https://arm.sputniknews.ru/20241203/avtvobusneri-varvordnery-nakhapes-chen-hajtnel-gvortsaduli-masin-erevani-qaghaqapetaran-83599892.html
Ավտոբուսների վարորդները նախապես չեն հայտնել գործադուլի մասին. Երևանի քաղաքապետարան
Ավտոբուսների վարորդները նախապես չեն հայտնել գործադուլի մասին. Երևանի քաղաքապետարան
Sputnik Արմենիա
Քաղաքապետարանում անտրամաբանական են որակում վարորդների պահանջները: 03.12.2024, Sputnik Արմենիա
2024-12-03T10:15+0400
2024-12-03T10:15+0400
2024-12-03T10:15+0400
գործադուլ
վարորդ
ավտոբուս
երևան
երևանի քաղաքապետարան
https://cdn.am.sputniknews.ru/img/07e7/05/1e/60380012_0:1:1600:901_1920x0_80_0_0_76be8c6fa00227fdebb62ca71f328b03.jpg
ԵՐԵՎԱՆ, 3 դեկտեմբերի - Sputnik. «Երևանի ավտոբուս» ՓԲԸ-ի մեծ թվով վարորդներ նախապես չեն ծանուցել, որ հրաժարվելու են դուրս գալ երթուղիներ: Տեղեկությունը հայտնում է Երևանի քաղաքապետի մամուլի խոսնակ Հայկ Կոստանյանը:Նշենք, որ վաղ առավոտից երևանյան մի շարք վարչական շրջաններում կանգառներում մարդկանց կուտակումներ են ավտոբուսների խիստ սակավաթվության ու բազմաթիվ վարորդների գործադուլի պատճառով։ Նա հիշեցրել է, որ վարորդների ամսվա ընթացքում 15 օրվա համար վարձատրությունն առանց հարկերի (մաքուր աշխատավարձ) կազմում է 219.500-401.500 ՀՀ դրամ (կախված տրանսպորտի տեսակից - խմբ.)։Կոստանյանը վստահեցրել է՝ վերոնշյալ գործողություններին տրվելու է գնահատական աշխատանքային օրենսդրության շրջանակներում, ինչպես նաև դիմելու են պատկան մարմիններին՝ վերոնշյալ արարքներին պատշաճ քրեաիրավական գնահատական տալու նպատակով։Քաղաքապետի մամուլի խոսնակը նաև հիշեցրել է, որ ՀՀ աշխատանքային օրենսդրությամբ սահմանվում է, որ քաղաքային հասարակական տրանսպորտի կազմակերպության աշխատակիցները գործադուլ իրականացնելու մասին առնվազն 14 օր առաջ պարտավոր են ծանուցել այդ մասին և անգամ այդ դեպքում պարտավոր են գործադուլի ընթացքում ապահովել նվազագույն պայմաններ, որոնք անհրաժեշտ են հասարակության անհետաձգելի կարիքները բավարարելու համար։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գործադուլ, վարորդ, ավտոբուս, երևան, երևանի քաղաքապետարան
գործադուլ, վարորդ, ավտոբուս, երևան, երևանի քաղաքապետարան
Ավտոբուսների վարորդները նախապես չեն հայտնել գործադուլի մասին. Երևանի քաղաքապետարան
Քաղաքապետարանում անտրամաբանական են որակում վարորդների պահանջները:
ԵՐԵՎԱՆ, 3 դեկտեմբերի - Sputnik. «Երևանի ավտոբուս» ՓԲԸ-ի մեծ թվով վարորդներ նախապես չեն ծանուցել, որ հրաժարվելու են դուրս գալ երթուղիներ: Տեղեկությունը հայտնում է Երևանի քաղաքապետի մամուլի խոսնակ Հայկ Կոստանյանը:
Նշենք, որ վաղ առավոտից երևանյան մի շարք վարչական շրջաններում կանգառներում մարդկանց կուտակումներ են ավտոբուսների խիստ սակավաթվության ու
բազմաթիվ վարորդների գործադուլի պատճառով։
«Ինչպես գիտեք, վերջին ամսվա ընթացքում հանրությանը պարբերաբար առիթ ենք ունեցել հայտնելու, որ միասնական տոմսային համակարգի ներդրմանը զուգահեռ էականորեն կրճատվել է ստվերային շրջանառությունը, և այս գործընթացը շարունակական է լինելու։ Չնայած վարորդների կողմից բարձրացված աշխատանքային բնույթի հարցերը պարբերաբար լուծում են ստացել, ինչպես նաև վարորդներին հայտնել են, որ ստվերային շրջանառության կրճատմանը զուգընթաց բարելավվելու են աշխատանքային պայմանները, այնուհանդերձ, ինչպես վերը նշվեց, մեծ թվով վարորդներ հերթական անգամ առաջ են քաշում անտրամաբանական պահանջներ, որոնք զուգորդվում են շանտաժի դրսևորումներով»,- գրել է Կոստանյանը:
Նա հիշեցրել է, որ վարորդների ամսվա ընթացքում 15 օրվա համար վարձատրությունն առանց հարկերի (մաքուր աշխատավարձ) կազմում է 219.500-401.500 ՀՀ դրամ (կախված տրանսպորտի տեսակից - խմբ.)։
Կոստանյանը վստահեցրել է՝ վերոնշյալ գործողություններին տրվելու է գնահատական աշխատանքային օրենսդրության շրջանակներում, ինչպես նաև դիմելու են պատկան մարմիններին՝ վերոնշյալ արարքներին պատշաճ քրեաիրավական գնահատական տալու նպատակով։
Քաղաքապետի մամուլի խոսնակը նաև հիշեցրել է, որ ՀՀ աշխատանքային օրենսդրությամբ սահմանվում է, որ քաղաքային հասարակական տրանսպորտի կազմակերպության աշխատակիցները գործադուլ իրականացնելու մասին առնվազն 14 օր առաջ պարտավոր են ծանուցել այդ մասին և անգամ այդ դեպքում պարտավոր են գործադուլի ընթացքում ապահովել նվազագույն պայմաններ, որոնք անհրաժեշտ են հասարակության անհետաձգելի կարիքները բավարարելու համար։
