https://arm.sputniknews.ru/20241204/aneliq-shat-ka-onlajn-khaghatneri-harcum-varchapety-hamadzajnec-ynddimadir-patgamavvori-het-83650690.html
Անելիք շատ կա․ օնլայն խաղատների հարցում վարչապետը համաձայնեց ընդդիմադիր պատգամավորի հետ
Անելիք շատ կա․ օնլայն խաղատների հարցում վարչապետը համաձայնեց ընդդիմադիր պատգամավորի հետ
Sputnik Արմենիա
Վարչապետի խոսքով՝ ոլորտը պետք է պատշաճ չափով հարկվի և պետբյուջեի համար եկամուտներ գեներացնի։ 04.12.2024, Sputnik Արմենիա
2024-12-04T18:30+0400
2024-12-04T18:30+0400
2024-12-04T18:30+0400
վիվարո
խաղատուն
խաղադրույք
https://cdn.am.sputniknews.ru/img/07e8/0a/0a/81715663_0:151:1600:1051_1920x0_80_0_0_3255a872f1aea8ddda28d1b5a55b41f3.jpg
ԵՐԵՎԱՆ, 4 դեկտեմբերի – Sputnik. ՀՀ վարչապետ Նիկոլ Փաշինյանը համաձայնեց ԱԺ «Հայաստան» խմբակցության անդամ Մհեր Սահակյանի հետ, որ օնլայն խաղատների դեմ պայքարը պետք է խստացնել։«ՀՀ պատմության ընթացքում ամենամեծ թալանը տեղի է ունենում վերջին տարիների ընթացքում՝ օնլայն խաղատների միջոցով, մասնավորապես «Վիվարո» ընկերության միջոցով։ Հասարակության մեջ տպավորություն կա, որ դրա սեփականատերերը փոխկապակցված են ձեր քաղաքական ուժի հետ, և գոյություն ունի փոխշահավետ համագործակցություն՝ մեկի ֆինանսավորումը, մյուսի՝ քաղաքական հովանավորչություն։ Արդյոք ձեր կառավարությունը պատրա՞ստ է ընդունել էական սահմանափակումներ՝ վտանգավոր ընթացքը կասեցնելու համար»,- վարչապետին հարց ուղղեց պատգամավորը։ՀՀ վարչապետը նշեց՝ բուքմեյքերական ընկերությունները Հայաստան են մուտք գործել իրենց իշխանության գալուց շատ տարիներ առաջ, սակայն, ըստ կառավարության ղեկավարի, իրենք տարբեր քայլեր են ձեռնարկել նրանց գործունեությունը վերահսկելու համար, օրինակ, բոլոր գրասենյակները համատարած փակվել են, գովազդն է սահմանափակվել և այլն։Համաձայնեց՝ էական խստացումներ են պետք, շատ բան կա անելու՝ ոչ միայն ոլորտը կանոնակարգելու, այլև ավելի պատշաճ չափով հարկելու և պետբյուջեի համար եկամուտներ գեներացնելու առումով։«Ես Ձեր ասածն ընկալում եմ որպես ուղերձ, որ երբ կառավարությունը սա էական խստացնող նախագիծ բերի, գոնե դուք կողմ կքվեարկեք»,- ասաց վարչապետը։Հավելեց՝ այս պահին մի շարք նախագծերի ուղղությամբ են աշխատում։ Այս հարցում քաղաքական կամքի նվազում չկա։ Հարցին չեն վերաբերվում անձնական համակրանքներով կամ հակակրանքներով։ Նշեց, որ ինքն անձամբ բազմաթիվ նամակներ է ստանում քաղաքացիներից, որոնք օնլայն խաղատների պատճառով պարտքեր են կուտակել։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վիվարո, խաղատուն, խաղադրույք
վիվարո, խաղատուն, խաղադրույք
Անելիք շատ կա․ օնլայն խաղատների հարցում վարչապետը համաձայնեց ընդդիմադիր պատգամավորի հետ
Վարչապետի խոսքով՝ ոլորտը պետք է պատշաճ չափով հարկվի և պետբյուջեի համար եկամուտներ գեներացնի։
ԵՐԵՎԱՆ, 4 դեկտեմբերի – Sputnik. ՀՀ վարչապետ Նիկոլ Փաշինյանը համաձայնեց ԱԺ «Հայաստան» խմբակցության անդամ Մհեր Սահակյանի հետ, որ օնլայն խաղատների դեմ պայքարը պետք է խստացնել։
«ՀՀ պատմության ընթացքում ամենամեծ թալանը տեղի է ունենում վերջին տարիների ընթացքում՝ օնլայն խաղատների միջոցով, մասնավորապես «Վիվարո» ընկերության միջոցով։ Հասարակության մեջ տպավորություն կա, որ դրա սեփականատերերը փոխկապակցված են ձեր քաղաքական ուժի հետ, և գոյություն ունի փոխշահավետ համագործակցություն՝ մեկի ֆինանսավորումը, մյուսի՝ քաղաքական հովանավորչություն։ Արդյոք ձեր կառավարությունը պատրա՞ստ է ընդունել էական սահմանափակումներ՝ վտանգավոր ընթացքը կասեցնելու համար»,- վարչապետին հարց ուղղեց պատգամավորը։
ՀՀ վարչապետը նշեց՝ բուքմեյքերական ընկերությունները Հայաստան են մուտք գործել իրենց իշխանության գալուց շատ տարիներ առաջ, սակայն, ըստ կառավարության ղեկավարի, իրենք տարբեր քայլեր են ձեռնարկել նրանց գործունեությունը վերահսկելու համար, օրինակ, բոլոր գրասենյակները համատարած փակվել են, գովազդն է սահմանափակվել և այլն։
«Դուք որերորդ անգամ եք հարց տալիս, և առաջին անգամ հարց տվեցիք, որի շուրջ մեր տեսակետները ահագին մեծ մասով համընկնում են»,- ասաց Փաշինյանը։
Համաձայնեց՝ էական խստացումներ են պետք, շատ բան կա անելու՝ ոչ միայն ոլորտը կանոնակարգելու, այլև ավելի պատշաճ չափով հարկելու և պետբյուջեի համար եկամուտներ գեներացնելու առումով։
«Ես Ձեր ասածն ընկալում եմ որպես ուղերձ, որ երբ կառավարությունը սա էական խստացնող նախագիծ բերի, գոնե դուք կողմ կքվեարկեք»,- ասաց վարչապետը։
Հավելեց՝ այս պահին մի շարք նախագծերի ուղղությամբ են աշխատում։ Այս հարցում քաղաքական կամքի նվազում չկա։ Հարցին չեն վերաբերվում անձնական համակրանքներով կամ հակակրանքներով։ Նշեց, որ ինքն անձամբ բազմաթիվ նամակներ է ստանում քաղաքացիներից, որոնք օնլայն խաղատների պատճառով պարտքեր են կուտակել։
