Երևանի և Կոտայքի մարզի ավելի քան 200 հազար բնակիչ 36 ժամ ջուր չի ունենա
Բաժանորդագրվել
«Վեոլիա Ջուր» ընկերությունը տեղեկացրել է, որ պլանային ջրանջատումներ կլինեն։
ԵՐԵՎԱՆ, 10 դեկտեմբերի – Sputnik. Երևանում և Կոտայքի մարզում դեկտեմբերի 11-ին ժամը 10.00–ից մինչև դեկտեմբերի 12–ը ժամը 22.00–ն ավելի քան 200 հազար մարդ կմնա անջուր։ 36–ժամյա պլանային ջրանջատման մասին տեղեկացրել է «Վեոլիա Ջուր» ընկերությունը։
Ընկերությունն իր հաճախորդներին և սպառողներին տեղեկացնում է, որ կդադարեցվի Երևանի և Կոտայքի մարզի հետևյալ տարածքների ջրամատակարարումը.
Երևանի Նոր Նորք վարչական շրջանի՝ 1-ին, 2-րդ, 3-րդ, 4-րդ, 5-րդ, 6-րդ, 7-րդ, 8-րդ և 9-րդ զանգվածները՝ ամբողջությամբ, Գր.Լուսավորիչ բժշկական կենտրոնը, Պաշտպանության նախարարության շենքը, Նորք-Մարաշ վարչական շրջանը, Ավան վարչական շրջանը, Էրեբունի վարչական շրջանը՝ Վարդաշենի 1-12, Մուշավանի 1-10, Սարի թաղի 1-28, Դավիթ-Բեկի փողոցները։
Իսկ Կոտայքի մարզում կջրազրկվեն Ջրվեժ գյուղի՝ Ջրվեժ Ա, Բ և Բագրևանդ թաղամասերի, Ջրվեժ Մայակ և Բանավան թաղամասերը, Առինջ գյուղի՝ Դուրյան, Վ. Տերյան, Պ.Սևակի, Խ.Աբովյան, Մհեր Մկրտչյան թաղամասերը:
