https://arm.sputniknews.ru/20241205/hh-petakan-partqi-nerkajis-tsavaly-vtang-chi-nerkajacnum-tntesutjan-hamar-eazb-83674569.html
ՀՀ պետական պարտքի ներկայիս ծավալը վտանգ չի ներկայացնում տնտեսության համար. ԵԱԶԲ
ՀՀ պետական պարտքի ներկայիս ծավալը վտանգ չի ներկայացնում տնտեսության համար. ԵԱԶԲ
Sputnik Արմենիա
Չնայած պարտքային բեռի կանխատեսվող աճին` պարտքի կառուցվածքը և դրա սպասարկման ցածր ծախսերը Հայաստանի մակրոտնտեսական իրավիճակի կայունություն են ապահովում: 05.12.2024, Sputnik Արմենիա
2024-12-05T16:11+0400
2024-12-05T16:11+0400
2024-12-05T16:12+0400
հայաստան
եվրասիական զարգացման բանկ (եազբ)
տնտեսություն
պարտք
https://cdn.am.sputniknews.ru/img/07e7/0b/1c/69306488_0:947:1600:1847_1920x0_80_0_0_520f3b1d6f6c467dfc4f19eb15b55f09.jpg
ԵՐԵՎԱՆ, 5 դեկտեմբերի – Sputnik. Հայաստանի պետական պարտքի ընթացիկ ծավալը վտանգ չի ներկայացնում տնտեսության համար։ Այս հայտարարությունն արել է ԵԱԶԲ երկրների վերլուծության կենտրոնի ղեկավար Մարինա Սոբոլևսկայան` ներկայացնելով բանկի` 2025-2027 թվականների մակրոտնտեսական կանխատեսումները։Փորձագետի խոսքով` թեման զգայուն է, սակայն մտահոգության լուրջ նախադրյալներ չկան:Նա նաև ընդգծել է, որ բյուջետային ծախսերի ավելացումը, այդ թվում` փոխառվող միջոցների հաշվին, կփոխհատուցվի ներդրումային ներուժի աճով և տնտեսական բազայի ընդլայնմամբ:ԵԱԶԲ վարչության նախագահի տեղակալ և գլխավոր տնտեսագետ Եվգենի Վինոկուրովը հավելել է, որ պետական պարտքը վերլուծելիս կարևոր է հաշվի առնել ոչ միայն դրա բացարձակ ծավալը, այլև սպասարկման արժեքը:«Հայաստանի համար պարտքի սպասարկման արժեքը շարունակում է ցածր մնալ։ Պարտքի մեծ մասը բաժին է ընկնում սուվերեն վարկերին, որոնք տրամադրվում են ցածր տոկոսադրույքներով: Բացի այդ, Հայաստանի կողմից առևտրային պայմաններով թողարկված եվրապարտատոմսերը խիստ շահավետ պայմաններով են ներգրավվել»,-ընդգծել է Վինոկուրովը։ԵԱԶԲ-ն նախատեսում է առաջիկա 2 տարում Հայաստանում կատարել 200-250 մլն դոլարի ներդրումԵԱԶԲ-ի կանխատեսման համաձայն` Հայաստանի պետական պարտքի ծավալը 2024 թվականի վերջի 5,037 տրլն դրամից 2025 թվականի վերջին կհասնի 5,914 տրլն դրամի (մոտ 13,972 մլրդ դոլար՝ ֆինանսների նախարարության հաշվարկային փոխարժեքով)։ ՀՆԱ-ի նկատմամբ պետական պարտքի հարաբերակցությունը 49,8%-ից կաճի մինչև 53,5%: Պարտքի սպասարկման ծախսերը, ներառյալ վարկերի և պարտատոմսերի վճարումները, կկազմեն 394,1 մլրդ դրամ (մոտ 1,015 մլրդ դոլար):Հայաստանի ՀՆԱ-ի աճը 2025-ին կկազմի 5,5 %․ ԵԱԶԲ կանխատեսումը
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եվրասիական զարգացման բանկ (եազբ), տնտեսություն, պարտք
հայաստան, եվրասիական զարգացման բանկ (եազբ), տնտեսություն, պարտք
ՀՀ պետական պարտքի ներկայիս ծավալը վտանգ չի ներկայացնում տնտեսության համար. ԵԱԶԲ
16:11 05.12.2024 (Թարմացված է: 16:12 05.12.2024) Չնայած պարտքային բեռի կանխատեսվող աճին` պարտքի կառուցվածքը և դրա սպասարկման ցածր ծախսերը Հայաստանի մակրոտնտեսական իրավիճակի կայունություն են ապահովում:
ԵՐԵՎԱՆ, 5 դեկտեմբերի – Sputnik. Հայաստանի պետական պարտքի ընթացիկ ծավալը վտանգ չի ներկայացնում տնտեսության համար։ Այս հայտարարությունն արել է ԵԱԶԲ երկրների վերլուծության կենտրոնի ղեկավար Մարինա Սոբոլևսկայան` ներկայացնելով բանկի` 2025-2027 թվականների մակրոտնտեսական կանխատեսումները։
Փորձագետի խոսքով` թեման զգայուն է, սակայն մտահոգության լուրջ նախադրյալներ չկան:
«Հայաստանի պետական պարտքի ծավալը զարգացող երկրների շրջանում միջինից ցածր մակարդակում է։ Կայուն տնտեսական աճը և ներքին պահանջարկի ավելացումը բյուջեի լրացուցիչ եկամուտներ են ձևավորում` թույլ տալով արդյունավետ կառավարել պարտքի բեռը»,- նշել է Սոբոլևսկայան։
Նա նաև ընդգծել է, որ բյուջետային ծախսերի ավելացումը, այդ թվում` փոխառվող միջոցների հաշվին, կփոխհատուցվի ներդրումային ներուժի աճով և տնտեսական բազայի ընդլայնմամբ:
ԵԱԶԲ վարչության նախագահի տեղակալ և գլխավոր տնտեսագետ Եվգենի Վինոկուրովը հավելել է, որ պետական պարտքը վերլուծելիս կարևոր է հաշվի առնել ոչ միայն դրա բացարձակ ծավալը, այլև սպասարկման արժեքը:
«Հայաստանի համար պարտքի սպասարկման արժեքը շարունակում է ցածր մնալ։ Պարտքի մեծ մասը բաժին է ընկնում սուվերեն վարկերին, որոնք տրամադրվում են ցածր տոկոսադրույքներով: Բացի այդ, Հայաստանի կողմից առևտրային պայմաններով թողարկված եվրապարտատոմսերը խիստ շահավետ պայմաններով են ներգրավվել»,-ընդգծել է Վինոկուրովը։
ԵԱԶԲ-ի կանխատեսման համաձայն` Հայաստանի պետական պարտքի ծավալը 2024 թվականի վերջի 5,037 տրլն դրամից 2025 թվականի վերջին կհասնի 5,914 տրլն դրամի (մոտ 13,972 մլրդ դոլար՝ ֆինանսների նախարարության հաշվարկային փոխարժեքով)։ ՀՆԱ-ի նկատմամբ պետական պարտքի հարաբերակցությունը 49,8%-ից կաճի մինչև 53,5%: Պարտքի սպասարկման ծախսերը, ներառյալ վարկերի և պարտատոմսերի վճարումները, կկազմեն 394,1 մլրդ դրամ (մոտ 1,015 մլրդ դոլար):
