https://arm.sputniknews.ru/20241127/nakhkin-futbvolist-mikhajil-kavelashvilin-vrastani-nakhagahi-teknatsu-e-ishkhvogh-kusakcutjunic-83415617.html
Նախկին ֆուտբոլիստ Միխեիլ Կավելաշվիլին Վրաստանի նախագահի թեկնածու է իշխող կուսակցությունից
Նախկին ֆուտբոլիստ Միխեիլ Կավելաշվիլին Վրաստանի նախագահի թեկնածու է իշխող կուսակցությունից
Sputnik Արմենիա
Ներկայիս նախագահ Սալոմե Զուրաբիշվիլին դարձել է Վրաստանում ընդդիմության և բողոքի ցույցերի առաջնորդներից մեկը։ Նրա նախագահության ժամկետն ավարտվում է։ 27.11.2024, Sputnik Արմենիա
2024-11-27T12:01+0400
2024-11-27T12:01+0400
2024-11-27T12:37+0400
միխեիլ կավելաշվիլի
վրաստանի հանրապետություն
նախագահ
թեկնածու
https://cdn.am.sputniknews.ru/img/07e8/0b/1b/83414992_0:92:858:575_1920x0_80_0_0_ec09d7f1daeca6042c952f13a21d83a6.jpg
ԵՐԵՎԱՆ, 27 նոյեմբերի – Sputnik. Նախկին ֆուտբոլիստ և հարձակվող 53-ամյա Միխեիլ Կավելաշվիլին դարձել է Վրաստանի նախագահի թեկնածու «Վրացական երազանք» կուսակցությունից։ Այս մասին կուսակցության քաղխորհրդի նիստից հետո կայացած ճեպազրույցի ժամանակ հայտնել է կուսակցության հիմնադիր Բիձինա Իվանիշվիլին։Ընտրությունները տեղի կունենան դեկտեմբերի 14-ին, առաջին անգամ Վրաստանի նախագահին կընտրի ոչ թե բնակչությունը, այլ ընտրական կոլեգիան։ Սահմանադրության համաձայն՝ կոլեգիան բաղկացած է 300 հոգուց, այդ թվում՝ Վրաստանի խորհրդարանի 150 պատգամավորներից, Աջարիայի և Աբխազիայի Ինքնավար Հանրապետության Գերագույն խորհուրդների անդամներից։«Երազանքի» հիմնադիրը հույս է հայտնել, որ Կավելաշվիլին կվերականգնի նախագահական ինստիտուտին նախկին պատիվը։ Նոր նախագահի երդմնակալությունը նախատեսվում է անցկացնել դեկտեմբերի 29-ին։Կավելաշվիլին ֆուտբոլի վետերան է, իր մարզական կարիերան սկսել է Թբիլիսիի «Լոկոմոտիվում», այնուհետև տեղափոխվել է «Դինամո», որի կազմում դարձել է Վրաստանի վեցակի չեմպիոն։ Կավելաշվիլին Վրաստանի հավաքականի կազմում անցկացրել է 46 հանդիպում, որոնցում դարձել է 9 գոլի հեղինակ։ 1995 թվականին տեղափոխվել է Վլադիկավկազի «Սպարտակ-Ալանիա» ակումբ, իսկ 1996 թվականին՝ «Մանչեսթեր Սիթի»։ Նա խաղացել է նաև Շվեյցարիայի տարբեր ակումբներում։ Շալվա Պապուաշվիլին Վրաստանի խորհրդարանի նախագահ է վերընտրվելՀոկտեմբերի 26-ին կայացած խորհրդարանական ընտրություններում Կավելաշվիլին «Վրացական երազանք» կուսակցության ցուցակում 18-րդ համարն էր, նա իշխանամետ «Ժողովրդի ուժ» կուսակցության քաղաքական քարտուղարն է։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միխեիլ կավելաշվիլի, վրաստանի հանրապետություն, նախագահ, թեկնածու
միխեիլ կավելաշվիլի, վրաստանի հանրապետություն, նախագահ, թեկնածու
Նախկին ֆուտբոլիստ Միխեիլ Կավելաշվիլին Վրաստանի նախագահի թեկնածու է իշխող կուսակցությունից
12:01 27.11.2024 (Թարմացված է: 12:37 27.11.2024) Ներկայիս նախագահ Սալոմե Զուրաբիշվիլին դարձել է Վրաստանում ընդդիմության և բողոքի ցույցերի առաջնորդներից մեկը։ Նրա նախագահության ժամկետն ավարտվում է։
ԵՐԵՎԱՆ, 27 նոյեմբերի – Sputnik. Նախկին ֆուտբոլիստ և հարձակվող 53-ամյա Միխեիլ Կավելաշվիլին դարձել է Վրաստանի նախագահի թեկնածու «Վրացական երազանք» կուսակցությունից։ Այս մասին կուսակցության քաղխորհրդի նիստից հետո կայացած ճեպազրույցի ժամանակ հայտնել է կուսակցության հիմնադիր Բիձինա Իվանիշվիլին։
Ընտրությունները տեղի կունենան դեկտեմբերի 14-ին, առաջին անգամ Վրաստանի նախագահին կընտրի ոչ թե բնակչությունը, այլ ընտրական կոլեգիան։ Սահմանադրության համաձայն՝ կոլեգիան բաղկացած է 300 հոգուց, այդ թվում՝ Վրաստանի խորհրդարանի 150 պատգամավորներից, Աջարիայի և Աբխազիայի Ինքնավար Հանրապետության Գերագույն խորհուրդների անդամներից։
«Կավելաշվիլին հատուկ ներկայացման կարիք չունի։ Նրա վաստակը մեծ է երկրի առաջ որպես վաստակավոր մարզիկ։ Վերջին ութ տարիներին նա ակտիվ քաղաքական գործունեություն է ծավալում։ Մեծ ներդրում է ունեցել երկրի շահերի պաշտպանության գործում, լավ մարդու, լավ ամուսնու և չորս երեխաների հոր խորհրդանիշ է»,- հայտարարել է Իվանիշվիլին։
«Երազանքի» հիմնադիրը հույս է հայտնել, որ Կավելաշվիլին կվերականգնի նախագահական ինստիտուտին նախկին պատիվը։ Նոր նախագահի երդմնակալությունը նախատեսվում է անցկացնել դեկտեմբերի 29-ին։
Կավելաշվիլին ֆուտբոլի վետերան է, իր մարզական կարիերան սկսել է Թբիլիսիի «Լոկոմոտիվում», այնուհետև տեղափոխվել է «Դինամո», որի կազմում դարձել է Վրաստանի վեցակի չեմպիոն։ Կավելաշվիլին Վրաստանի հավաքականի կազմում անցկացրել է 46 հանդիպում, որոնցում դարձել է 9 գոլի հեղինակ։ 1995 թվականին տեղափոխվել է Վլադիկավկազի «Սպարտակ-Ալանիա» ակումբ, իսկ 1996 թվականին՝ «Մանչեսթեր Սիթի»։ Նա խաղացել է նաև Շվեյցարիայի տարբեր ակումբներում։
Հոկտեմբերի 26-ին կայացած խորհրդարանական ընտրություններում Կավելաշվիլին «Վրացական երազանք» կուսակցության ցուցակում 18-րդ համարն էր, նա իշխանամետ «Ժողովրդի ուժ» կուսակցության քաղաքական քարտուղարն է։
