https://arm.sputniknews.ru/20241220/alievy-kvercni-ajspes-kvochvats-zangezuri-mijancq-ajd-tvum-mekorja-paterazmvov-oskanjan-84168236.html
Ալիևը կվերցնի այսպես կոչված «Զանգեզուրի միջանցքը», այդ թվում՝ մեկօրյա պատերազմով. Օսկանյան
Ալիևը կվերցնի այսպես կոչված «Զանգեզուրի միջանցքը», այդ թվում՝ մեկօրյա պատերազմով. Օսկանյան
Sputnik Արմենիա
Դիվանագետը կարևոր է համարում Արցախի հարցը կրկին բանակցային օրակարգում ներառելը։ 20.12.2024, Sputnik Արմենիա
2024-12-20T18:05+0400
2024-12-20T18:05+0400
2024-12-20T18:34+0400
հայաստան
ադրբեջան
«զանգեզուրի միջանցք»
վարդան օսկանյան
https://cdn.am.sputniknews.ru/img/07e7/08/09/64146559_0:0:1600:900_1920x0_80_0_0_bc52d2cf427ce028555d1a7cca60a57a.jpg
ԵՐԵՎԱՆ, 20 դեկտեմբերի – Sputnik. Ադրբեջանի նախագահ Իլհամ Ալիևն ամեն գնով կվերցնի այսպես կոչված «Զանգեզուրի միջանցք», այդ թվում՝ մեկօրյա պատերազմի միջոցով։ Այս մասին տեսաուղերձում ասել է Հայաստանի նախկին արտգործնախարար Վարդան Օսկանյանը՝ մեկնաբանելով Ալիևի հարցազրույցը և ՀՀ վարչապետ Նիկոլ Փաշինյանի պատասխանը։Ավելի վաղ Ադրբեջանի նախագահը հայտարարել էր, որ Երևանի և Բաքվի միջև խաղաղության պայմանագրի նախագծի 17 հոդվածներից 15-ը համաձայնեցվել են։ Նրա խոսքով` չհամաձայնեցված հոդվածներից մեկը վերաբերում է ընդհանուր սահմանին երրորդ երկրների ուժեր չտեղակայելուն, երկրորդը՝ միջազգային դատարաններում միմյանց դեմ ներկայացված հայցերից հրաժարվելուն։ Իսկ մինչ համաձայնագրի ստորագրումը, ըստ Ադրբեջանի նախագահի, Հայաստանը պետք է փոխի Սահմանադրությունը և համաձայնի ԵԱՀԿ Մինսկի խմբի լուծարմանը։Փաշինյանը դեմ չէ խաղաղության պայմանագիր կնքելու համար Ալիևի պայմաններին` վերապահումներովՎարդան Օսկանյանը նշել է, որ համաձայնագրով Երևանն արդեն իսկ մի շարք միակողմանի զիջումների է գնացել, սակայն Բաքուն մի շարք նոր պահանջներ է առաջադրել`«300 հազար ադրբեջանցիների վերադարձ», ԵՄ դիտորդների դուրսբերում, զենքի գնման արգելք, Սահմանադրության փոփոխություններ և միջազգային հայցերի հետկանչ։Օսկանյանի տեսանկյունից հայկական կողմը մտահոգվելու լուրջ առիթ ունի։ Նա համոզված է, որ Ալիևը պատրաստ է իր նպատակին հասնել նույնիսկ կայծակնային պատերազմի միջոցով՝ անկախ նոր զոհերից։Ինչ վերաբերում է Երևանի դիրքորոշմանը, ապա, ինչպես նշել է դիվանագետը, Փաշինյանի ռեժիմը շահում է նման իրավիճակից, քանի որ այս դեպքում այն կրկին մոլորության մեջ է գցելու հասարակությանը՝ պնդելով, որ Հայաստանը չի կարողացել հետ մղել Ադրբեջանի զինված ուժերի գերակա ուժերին։«Փաշինյանն իր պատասխանով միաժամանակ 2 բան ապացուցեց, առաջինը, որ ՀՀ-ն սուվերեն պետություն չէ, Փաշինյանի պատասխանը պիտի լիներ, որ դա քո գործը չէ, մենք որպես սուվերեն պետություն ումից ինչ զենք ուզում ենք, գնում ենք, գնա, դու քո խնդիրներով զբաղվի: Բայց նա միայն արդարացավ: Երկրորդը՝ որ նա ապացուցեց, որ այս 6 տարվա ընթացքում ինքը դիվանագիտությունից նոր բան չի սովորել: Փաշինյանի դիվանագիտական փորձը դա ձախողության փորձ է: Ինչ արել է դիվանագիտության մեջ, դա այս արդյունքներն են և շարունակվող զիջումները»,-ասել է Օսկանյանը:Այս համատեքստում նա ընդգծել է Արցախի հիմնախնդրի վերաներկայացման կարևորությունը, արցախցիներին բանակցային օրակարգ վերադարձնելու խնդիրը։Օսկանյանը նշել է, որ Եվրախորհրդարանը պարբերաբար քննարկում է այդ հարցը, որոշ եվրոպական երկրներ կոչ են անում Բաքվին, սակայն Երևանը լռում է։«Արցախի հարցը օրակարգում կրկին ներառելը կօգնի լուծել բազմաթիվ խնդիրներ, այդ թվում՝ «միջանցքի» խնդիրը, հավասարակշռությունը կվերականգնվի, և Հայաստանի ազդեցությունը կաճի»,- կարծում է Օսկանյանը։Նախկին արտգործնախարարի խոսքով` հայկական կողմն այս հարցում կարող է միջազգային աջակցություն ստանալ։Հիշեցնենք` ՀՀ ԱԳՆ–ն օգոստոսի 7-ին հայտնեց, որ խաղաղության համաձայնագրի նախագծից հանվել է տարածաշրջանային հաղորդակցություններին վերաբերող կետը։Օգոստոսի 31-ին կայացած մամուլի ասուլիսի ժամանակ ՀՀ վարչապետ Նիկոլ Փաշինյանը հայտնեց, որ Ադրբեջանին առաջարկվել է ստորագրել խաղաղության պայմանագրի համաձայնեցված կետերը և հետագայում աշխատել մնացածի վրա:
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, «զանգեզուրի միջանցք», վարդան օսկանյան
հայաստան, ադրբեջան, «զանգեզուրի միջանցք», վարդան օսկանյան
Ալիևը կվերցնի այսպես կոչված «Զանգեզուրի միջանցքը», այդ թվում՝ մեկօրյա պատերազմով. Օսկանյան
18:05 20.12.2024 (Թարմացված է: 18:34 20.12.2024) Դիվանագետը կարևոր է համարում Արցախի հարցը կրկին բանակցային օրակարգում ներառելը։
ԵՐԵՎԱՆ, 20 դեկտեմբերի – Sputnik. Ադրբեջանի նախագահ Իլհամ Ալիևն ամեն գնով կվերցնի այսպես կոչված «Զանգեզուրի միջանցք», այդ թվում՝ մեկօրյա պատերազմի միջոցով։ Այս մասին տեսաուղերձում ասել է Հայաստանի նախկին արտգործնախարար Վարդան Օսկանյանը՝ մեկնաբանելով Ալիևի հարցազրույցը և ՀՀ վարչապետ Նիկոլ Փաշինյանի պատասխանը։
Ավելի վաղ Ադրբեջանի նախագահը
հայտարարել էր, որ Երևանի և Բաքվի միջև խաղաղության պայմանագրի նախագծի 17 հոդվածներից 15-ը համաձայնեցվել են։ Նրա խոսքով` չհամաձայնեցված հոդվածներից մեկը վերաբերում է ընդհանուր սահմանին երրորդ երկրների ուժեր չտեղակայելուն, երկրորդը՝ միջազգային դատարաններում միմյանց դեմ ներկայացված հայցերից հրաժարվելուն։ Իսկ մինչ համաձայնագրի ստորագրումը, ըստ Ադրբեջանի նախագահի, Հայաստանը պետք է փոխի Սահմանադրությունը և համաձայնի ԵԱՀԿ Մինսկի խմբի լուծարմանը։
Վարդան Օսկանյանը նշել է, որ համաձայնագրով Երևանն արդեն իսկ մի շարք միակողմանի զիջումների է գնացել, սակայն Բաքուն մի շարք նոր պահանջներ է առաջադրել`«300 հազար ադրբեջանցիների վերադարձ», ԵՄ դիտորդների դուրսբերում, զենքի գնման արգելք, Սահմանադրության փոփոխություններ և միջազգային հայցերի հետկանչ։
«Ալիևը չի խոսում միջանցքի մասին, նախկինում է խոսել, բայց ես կարծում եմ, որ միջանցքի պահանջը ցուցակում կա, ուղղակի Ալիևը կարիք չի զգում դրա մասին խոսելու, որովհետև ինքը համարում է, որ դրա լուծումն իր համար ամենահասանելին է: Ադրբեջանն ուղղակի կմտնի և կվերցնի: Ալիևն ինքն համարում է, որ Փաշինյանը խոստացել է միջանցքը, և դա արդեն իր իրավունքն է մտնել և վերցնել: Այնպես որ սա իսկապես լուրջ մտահոգության տեղիք է տալիս»,- ասել է ՀՀ ԱԳՆ նախկին ղեկավարը։
Օսկանյանի տեսանկյունից հայկական կողմը մտահոգվելու լուրջ առիթ ունի։ Նա համոզված է, որ Ալիևը պատրաստ է իր նպատակին հասնել նույնիսկ կայծակնային պատերազմի միջոցով՝ անկախ նոր զոհերից։
Ինչ վերաբերում է Երևանի դիրքորոշմանը, ապա, ինչպես նշել է դիվանագետը, Փաշինյանի ռեժիմը շահում է նման իրավիճակից, քանի որ այս դեպքում այն կրկին մոլորության մեջ է գցելու հասարակությանը՝ պնդելով, որ Հայաստանը չի կարողացել հետ մղել Ադրբեջանի զինված ուժերի գերակա ուժերին։
«Փաշինյանն իր պատասխանով միաժամանակ 2 բան ապացուցեց, առաջինը, որ ՀՀ-ն սուվերեն պետություն չէ, Փաշինյանի պատասխանը պիտի լիներ, որ դա քո գործը չէ, մենք որպես սուվերեն պետություն ումից ինչ զենք ուզում ենք, գնում ենք, գնա, դու քո խնդիրներով զբաղվի: Բայց նա միայն արդարացավ: Երկրորդը՝ որ նա ապացուցեց, որ այս 6 տարվա ընթացքում ինքը դիվանագիտությունից նոր բան չի սովորել: Փաշինյանի դիվանագիտական փորձը դա ձախողության փորձ է: Ինչ արել է դիվանագիտության մեջ, դա այս արդյունքներն են և շարունակվող զիջումները»,-ասել է Օսկանյանը:
Այս համատեքստում նա ընդգծել է Արցախի հիմնախնդրի վերաներկայացման կարևորությունը, արցախցիներին բանակցային օրակարգ վերադարձնելու խնդիրը։
Օսկանյանը նշել է, որ Եվրախորհրդարանը պարբերաբար քննարկում է այդ հարցը, որոշ եվրոպական երկրներ կոչ են անում Բաքվին, սակայն Երևանը լռում է։
«Արցախի հարցը օրակարգում կրկին ներառելը կօգնի լուծել բազմաթիվ խնդիրներ, այդ թվում՝ «միջանցքի» խնդիրը, հավասարակշռությունը կվերականգնվի, և Հայաստանի ազդեցությունը կաճի»,- կարծում է Օսկանյանը։
Նախկին արտգործնախարարի խոսքով` հայկական կողմն այս հարցում կարող է միջազգային աջակցություն ստանալ։
Հիշեցնենք` ՀՀ ԱԳՆ–ն օգոստոսի 7-ին
հայտնեց, որ խաղաղության համաձայնագրի նախագծից հանվել է տարածաշրջանային հաղորդակցություններին վերաբերող կետը։
Օգոստոսի 31-ին կայացած մամուլի ասուլիսի ժամանակ
ՀՀ վարչապետ Նիկոլ Փաշինյանը հայտնեց, որ Ադրբեջանին առաջարկվել է ստորագրել խաղաղության պայմանագրի համաձայնեցված կետերը և հետագայում աշխատել մնացածի վրա:
