Փաշինյանին սպասում են Սանկտ Պետերբուրգում ԱՊՀ երկրների ղեկավարների հանդիպմանը․ Պեսկով
14:39 13.12.2024 (Թարմացված է: 14:52 13.12.2024)
© Sputnik / POOL
/ Բաժանորդագրվել
Փաշինյանը մեկնել է Մոսկվա՝ մասնակցելու Եվրասիական միջկառավարական խորհրդի նիստին։
ԵՐԵՎԱՆ, 13 դեկտեմբերի - Sputnik. Հայաստանի վարչապետ Նիկոլ Փաշինյանին սպասում են Սանկտ Պետերբուրգում ԱՊՀ երկրների ղեկավարների հանդիպմանը։ Այս մասին ասել է ՌԴ նախագահի մամուլի քարտուղար Դմիտրի Պեսկովը:
«Նախագահը (Վլադիմիր Պուտինը,–խմբ.) հրավիրել է պարոն Փաշինյանին և, իհարկե, սպասում է նրան, մյուս գործընկերների հետ միասին, Սանկտ Պետերբուրգում՝ ավանդական հանդիպմանը, որը ոչ ֆորմալ բնույթ է կրում, բայց միևնույն ժամանակ այնտեղ կլինեն և՛ ԱՊՀ-ն, և՛ ԵԱՏՄ-ն։ Օրակարգը բավական բովանդակալից է»,-ասել է Պեսկովը լրագրողներին։
Միաժամանակ նա նշել է, որ Պուտինն այսօր Հայաստանի վարչապետի հետ հանդիպում չի ծրագրում:
«Այսօր առանձին հանդիպում չի նախատեսվում, այնտեղ աշխատանքն ընթանում է վարչապետների շրջանում»,-հավելել է նա՝ պատասխանելով ՏԱՍՍ-ի համապատասխան հարցին:
Առավոտյան Փաշինյանը մեկնել է Մոսկվա՝ մասնակցելու Եվրասիական միջկառավարական խորհրդի նիստին։
