https://arm.sputniknews.ru/20241126/hunastany-pajmanavvorvel-e-fransiaji-het-vor-rusakan-hop-hamakarger-pvokhanci-hhin-zlm-83375455.html
Հունաստանը պայմանավորվել է Ֆրանսիայի հետ, որ ռուսական ՀՕՊ համակարգեր փոխանցի ՀՀ–ին. ԶԼՄ
Հունաստանը պայմանավորվել է Ֆրանսիայի հետ, որ ռուսական ՀՕՊ համակարգեր փոխանցի ՀՀ–ին. ԶԼՄ
Sputnik Արմենիա
Որոշումն ընդունվել է՝ հաշվի առնելով, որ Հայաստանը ռուսական զենքի կիրառման փորձ ունի։ Իսկ Հունաստանը հակառուսական պատժամիջոցների ֆոնին չի կարող օգտագործել իր... 26.11.2024, Sputnik Արմենիա
2024-11-26T11:42+0400
2024-11-26T11:42+0400
2024-11-26T11:45+0400
հունաստան
հայաստան
ֆրանսիա
զենք
https://cdn.am.sputniknews.ru/img/07e8/0b/1a/83371023_0:0:1254:705_1920x0_80_0_0_fff5eb627dfd64b5b16ba047e67c19fb.jpg
ԵՐԵՎԱՆ, 26 նոյեմբերի – Sputnik. Հունաստանը Հայաստանին Ս-300, Տոր-Մ1 և Օսա-ԱԿՄ զենիթահրթիռային համակարգեր կփոխանցի։ Տեղեկությունը հայտնում է enikos.gr կայքը։Հունաստանի իշխանությունները ծրագրում են դրանք փոխարինել իսրայելական արտադրության համակարգերով։«Զինված ուժերի ղեկավարությունը հաստատակամ է իր որոշման մեջ` շարունակելու հին համակարգերի արմատական թարմացումը արևմտյան նոր տեխնոլոգիաներով։ Մեր տեղեկություններով` ազգային պաշտպանության գլխավոր շտաբը գտնվում է ռուսական արտադրության սպառազինության համակարգերը Հայաստանին տրամադրելու փուլում», – գրում է կայքը։Ըստ լրատվամիջոցների՝ սա հունական նախաձեռնություն չէ, այլ Ֆրանսիայի հետ համագործակցության արդյունք։ԶԼՄ–ն նշում է, որ հայերն ունեն ռուսական զենք օգտագործելու փորձ և անհրաժեշտ պահեստամասեր դրանք սպասարկելու համար, ինչը Հունաստանի զինված ուժերի ամենամեծ խնդիրն է, հատկապես վերջին տարիներին ուկրաինական հակամարտության բռնկումից և ՌԴ–ի դեմ ՆԱՏՕ–ի ու ԵՄ–ի սահմանած էմբարգոյից հետո։ Միևնույն ժամանակ Հունաստանն անվճար չի տրամադրի այդ զենքը։ Դրանց փոխարեն Աթենքը մտադիր է ձեռք բերել «David's Sling» համակարգեր, որոնք օժտված են մինչև 300 կմ հեռահարությամբ բալիստիկ հրթիռներով, 35-150 կմ հեռահարությամբ «Barak MX»–եր և 20-50 կմ հեռահարությամբ «Spyder»–ներ։Հիշեցնենք, որ 2023 թվականի դեկտեմբերին Հայաստանի և Հունաստանի պաշտպանության նախարարները ռազմատեխնիկական համագործակցության մասին համաձայնագիր ստորագրեցին։ Ավելի ուշ Հունաստանի պաշտպանության նախարար Նիկոս Դենդիասը հայտարարեց, որ Հունաստանը կհամագործակցի Հայաստանի հետ պաշտպանության ոլորտում՝ հաշվի առնելով Լեռնային Ղարաբաղի հակամարտության դասերը։
հունաստան
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հունաստան, հայաստան, ֆրանսիա, զենք
հունաստան, հայաստան, ֆրանսիա, զենք
Հունաստանը պայմանավորվել է Ֆրանսիայի հետ, որ ռուսական ՀՕՊ համակարգեր փոխանցի ՀՀ–ին. ԶԼՄ
11:42 26.11.2024 (Թարմացված է: 11:45 26.11.2024) Որոշումն ընդունվել է՝ հաշվի առնելով, որ Հայաստանը ռուսական զենքի կիրառման փորձ ունի։ Իսկ Հունաստանը հակառուսական պատժամիջոցների ֆոնին չի կարող օգտագործել իր մոտ եղած հակաօդային պաշտպանության համակարգերը և որոշել է դրանք փոխարինել իսրայելականով։
ԵՐԵՎԱՆ, 26 նոյեմբերի – Sputnik. Հունաստանը Հայաստանին Ս-300, Տոր-Մ1 և Օսա-ԱԿՄ զենիթահրթիռային համակարգեր կփոխանցի։ Տեղեկությունը հայտնում է
enikos.gr կայքը։
Հունաստանի իշխանությունները ծրագրում են դրանք փոխարինել իսրայելական արտադրության համակարգերով։
«Զինված ուժերի ղեկավարությունը հաստատակամ է իր որոշման մեջ` շարունակելու հին համակարգերի արմատական թարմացումը արևմտյան նոր տեխնոլոգիաներով։ Մեր տեղեկություններով` ազգային պաշտպանության գլխավոր շտաբը գտնվում է ռուսական արտադրության սպառազինության համակարգերը Հայաստանին տրամադրելու փուլում», – գրում է կայքը։
Ըստ լրատվամիջոցների՝ սա հունական նախաձեռնություն չէ, այլ Ֆրանսիայի հետ համագործակցության արդյունք։
«Կիևի փոխարեն Երևանին ուժեղացնելը Աթենքի համար ռազմավարական ընտրություն է բազմաթիվ պատճառներով: Նախևառաջ դաշնակցային շատ սերտ կապերի և հատկապես ժամանակակից պատմության ընդհանուր պատմական իրադարձությունների և ընդհանուր կրոնական համոզմունքների պատճառով: Բացի այդ, ուժեղ Հայաստանը հիանալի հակակշիռ կլինի թուրքական անզիջողականությանը, որն ակնհայտորեն ուժեղացնում է Ադրբեջանին։ Չէ՞ որ ԼՂՀ դեպքերը դեռ թարմ են», – ասվում է հրապարակման մեջ։
ԶԼՄ–ն նշում է, որ հայերն ունեն ռուսական զենք օգտագործելու փորձ և անհրաժեշտ պահեստամասեր դրանք սպասարկելու համար, ինչը Հունաստանի զինված ուժերի ամենամեծ խնդիրն է, հատկապես վերջին տարիներին ուկրաինական հակամարտության բռնկումից և ՌԴ–ի դեմ ՆԱՏՕ–ի ու ԵՄ–ի սահմանած էմբարգոյից հետո։ Միևնույն ժամանակ Հունաստանն անվճար չի տրամադրի այդ զենքը։ Դրանց փոխարեն Աթենքը մտադիր է ձեռք բերել «David's Sling» համակարգեր, որոնք օժտված են մինչև 300 կմ հեռահարությամբ բալիստիկ հրթիռներով, 35-150 կմ հեռահարությամբ «Barak MX»–եր և 20-50 կմ հեռահարությամբ «Spyder»–ներ։
Հիշեցնենք, որ 2023 թվականի դեկտեմբերին Հայաստանի և Հունաստանի պաշտպանության նախարարները
ռազմատեխնիկական համագործակցության մասին համաձայնագիր ստորագրեցին։ Ավելի ուշ Հունաստանի պաշտպանության նախարար Նիկոս Դենդիասը
հայտարարեց, որ Հունաստանը կհամագործակցի Հայաստանի հետ պաշտպանության ոլորտում՝ հաշվի առնելով Լեռնային Ղարաբաղի հակամարտության դասերը։
