր Պուտինը՝ մեր բրազիլացի ընկերներին կցուցաբերենք ամբողջ անհրաժեշտ աջակցությունը այս տարի ձեռք բերված պայմանավորվածությունների գործնական իրականացման և միավորման հետագա զարգացման գործում։ Ռուսաստանը տրամադրված է ԲՐԻԿՍ-ի գծով բոլոր գործընկերների հետ եռանդուն և սերտ համակարգման՝ փոխադարձ հարգալից և փոխշահավետ միջպետական համագործակցության հետագա զարգացման և ավելի արդար աշխարհակարգի կառուցման շահերից ելնելով։
https://arm.sputniknews.ru/20241023/briksi-gagatnazhvoghvovi-orakargn-ughghakivoren-veraberum-e-hajastanin-pashinjan-82203722.html
https://arm.sputniknews.ru/20240912/hamapataskhanum-e-erevani-shaherin-panvovan-briks-i-het-hamagvortsakcutjan-masin-80575202.html
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բրիկս, հայաստան, ռուսաստան, սերգեյ կոպիրկին
բրիկս, հայաստան, ռուսաստան, սերգեյ կոպիրկին
Ռուսաստանը պատրաստ է աջակցել Հայաստանին ԲՐԻԿՍ-ի հետ մերձեցման հարցում. Կոպիրկին
Ռուսաստանն ավարտել է ԲՐԻԿՍ-ում նախագահելը։ Sputnik Արմենիայի խնդրանքով Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը պատմել է, թե ինչով է հիշարժան այս ժամանակահատվածը։
ԲՐԻԿՍ-ը եզակի միջպետական հանրույթ է, որտեղ գերիշխում է միջազգային իրավունքը։ Այն ուղղված է նոր, ավելի արդար բազմաբևեռ աշխարհակարգի ձևավորմանը։ Միավորման մասնակից պետություններում ապրում է 3,6 մլրդ մարդ, արտադրվում է համաշխարհային ՀՆԱ-ի ավելի քան 35 տոկոսը։ Ավելի քան 30 երկիր հայտարարել է այդ միջպետական ակումբի հետ սերտ կապեր հաստատելու մտադրության մասին:
Ռուսաստանը ԲՐԻԿՍ-ի նախագահի պաշտոնում 2024 թվականին ակտիվորեն առաջ է մղել համագործակցությունը երեք առանցքային ուղղություններով` «քաղաքականություն և անվտանգություն», «տնտեսություն և ֆինանսներ», «մշակութային և հումանիտար կապեր»։
Մենք առաջնահերթ ուշադրություն ենք դարձրել գիտության, բարձր տեխնոլոգիաների, առողջապահության և բնապահպանության ոլորտներում փոխգործակցության ամրապնդմանը, ԲՐԻԿՍ-ի շրջանակներում փոխգործակցության բոլոր ուղղություններում նրա նոր լիիրավ մասնակիցների` Եգիպտոսի, Իրանի, Արաբական Միացյալ Էմիրությունների, Սաուդյան Արաբիայի և Եթովպիայի ներդաշնակ ներառմանը, ինչպես նաև ԲՐԻԿՍ-ի գործընկեր պետությունների նոր կատեգորիայի համար չափանիշների մշակմանը:
Ռուսաստանը նախաձեռնություններ է ներկայացրել այնպիսի արդիական թեմաների շուրջ, ինչպիսիք են անվտանգ տրանսպորտային շղթաների ստեղծումը, մասնավորապես՝ «Հյուսիս-Հարավ» միջազգային տրանսպորտային միջանցքը, հանդես է եկել ԲՐԻԿՍ-ի շրջանակներում տրանսպորտի մշտական հանձնաժողով ստեղծելու առաջարկով, ակտիվացրել է արբանյակային խմբավորման ոլորտում ԲՐԻԿՍ-ի երկրների համագործակցության համաձայնագրի իրականացումը և արհեստական բանականությամբ ոլորտում Ռուսաստանում մշակված էթիկայի օրենսգրքի խթանումը։ ՌԴ-ն հանդես է եկել նաև զանգվածային վարակիչ հիվանդությունների առաջացման վաղ նախազգուշացման համակարգի գործարկման և միջուկային բժշկության ոլորտում համակարգման հաստատման նախաձեռնությամբ:
ԲՐԻԿՍ-ում Ռուսաստանի նախագահության գագաթնակետը հոկտեմբերին Կազանում կայացած գագաթաժողովն էր, որին ներկա էին շուրջ քսան հազար հյուրեր, երեսունհինգ երկրների ու վեց միջազգային կազմակերպությունների պատվիրակություններ: Դրանով հստակ հերքվեց այն առասպելը, թե Ռուսաստանը «միջազգային մեկուսացման» մեջ է։
Այս խոշոր միջազգային միջոցառման արդյունքում ԲՐԻԿՍ-ի պետությունները կրկին ընդգծել են ՄԱԿ-ի, Արժույթի միջազգային հիմնադրամի (ԱՄՀ), Համաշխարհային բանկի և Առևտրի համաշխարհային կազմակերպության բարեփոխման անհրաժեշտությունը: Վերահաստատել են միակողմանի պատժամիջոցների անընդունելիությունը, կայուն զարգացման նպատակների իրականացման նշանակությունը, կլիմայի փոփոխությունների դեմ պայքարի և ահաբեկչությանը դիմակայելու կարևորությունը։
Ամրապնդել են միջազգային իրավունքի և ինքնիշխան շահերի նկատմամբ փոխադարձ հարգանքի վրա հիմնված ավելի ժողովրդավարական, ներառական և բազմաբևեռ աշխարհակարգի կառուցման հանձնառությունը։ Կազանում հաստատվել է նաև «կազմակերպության գործընկեր երկրների» կատեգորիան․ դրանք են՝ Ալժիրը, Բելառուսը, Բոլիվիան, Վիետնամը, Ինդոնեզիան, Ղազախստանը, Կուբան, Մալայզիան, Նիգերիան, Թաիլանդը, Թուրքիան, Ուգանդան և Ուզբեկստանը:
Կազանի գագաթաժողովին մասնակցել է Հայաստանի Հանրապետության պաշտոնական պատվիրակությունը՝ վարչապետ Նիկոլ Փաշինյանի գլխավորությամբ: Նշանակալի իրադարձություն էր հայ-ադրբեջանական բարձր մակարդակի արդյունավետ բանակցությունների անցկացումը Կազանի համաժողովի շրջանակներում՝ հարաբերությունների կարգավորման հարցերի շուրջ։ Դա գործնականում ապացուցեց, որ ԲՐԻԿՍ-ը կարող է որպես հարմարավետ և չեզոք հարթակ հանդես գալ վիճելի հարցերի կարգավորման նպատակով միջպետական երկխոսության համար։ Հայաստանում ԲՐԻԿՍ-ի հետ մերձեցման նկատմամբ հետաքրքրության հասունացման դեպքում Ռուսաստանը պատրաստ է ամեն կերպ աջակցել դրան՝ դաշնակցային հարաբերությունների և ռազմավարական գործընկերության ոգով։
Հաջորդ տարի ԲՐԻԿՍ-ի նախագահությունն անցնում է Բրազիլիային։ Ինչպես հաստատել է Ռուսաստանի Դաշնության նախագահ Վլադիմիր Պուտինը՝ մեր բրազիլացի ընկերներին կցուցաբերենք ամբողջ անհրաժեշտ աջակցությունը այս տարի ձեռք բերված պայմանավորվածությունների գործնական իրականացման և միավորման հետագա զարգացման գործում։ Ռուսաստանը տրամադրված է ԲՐԻԿՍ-ի գծով բոլոր գործընկերների հետ եռանդուն և սերտ համակարգման՝ փոխադարձ հարգալից և փոխշահավետ միջպետական համագործակցության հետագա զարգացման և ավելի արդար աշխարհակարգի կառուցման շահերից ելնելով։
