https://arm.sputniknews.ru/20241118/vraci-ynddimadirnery-gisherel-en-tbilisii-kentrvonum-pahanjelvov-nvor-yntrutjunner-83104970.html
Վրացի ընդդիմադիրները գիշերել են Թբիլիսիի կենտրոնում՝ պահանջելով նոր ընտրություններ
Վրացի ընդդիմադիրները գիշերել են Թբիլիսիի կենտրոնում՝ պահանջելով նոր ընտրություններ
Sputnik Արմենիա
Վրաստանի ՆԳՆ-ն ոչ մի նախազգուշական հայտարարություն չի արել։ Ընդդիմադիրները խոստանում են փողոցում մնալ մինչև երեկո։ 18.11.2024, Sputnik Արմենիա
2024-11-18T12:24+0400
2024-11-18T12:24+0400
2024-11-18T13:16+0400
վրաստանի հանրապետություն
ընդդիմություն
բողոքի ակցիա
արևմուտք
https://cdn.am.sputniknews.ru/img/07e8/0b/12/83094967_0:66:1280:786_1920x0_80_0_0_572377c100c793a5df4d3fa332510ceb.jpg
ԵՐԵՎԱՆ, 18 նոյեմբերի - Sputnik. Վրացական ընդդիմադիր կուսակցությունների ներկայացուցիչներն իրենց կողմնակիցների հետ գիշերն անցկացրել են Թբիլիսիի պետական համալսարանի շենքի առջև՝ պահանջելով նոր խորհրդարանական ընտրություններ։ Այս մասին դեպքի վայրից հայտնում է ՌԻԱ Նովոստիի թղթակիցը։Շենքի դիմաց տեղադրված են վրաններ, որոնցում ցուցարարների մի մասը մնացել են ամբողջ գիշեր։ Ակցիայի մասնակիցները խարույկներ են վառել, երգել, խաղեր կազմակերպել։ Քաղաքացիները նրանց սնունդ և տաք ըմպելիքներ են տարել։Վրաստանի ՆԳՆ-ն ոչ մի նախազգուշական հայտարարություն չի արել։ Ընդդիմադիրները խոստանում են փողոցում մնալ մինչև երեկո։«Վրացական երազանքի» հաղթանակը մնացել է Արևմուտքի կոկորդին. ինչո՞ւ է Օրբանը Թբիլիսի ժամանելՎրաստանի ԿԸՀ-ն նոյեմբերի 16-ին հրապարակել է հոկտեմբերի 26-ին կայացած խորհրդարանական ընտրությունների ամփոփիչ արձանագրությունը, որի համաձայն հաղթել է իշխող «Վրացական երազանք» կուսակցությունը՝ հավաքելով ձայների 53,93 տոկոսը և խորհրդարանում ստանալով 150 մանդատից 89-ը: Խորհրդարան են անցել նաև չորս ընդդիմադիր կուսակցություն, սակայն նրանք չեն ընդունում ընտրությունների արդյունքները և հրաժարվում են պատգամավորական տեղերից: Խորհրդարանը պետք է հավաքվի ոչ ուշ, քան ամփոփիչ արձանագրության հրապարակումից հետո տասներորդ օրը՝ նախագահի հրավերով: Սակայն, եթե նախագահը հրաժարվի խորհրդարան գումարել, օրենսդիր մարմինը կհավաքվի ինքնուրույն։Ընդդիմադիրները արդյունքները կեղծված են համարում, պահանջում են միջազգային հետաքննություն և նոր խորհրդարանական ընտրություններ:Վրաստանում ընդդիմադիր պատգամավորը սև ներկ է լցրել ԿԸՀ նախագահի վրաՎրաստանի դատախազությունը հետաքննություն է սկսել ընտրությունների արդյունքներն իբր կեղծելու մասին ընդդիմության պնդումների կապակցությամբ, սակայն ընդդիմադիրների մեծ մասը չի համագործակցում գերատեսչության հետ:
վրաստանի հանրապետություն
արևմուտք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վրաստանի հանրապետություն, ընդդիմություն, բողոքի ակցիա, արևմուտք
վրաստանի հանրապետություն, ընդդիմություն, բողոքի ակցիա, արևմուտք
Վրացի ընդդիմադիրները գիշերել են Թբիլիսիի կենտրոնում՝ պահանջելով նոր ընտրություններ
12:24 18.11.2024 (Թարմացված է: 13:16 18.11.2024) Վրաստանի ՆԳՆ-ն ոչ մի նախազգուշական հայտարարություն չի արել։ Ընդդիմադիրները խոստանում են փողոցում մնալ մինչև երեկո։
ԵՐԵՎԱՆ, 18 նոյեմբերի - Sputnik. Վրացական ընդդիմադիր կուսակցությունների ներկայացուցիչներն իրենց կողմնակիցների հետ գիշերն անցկացրել են Թբիլիսիի պետական համալսարանի շենքի առջև՝ պահանջելով նոր խորհրդարանական ընտրություններ։ Այս մասին դեպքի վայրից հայտնում է
ՌԻԱ Նովոստիի թղթակիցը։
Շենքի դիմաց տեղադրված են վրաններ, որոնցում ցուցարարների մի մասը մնացել են ամբողջ գիշեր։ Ակցիայի մասնակիցները խարույկներ են վառել, երգել, խաղեր կազմակերպել։ Քաղաքացիները նրանց սնունդ և տաք ըմպելիքներ են տարել։
Վրաստանի ՆԳՆ-ն ոչ մի նախազգուշական հայտարարություն չի արել։ Ընդդիմադիրները խոստանում են փողոցում մնալ մինչև երեկո։
Վրաստանի ԿԸՀ-ն նոյեմբերի 16-ին հրապարակել է հոկտեմբերի 26-ին կայացած խորհրդարանական ընտրությունների ամփոփիչ արձանագրությունը, որի համաձայն հաղթել է իշխող «Վրացական երազանք» կուսակցությունը՝ հավաքելով ձայների 53,93 տոկոսը և խորհրդարանում ստանալով 150 մանդատից 89-ը: Խորհրդարան են անցել նաև չորս ընդդիմադիր կուսակցություն, սակայն նրանք չեն ընդունում ընտրությունների արդյունքները և հրաժարվում են պատգամավորական տեղերից: Խորհրդարանը պետք է հավաքվի ոչ ուշ, քան ամփոփիչ արձանագրության հրապարակումից հետո տասներորդ օրը՝ նախագահի հրավերով: Սակայն, եթե նախագահը հրաժարվի խորհրդարան գումարել, օրենսդիր մարմինը կհավաքվի ինքնուրույն։
Ընդդիմադիրները արդյունքները կեղծված են համարում, պահանջում են միջազգային հետաքննություն և նոր խորհրդարանական ընտրություններ:
Վրաստանի դատախազությունը հետաքննություն է սկսել ընտրությունների արդյունքներն իբր կեղծելու մասին ընդդիմության պնդումների կապակցությամբ, սակայն ընդդիմադիրների մեծ մասը չի համագործակցում գերատեսչության հետ:
