Տոնածառ և տոնական մթնոլորտ. ամանորյա ներկայացումներ արցախցի երեխաների համար
20:00 23.12.2024 (Թարմացված է: 20:05 23.12.2024)
© Photo : "Наследие и Прогресс"
Բաժանորդագրվել
Արցախցի երեխաների համար Հայաստանի երկու քաղաքներում մարդասիրական ակցիաներ են անցկացվել։
ԵՐԵՎԱՆ, 23 դեկտեմբերի - Sputnik. Արցախցի երեխաների համար նախ Հրազդանում, ապա Մեծամորում վառ ևուրախ միջոցառումներ են կազմակերպվել: Ծրագրում ներառված են եղել թղթե շոու, ծաղրածուների հետ պարանով մրցույթ, պարկերով մրցավազք և «Փյունիկի» խորհրդանիշներով գնդակներով աճպարարություն:
Ամանորյա միջոցառումները կազմակերպել էր «Ժառանգություն և առաջընթաց» ռուս-հայկական մարդասիրական նախաձեռնությունների զարգացման և աջակցության բարեգործական հիմնադրամը։
«Ժառանգություն և առաջընթաց» մարդասիրական նախաձեռնությունների զարգացման և աջակցության բարեգործական հիմնադրամը արցախցի երեխաների համար ամանորյա միջոցառումներ է անցկացրել Հրազդանում և Մեծամորում
© Photo : "Наследие и Прогресс"
Յուրաքանչյուր քաղաքում տեղի է ունեցել 2-ական միջոցառում՝ նախադպրոցականների և ավելի մեծ տարիքի երեխաների համար: Ընդհանուր առմամբ, դրանց մասնակցել է մոտ 1300 երեխա։ «Ժառանգություն և առաջընթաց» հիմնադրամի հոգաբարձուների խորհրդի անդամ, ռուսաստանաբնակ գործարար Արթուր Սողոմոնյանը դուստրերի՝ Ալինայի և Անահիտի հետ ներկա է եղել միջոցառումներին: Նրանցից մեկը Ձյունանուշի շորերով է եղելև շուրջպար բռնել երեխաների հետ, իսկ մյուսը՝ Հայաստանի հավաքականի ամենաերիտասարդ թենիսիստուհին, երեխաներին ցույց է տվել, թե ինչպես վարվել թենիսի ռակետի հետ։
«Ժառանգություն և առաջընթաց» մարդասիրական նախաձեռնությունների զարգացման և աջակցության բարեգործական հիմնադրամը արցախցի երեխաների համար ամանորյա միջոցառումներ է անցկացրել Հրազդանում և Մեծամորում
© Photo : "Наследие и Прогресс"
Սողոմոնյանի խոսքով՝ Հրազդանի ընտրությունը պատահական չէր. հենց այստեղ են բնակություն գտել տեղահանված շատ արցախցի ընտանիքներ:
«Ժառանգություն և առաջընթաց» մարդասիրական նախաձեռնությունների զարգացման և աջակցության բարեգործական հիմնադրամը արցախցի երեխաների համար ամանորյա միջոցառումներ է անցկացրել Հրազդանում և Մեծամորում
© Photo : "Наследие и Прогресс"
«2023 թվականին նման միջոցառումներ անցկացվել են Մասիսում, բայց տարվա ընթացքում իրավիճակ է փոխվել։ Կարևոր է արցախցի երեխաների նկատմամբ լինել ուշադիր և օգնել նրանց հաղթահարել հոգեբանական խնդիրները: Մենք արդեն մի քանի տարի երեխաների պաշտպանության օրը և ամանորյա տոներին, անցկացնում ենք նման միջոցառումներ։ Այս ամառ մոտ 70 երեխա 4 շաբաթ անցկացրել է մանկական ճամբարում՝ Ռուսաստանում։ Հուսով եմ, որ դա կդառնա ավանդույթ», - Sputnik Արմենիայի հետ զրույցում պատմել է Սողոմոնյանը։
«Ժառանգություն և առաջընթաց» մարդասիրական նախաձեռնությունների զարգացման և աջակցության բարեգործական հիմնադրամը արցախցի երեխաների համար ամանորյա միջոցառումներ է անցկացրել Հրազդանում և Մեծամորում
© Photo : "Наследие и Прогресс"
«Ժառանգություն և առաջընթաց» բարեգործական հիմնադրամն արդեն չորրորդ տարին է` Հայաստանում կազմակերպում է ամանորյա միջոցառումներ: Այս ընթացքում դրանց մասնակից են դարձել արցախցի շուրջ 5000 երեխա։
