https://arm.sputniknews.ru/20241213/srtanvotajin-hivandnery-petpatveri-shrjanakum-deghn-anmijapes-deghatnic-dzerq-kberen-83929155.html
Սրտանոթային հիվանդները պետպատվերի շրջանակում դեղն անմիջապես դեղատնից ձեռք կբերեն
Սրտանոթային հիվանդները պետպատվերի շրջանակում դեղն անմիջապես դեղատնից ձեռք կբերեն
Sputnik Արմենիա
Մինչ այս բուժառուները պետպատվերի շրջանակում դեղեր ստանում էին տեղամասային պոլիկլինիկայից։ 13.12.2024, Sputnik Արմենիա
2024-12-13T14:15+0400
2024-12-13T14:15+0400
2024-12-13T14:17+0400
անահիտ ավանեսյան
դեղ
պետպատվեր
հայաստան
https://cdn.am.sputniknews.ru/img/2220/59/22205910_0:217:1600:1117_1920x0_80_0_0_fe09a5f1cb1db6af14cfecb460364669.jpg.webp
ԵՐԵՎԱՆ, 13 դեկտեմբերի – Sputnik. Դեղերի գնման նոր համակարգ է ներդրվելու հաջորդ տարվանից, այն առաջինը կիրառվելու է սրտանոթային հիվանդությունների համար։ Այս մասին Ծաղկաձորում լրագրողների հետ արտագնա հանդիպման ժամանակ հայտնեց առողջապահության նախարար Անահիտ Ավանեսյանը։«Մեզ համար կարևոր էր, որ պետության յուրաքանչյուր գումարը հասնի շահառուին»,- նշեց նախարարը։Ըստ նրա՝ առողջության համապարփակ ապահովագրությունն այս բոլոր հարցերը ծածկելու է, սակայն մինչ այդ նման քայլեր են ձեռնարկվում։ Պետք է լինի բժշկի ցուցում և էլեկտրոնային դեղատոմս, արդեն դեղատանը քաղաքացին կորոշի՝ ցանկանում է պետության տրամադրած փոխհատուցման շրջանակում դեղորայք ձեռք բերել, թե գումար ավելացնել և, օրինակ, այլ երկրի արտադրած ավելի թանկ դեղորայք գնել։«Սահմանելու ենք դեղերի ցանկ, որոնք պետք է գնանշվեն։ Կուսումնասիրվի տվյալ դեղի ներմուծման արժեքից սկսած օբյեկտիվ շահույթ հետապնդելու կտորը, գին կսահմանվի մեր կողմից գնման համար։ Քաղաքացին, երբ մոտենում է դեղատուն, ասում է, օրինակ, իրեն անհրաժեշտ է ասպիրին։ Դեղատունն ասում է՝ այս ցանկից ունեմ 4 տիպի ասպիրին։ Առաջին տարբերակի գինը 100 դրամ է, որը պետությունն ամբողջությամբ փոխհատուցում է, մյուսը, օրինակ, 120 դրամ է։ Քաղաքացին ընտրում 120 դրամը, 100 դրամը տալիս է պետությունը, 20 դրամն էլ քաղաքացին է վճարում»,- բացատրեց նախարարը:Նա նշեց, որ հետագայում հիվանդությունների ցանկը կընդլայնվի։ՀՀ ԱՆ–ն շարունակում է աղի օգտագործման դեմ պայքարը. Անահիտ Ավանեսյանը հայտնեց` ինչպես
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անահիտ ավանեսյան, դեղ, պետպատվեր, հայաստան
անահիտ ավանեսյան, դեղ, պետպատվեր, հայաստան
Սրտանոթային հիվանդները պետպատվերի շրջանակում դեղն անմիջապես դեղատնից ձեռք կբերեն
14:15 13.12.2024 (Թարմացված է: 14:17 13.12.2024) Մինչ այս բուժառուները պետպատվերի շրջանակում դեղեր ստանում էին տեղամասային պոլիկլինիկայից։
ԵՐԵՎԱՆ, 13 դեկտեմբերի – Sputnik. Դեղերի գնման նոր համակարգ է ներդրվելու հաջորդ տարվանից, այն առաջինը կիրառվելու է սրտանոթային հիվանդությունների համար։ Այս մասին Ծաղկաձորում լրագրողների հետ արտագնա հանդիպման ժամանակ հայտնեց առողջապահության նախարար Անահիտ Ավանեսյանը։
Դեղորայքի համար ֆինանսական փոխհատուցումը տրամադրվելու է անմիջապես դեղատանը, հիվանդն ինքն է դեղատանը որոշելու, թե որ երկրի արտադրության դեղորայքն է ցանկանում ձեռք բերել։ Սա նշանակում է, որ հիվանդը ստիպված չի լինելու պետպատվերի շրջանակում նախատեսված դեղորայքը ստանալ տեղամասային պոլիկլինիկայից, արդյունքում՝ ստիպված լինել բավարարվել հենց այն երկրի արտադրության դեղորայքով, որը տվյալ պոլիկլինիկայում է տրամադրվում։ Նախարարի խոսքով՝ երբ պոլիկլինիկան դեղի գնման մրցույթ է հայտարարում, լինում է հաղթող, միշտ ստեղծվում է իրավիճակ, երբ լինում են այլ կարիքներ, որոնք հնարավոր չի լինում հասցեագրել։
«Մեզ համար կարևոր էր, որ պետության յուրաքանչյուր գումարը հասնի շահառուին»,- նշեց նախարարը։
Ըստ նրա՝ առողջության համապարփակ ապահովագրությունն այս բոլոր հարցերը ծածկելու է, սակայն մինչ այդ նման քայլեր են ձեռնարկվում։ Պետք է լինի բժշկի ցուցում և էլեկտրոնային դեղատոմս, արդեն դեղատանը քաղաքացին կորոշի՝ ցանկանում է պետության տրամադրած փոխհատուցման շրջանակում դեղորայք ձեռք բերել, թե գումար ավելացնել և, օրինակ, այլ երկրի արտադրած ավելի թանկ դեղորայք գնել։
«Սահմանելու ենք դեղերի ցանկ, որոնք պետք է գնանշվեն։ Կուսումնասիրվի տվյալ դեղի ներմուծման արժեքից սկսած օբյեկտիվ շահույթ հետապնդելու կտորը, գին կսահմանվի մեր կողմից գնման համար։ Քաղաքացին, երբ մոտենում է դեղատուն, ասում է, օրինակ, իրեն անհրաժեշտ է ասպիրին։ Դեղատունն ասում է՝ այս ցանկից ունեմ 4 տիպի ասպիրին։ Առաջին տարբերակի գինը 100 դրամ է, որը պետությունն ամբողջությամբ փոխհատուցում է, մյուսը, օրինակ, 120 դրամ է։ Քաղաքացին ընտրում 120 դրամը, 100 դրամը տալիս է պետությունը, 20 դրամն էլ քաղաքացին է վճարում»,- բացատրեց նախարարը:
Ավանեսյանը շեշտեց՝ որոշումն առաջիկայում կընդունվի, էլեկտրոնային ամբողջ համակարգն արդեն պատրաստ է, հունվարից կգործարկվի։
Նա նշեց, որ հետագայում հիվանդությունների ցանկը կընդլայնվի։
