https://arm.sputniknews.ru/20241220/veratsnvats-arcakh-kamerajin-nvagakhumby-erevanum-arajin-hamergy-kunena-84152567.html
Վերածնված «Արցախ» կամերային նվագախումբը Երևանում առաջին համերգը կունենա
Վերածնված «Արցախ» կամերային նվագախումբը Երևանում առաջին համերգը կունենա
Sputnik Արմենիա
Նվագախմբի գործունեությունը վերսկսելու համար պետական որևէ աջակցություն չի ցուցաբերվում։ 20.12.2024, Sputnik Արմենիա
2024-12-20T14:56+0400
2024-12-20T14:56+0400
2024-12-20T16:48+0400
արցախ
նվագախումբ
նարեկ հախնազարյան
հասմիկ պապյան
https://cdn.am.sputniknews.ru/img/07e8/0c/14/84149292_0:84:1600:984_1920x0_80_0_0_3f5ee1d7495a24471c9d962841ff2d72.jpg
ԵՐԵՎԱՆ, 20 դեկտեմբերի – Sputnik. Երևանում կայանալու է վերածնված «Արցախ» կամերային նվագախմբի առաջին համերգը Կամերային երաժշտության տանը։Նվագախմբին կից ստեղծվել է նաև «Արցախ» նվագախմբի հիմնադրամ, որի հոգաբարձուների խորհրդի նախագահը օպերային երգչուհի Հասմիկ Պապյանն է։ Թավջութակահար Նարեկ Հախնազարյանն էլ նվագախմբի նոր գեղարվեստական ղեկավարն ու դիրիժորն է։ Մինչ այդ Գևորգ Մուրադյանն էր, որը նշել է, որ արդեն տարիքից ելնելով՝ չի կարող ղեկավարել նվագախումբը։«Ես վաղուց եմ ճանաչում 14 անձից կազմված «Արցախ» կամերային նվագախմբին, և երբ 1 տարի առաջ արցախցիները բռնագաղթեցին Հայաստան, մտածեցի, որ իրենց պետք է կրկին համախմբել ու վերադարձնել մասնագիտությամբ աշխատելու հնարավորությունը։ Այժմ մեծ ուրախությամբ սպասում ենք իրենց առաջին համերգի կայացմանը»,– Sputnik Արմենիայի մուլտիմեդիոն սրահում ասաց Պապյանը։Նարեկ Հախնազարյանն էլ նշեց, որ նվագախմբի հիմնական կազմից մի քանիսը տարբեր պատճառներով չկարողացան շարունակել իրենց գործունեությունը։Պապյանն ու Հախնազարյանը հույս ունեն, որ որոշակի հաճախականությամբ հյուրախաղեր էլ կունենան։Նրանք անդրադարձան նաև այն հանգամանքին, որ Ադրբեջանի վարած քաղաքականության պատճառով երկրից դուրս կարող են «Արցախ» անվան պատճառով որոշ մարտահրավերների առաջ կանգնել։ Երկուսն էլ վստահեցրին` պատրաստ են դիմակայել դրանց։«Ով ինչ քաղաքականություն էլ վարի, «Արցախ» անունը կապված է մեր հող ու ջրի հետ, Արցախն էլ ոչ ոք չի կարող խլել մեզանից։ Հուսանք, որ ոչ թե ստիպված կլինենք ենթարկվել պարտադրանքների, այլ կունենանք մեր համոզմունքները և կկարողանանք հասնել մեր նպատակին»,– նշեց օպերային երգչուհին։Դիրիժորն էլ վստահեցրեց` պատրաստ են մարտահրավերներին ու կպայքարեն անհրաժեշտության դեպքում։ Նա շեշտեց` «Արցախ» կամերային նվագախումբը միջոց է` երաժշտական դիվանագիտության միջոցով ստիպել աշխարհին չմոռանալ, թե ինչ է կատարվել ու կատարվում։«2020 և 2023 թվականներն աշխարհի համար աննկատ անցան։ Հայության ողբերգությունն ու խնդիրները ոչ ոքի չհետաքրքրեցին ու չեն հետաքրքրում։ Մենք պետք է փորձենք անել այն, ինչ հնարավոր մեր ուժերի ներածին չափով։ Հուսանք, որ կկարողանանք արտասահմանում դիմադրել ադրբեջանական լոբբիին»,– ասաց Հախնազարյանը։Հախնազարյանն ու Պապյանը նաև ընդգծեցին, որ նվագախմբի գլխավոր հովանավորն ու աջակիցը Հայկական բարեգործական ընդհանուր միությունն է, իսկ պետական աջակցություն չկա։Համերգը կայանալու է դեկտեմբերի 23-ին, ժամը 20։00-ին, որի ժամանակ նաև բարեգործական ցուցահանդես է լինելու` վաճառվելու են տարբեր նկարիչների գործեր։ Ամբողջ հասույթը փոխանցվելու է բարեգործական կարիքների։ Ցուցահանդեսը բաց կլինի ժամը 18։00-ից։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, նվագախումբ, նարեկ հախնազարյան, հասմիկ պապյան
արցախ, նվագախումբ, նարեկ հախնազարյան, հասմիկ պապյան
Վերածնված «Արցախ» կամերային նվագախումբը Երևանում առաջին համերգը կունենա
14:56 20.12.2024 (Թարմացված է: 16:48 20.12.2024) Նվագախմբի գործունեությունը վերսկսելու համար պետական որևէ աջակցություն չի ցուցաբերվում։
ԵՐԵՎԱՆ, 20 դեկտեմբերի – Sputnik. Երևանում կայանալու է վերածնված «Արցախ» կամերային նվագախմբի առաջին համերգը Կամերային երաժշտության տանը։
Նվագախմբին կից ստեղծվել է նաև «Արցախ» նվագախմբի հիմնադրամ, որի հոգաբարձուների խորհրդի նախագահը օպերային երգչուհի Հասմիկ Պապյանն է։ Թավջութակահար Նարեկ Հախնազարյանն էլ նվագախմբի նոր գեղարվեստական ղեկավարն ու դիրիժորն է։ Մինչ այդ Գևորգ Մուրադյանն էր, որը նշել է, որ արդեն տարիքից ելնելով՝ չի կարող ղեկավարել նվագախումբը։
«Ես վաղուց եմ ճանաչում 14 անձից կազմված «Արցախ» կամերային նվագախմբին, և երբ 1 տարի առաջ արցախցիները բռնագաղթեցին Հայաստան, մտածեցի, որ իրենց պետք է կրկին համախմբել ու վերադարձնել մասնագիտությամբ աշխատելու հնարավորությունը։ Այժմ մեծ ուրախությամբ սպասում ենք իրենց առաջին համերգի կայացմանը»,–
Sputnik Արմենիայի մուլտիմեդիոն սրահում ասաց Պապյանը։
Նարեկ Հախնազարյանն էլ նշեց, որ նվագախմբի հիմնական կազմից մի քանիսը տարբեր պատճառներով չկարողացան շարունակել իրենց գործունեությունը։
«Մենք հոկտեմբերին լսումներ անցկացրինք, և 40–ից ավելի երաժիշտ է եկել այդ լսումներին։ Այժմ նվագախումբը մի փոքր ավելի մեծ է, ինձ համար շատ հաճելի է այն փաստը, որ կազմը բավականին երիտասարդ է։ Արդեն 1 շաբաթ է՝ պատրաստվում ենք համերգին, շատ հետաքրքիր և ամբիցիոզ ծրագիր է երիտասարդների համար։ Նվագելու ենք Մոցարտի «Ռե մաժոր» դիվերտիսմենտը, Պյոտր Չայկովսկու լեգենդար սերենադը լարայինների համար։ Ծրագրում լինելու են նաև Կոմիտասի մենանվագները, որովհետև մեր նվագախմբի հիմնական նպատակներից է հայկական երաժշտության հանրահռչակումը»,– ասաց Հախնազարյանը։
Պապյանն ու Հախնազարյանը հույս ունեն, որ որոշակի հաճախականությամբ հյուրախաղեր էլ կունենան։
Նրանք անդրադարձան նաև այն հանգամանքին, որ Ադրբեջանի վարած քաղաքականության պատճառով երկրից դուրս կարող են «Արցախ» անվան պատճառով որոշ մարտահրավերների առաջ կանգնել։ Երկուսն էլ վստահեցրին` պատրաստ են դիմակայել դրանց։
«Ով ինչ քաղաքականություն էլ վարի, «Արցախ» անունը կապված է մեր հող ու ջրի հետ, Արցախն էլ ոչ ոք չի կարող խլել մեզանից։ Հուսանք, որ ոչ թե ստիպված կլինենք ենթարկվել պարտադրանքների, այլ կունենանք մեր համոզմունքները և կկարողանանք հասնել մեր նպատակին»,– նշեց օպերային երգչուհին։
Դիրիժորն էլ վստահեցրեց` պատրաստ են մարտահրավերներին ու կպայքարեն անհրաժեշտության դեպքում։ Նա շեշտեց` «Արցախ» կամերային նվագախումբը միջոց է` երաժշտական դիվանագիտության միջոցով ստիպել աշխարհին չմոռանալ, թե ինչ է կատարվել ու կատարվում։
«2020 և 2023 թվականներն աշխարհի համար աննկատ անցան։ Հայության ողբերգությունն ու խնդիրները ոչ ոքի չհետաքրքրեցին ու չեն հետաքրքրում։ Մենք պետք է փորձենք անել այն, ինչ հնարավոր մեր ուժերի ներածին չափով։ Հուսանք, որ կկարողանանք արտասահմանում դիմադրել ադրբեջանական լոբբիին»,– ասաց Հախնազարյանը։
Հախնազարյանն ու Պապյանը նաև ընդգծեցին, որ նվագախմբի գլխավոր հովանավորն ու աջակիցը Հայկական բարեգործական ընդհանուր միությունն է, իսկ պետական աջակցություն չկա։
Համերգը կայանալու է դեկտեմբերի 23-ին, ժամը 20։00-ին, որի ժամանակ նաև բարեգործական ցուցահանդես է լինելու` վաճառվելու են տարբեր նկարիչների գործեր։ Ամբողջ հասույթը փոխանցվելու է բարեգործական կարիքների։ Ցուցահանդեսը բաց կլինի ժամը 18։00-ից։
