https://arm.sputniknews.ru/20241120/vareliqi-nvor-gner-irani-sahmanin-inch-khndri-en-bakhvel-hajkakan-bernatarneri-varvordnery-83202757.html
Վառելիքի նոր գներ Իրանի սահմանին. ի՞նչ խնդրի են բախվել հայկական բեռնատարների վարորդները
Վառելիքի նոր գներ Իրանի սահմանին. ի՞նչ խնդրի են բախվել հայկական բեռնատարների վարորդները
Sputnik Արմենիա
Չնայած Իրանում վառելիքի ցածր գնին` արտասահմանյան համարանիշներով մեքենաների վարորդներին ստիպում են, որ սահմանին բաքերը լիցքավորեն մի քանի անգամ բարձր գնով։ 20.11.2024, Sputnik Արմենիա
2024-11-20T18:11+0400
2024-11-20T18:11+0400
2024-11-21T09:47+0400
հայաստան
իրանի իսլամական հանրապետություն
անցակետ
դիզվառելիք
գին
թանկացում
վարորդ
https://cdn.am.sputniknews.ru/img/07e8/0b/11/83091307_0:103:1001:666_1920x0_80_0_0_fd2eec25b64e970c20deb9e10fc4e11e.jpg
ԵՐԵՎԱՆ, 20 նոյեմբերի – Sputnik, Դավիթ Գալստյան. Իրանական մաքսատանը արտասահմանյան համարանիշներով բեռնատարների համար դիզվառելիքի գների կտրուկ բարձրացումը լուրջ խնդիր է դարձել հայ վարորդների համար:Sputnik Արմենիան ավելի վաղ գրել էր, որ որ հայկական բեռնատարների վարորդները փակել են դեպի «Ագարակ» անցակետ տանող ճանապարհը։ Գործող կանոնների համաձայն՝ հայկական բեռնատարները Իրան են մտնում դատարկ բաքերով, որոնք վերադարձին պետք է լիցքավորված լինեն։ Բայց վերջին օրերին մաքսատանը վառելիքի գինը կտրուկ բարձրացել է։Վարորդներից մեկը Sputnik Արմենիային պատմեց, որ եթե Իրանի տարածքում դիզվառելիք են գնում` 20–լիտրանոց տարայի դիմաց վճարելով 2 հազար դրամ, ապա իրանական մաքսատան լցակայանում վերջին օրերին վառելիքի գինը հասել է 9 հազար դրամի (դեռ վերջերս 7500-7800 դրամ էր, իսկ դրանից առաջ՝ ավելի էժան)։ Եվ դա այն դեպքում, երբ բեռնատարի բաքի միջին ծավալը շուրջ 500 լիտր է:Իրավիճակը ստիպել է, որ հայ վարորդները մի քանի օր անցկացնեն սահմանին՝ ակնկալելով, որ հարցն ինչ–որ լուծում կստանա։ Մեր զրուցակցի խոսքով՝ ինչ-որ պահի սահմանին ավելի քան 100 բեռնատար է կուտակված եղել։Մեր զրուցակիցը մի քանի օր սպասելուց հետո այս գիշեր մտել է Հայաստան՝ 20–լիտրանոց տարայի համար վճարելով մոտ 8500 դրամ։Մեկ այլ վարորդ Sputnik Արմենիային հայտնեց, որ վերադարձել է Հայաստան՝ բեռնատարը ստիպված թողնելով իրանական ավտոկայանատեղիում։ Նա սահմանին անցկացրել է 8 օր, բայց մեծ հերթի պատճառով որոշել է տուն վերադառնալ (Սյունիք)։Տղամարդը նշեց, որ չգիտի սահմանին կուտակված հայկական բեռնատարների թիվը, քանի որ միմյանցից 25 կմ հեռավորության վրա գտնվող երկու կայանատեղի կա: Դրանցից մեկում, ըստ էլեկտրոնային հերթի, նրանից առաջ ավելի քան 430 բեռնատար է եղել (տարբեր երկրների՝ իրանական, վրացական, հայկական պետհամարանիշներով)։Ընդ որում` սկզբում խնդիր է ծագել նույնիսկ իրանական բեռնատարների վարորդների համար, բայց նրանք ինչ-որ կերպ լուծել են հարցը։ Հիմա խնդիրը վերաբերում է վրացական ու հայկական բեռնատարներին։Նրա խոսքով՝ եթե բեռնատարը մաքսատուն է մտնում մասնակի լցված բաքերով, ապա տուգանքը կազմում է 8 հազար դրամ յուրաքանչյուր պակասող 20 լիտրի համար: Եթե վարորդները հանում են բաքերը, նրանց կրկին տուգանում են:Նշենք, որ սահմանից այս կողմ` Հայաստանում, նրանք նույն վառելիքը կարողանում են գնել 7300–7500 դրամով։ Քանի որ հարցը կապված է իրանական մաքսայինի հետ, դիմեցինք նրանց գործընկերոջը` Հայաստանի պետական եկամուտների կոմիտե, բայց մեզ պատասխանեցին, որ դիզվառելիքի թանկացման վերաբերյալ մեկնաբանություններ չեն կարող տալ։Հարցում ենք ուղարկել նաև ՀՀ ԱԳՆ։ Պատասխանը ստանալուն պես կհրապարակենք։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, իրանի իսլամական հանրապետություն, անցակետ, դիզվառելիք, գին, թանկացում, վարորդ
հայաստան, իրանի իսլամական հանրապետություն, անցակետ, դիզվառելիք, գին, թանկացում, վարորդ
Վառելիքի նոր գներ Իրանի սահմանին. ի՞նչ խնդրի են բախվել հայկական բեռնատարների վարորդները
18:11 20.11.2024 (Թարմացված է: 09:47 21.11.2024) Չնայած Իրանում վառելիքի ցածր գնին` արտասահմանյան համարանիշներով մեքենաների վարորդներին ստիպում են, որ սահմանին բաքերը լիցքավորեն մի քանի անգամ բարձր գնով։
ԵՐԵՎԱՆ, 20 նոյեմբերի – Sputnik, Դավիթ Գալստյան. Իրանական մաքսատանը արտասահմանյան համարանիշներով բեռնատարների համար դիզվառելիքի գների կտրուկ բարձրացումը լուրջ խնդիր է դարձել հայ վարորդների համար:
Sputnik Արմենիան ավելի վաղ գրել էր, որ որ հայկական բեռնատարների վարորդները փակել են դեպի «Ագարակ» անցակետ տանող ճանապարհը։ Գործող կանոնների համաձայն՝ հայկական բեռնատարները Իրան են մտնում դատարկ բաքերով, որոնք վերադարձին պետք է լիցքավորված լինեն։ Բայց վերջին օրերին մաքսատանը վառելիքի գինը կտրուկ բարձրացել է։
Վարորդներից մեկը
Sputnik Արմենիային պատմեց, որ եթե Իրանի տարածքում դիզվառելիք են գնում` 20–լիտրանոց տարայի դիմաց վճարելով 2 հազար դրամ, ապա իրանական մաքսատան լցակայանում վերջին օրերին վառելիքի գինը հասել է 9 հազար դրամի (դեռ վերջերս 7500-7800 դրամ էր, իսկ դրանից առաջ՝ ավելի էժան)։ Եվ դա այն դեպքում, երբ բեռնատարի բաքի միջին ծավալը շուրջ 500 լիտր է:
Իրավիճակը ստիպել է, որ հայ վարորդները մի քանի օր անցկացնեն սահմանին՝ ակնկալելով, որ հարցն ինչ–որ լուծում կստանա։ Մեր զրուցակցի խոսքով՝ ինչ-որ պահի սահմանին ավելի քան 100 բեռնատար է կուտակված եղել։
Մեր զրուցակիցը մի քանի օր սպասելուց հետո այս գիշեր մտել է Հայաստան՝ 20–լիտրանոց տարայի համար վճարելով մոտ 8500 դրամ։
Մեկ այլ վարորդ
Sputnik Արմենիային հայտնեց, որ վերադարձել է Հայաստան՝ բեռնատարը ստիպված թողնելով իրանական ավտոկայանատեղիում։ Նա սահմանին անցկացրել է 8 օր, բայց մեծ հերթի պատճառով որոշել է տուն վերադառնալ (Սյունիք)։
Տղամարդը նշեց, որ չգիտի սահմանին կուտակված հայկական բեռնատարների թիվը, քանի որ միմյանցից 25 կմ հեռավորության վրա գտնվող երկու կայանատեղի կա: Դրանցից մեկում, ըստ էլեկտրոնային հերթի, նրանից առաջ ավելի քան 430 բեռնատար է եղել (տարբեր երկրների՝ իրանական, վրացական, հայկական պետհամարանիշներով)։
Ընդ որում` սկզբում խնդիր է ծագել նույնիսկ իրանական բեռնատարների վարորդների համար, բայց նրանք ինչ-որ կերպ լուծել են հարցը։ Հիմա խնդիրը վերաբերում է վրացական ու հայկական բեռնատարներին։
Նրա խոսքով՝ եթե բեռնատարը մաքսատուն է մտնում մասնակի լցված բաքերով, ապա տուգանքը կազմում է 8 հազար դրամ յուրաքանչյուր պակասող 20 լիտրի համար: Եթե վարորդները հանում են բաքերը, նրանց կրկին տուգանում են:
«Դեռ 2 տարի առաջ կողմերը պայմանավորվել էին, որ մաքսատանը վառելիքի արժեքը կայուն կլինի՝ 6 հազար դրամ մեկ «կանեստրի» համար։ Հետո գինը բարձրացավ, սկզբում` մինչև 7700-7800, իսկ հիմա՝ մինչև 9300-9700, ընդհուպ մինչև 10 հազար դրամ՝ կախված բեռից», - ասաց մեր զրուցակիցը՝ նշելով, որ մաքսատան աշխատակիցներին չի բավարարում նույնիսկ բաքի վրա նշված տարողունակության գործարանային տվյալները։
Նշենք, որ սահմանից այս կողմ` Հայաստանում, նրանք նույն վառելիքը կարողանում են գնել 7300–7500 դրամով։
Քանի որ հարցը կապված է իրանական մաքսայինի հետ, դիմեցինք նրանց գործընկերոջը` Հայաստանի պետական եկամուտների կոմիտե, բայց մեզ պատասխանեցին, որ դիզվառելիքի թանկացման վերաբերյալ մեկնաբանություններ չեն կարող տալ։
Հարցում ենք ուղարկել նաև ՀՀ ԱԳՆ։ Պատասխանը ստանալուն պես կհրապարակենք։
