https://arm.sputniknews.ru/20241115/greta-tunbergi-masnakcutjamb-bvoghvoqi-akcia-e-irakanacvum-hh-um-maki-grasenjaki-dimac-83048598.html

Գրետա Թունբերգի մասնակցությամբ բողոքի ակցիա է իրականացվում ՀՀ-ում ՄԱԿ–ի գրասենյակի դիմաց

Գրետա Թունբերգի մասնակցությամբ բողոքի ակցիա է իրականացվում ՀՀ-ում ՄԱԿ–ի գրասենյակի դիմաց

Sputnik Արմենիա

Բողոքի ակցաին COP–29-ը Ադրբեջանում իրականացնելու որոշման դեմ է։ 15.11.2024, Sputnik Արմենիա

2024-11-15T17:05+0400

2024-11-15T17:05+0400

2024-11-15T17:48+0400

գրետա թունբերգ

միավորված ազգերի կազմակերպություն (մակ)

մակ-ի կլիմայի փոփոխության համաժողով (cop 29)

բողոքի ակցիա

https://cdn.am.sputniknews.ru/img/07e8/0b/0f/83045944_0:67:1280:787_1920x0_80_0_0_3f41b1016413a81203d834b1fd876d9a.jpg

ԵՐԵՎԱՆ, 15 նոյեմբերի – Sputnik. Այս պահին ՀՀ-ում ՄԱԿ–ի գրասենյակի դիմաց բողոքի ակցիա է իրականացվում «Stop Greenwashing Genocide!» (Վերջ տվեք էկոլոգիայի քողարկմամբ ցեղասպանությանը) խորագրով, որին մասնակցում է նաև շվեդացի էկոակտիվիստ Գրետա Թունբերգը։Նշենք, որ Գրետա Թունբերգն օրեր առաջ է Հայաստան ժամանել և պատոնապես հրաժարվել է մասնակցել ՄԱԿ–ի կլիմայական համաժողովին (COP-29), քանի որ այն անցկացվում է Ադրբեջանում:«Մենք ցույց ենք տալու, որ բոլոր նրանք, ովքեր համաձայնել են Cop- 29-ը անցկացնել բռնապետական պետության ներսում, սոլիդար են ոչ թե Cop– 29-ի խորագրի, այլ այն գործընթացների հետ, որ իրականացրել է Ադրբեջանը՝ մասնավորապես մարդկության դեմ հանցագործությունը, էթնիկ զտումներն ու ցեղասպանությունը Արցախի բնակիչների նկատմամբ»,–ասաց ակցիայի կազմակերպիչներից մեկը։Նրա խոսքով՝ բողոքի ակցիան COP– 29-ը Ադրբեջանում անցկացնելու որոշման դեմ է։Ակցիայի մասնակիցները իրենց հետ բերված COP- 29-ի պաստառի վրա կարմիր ներկով «արյունոտ ձեռքեր» պատկերեցին ի նշան բողոքի։Ակցիայի կազմակերպիչներից Մարգարիտա Քյարամյանը, որն Արցախի Հադրութից բռնի եղահանվել է Հայաստան, նշեց, որ Բաքվում COP- 29-ի անցկացումը համաշխարհային քաղաքականության տապալումն է։ «Մի երկիր, որը ցեղասպանություն է իրականացրել և էթնիկ զտման ենթարկել Արցախը, չի կարող լինել ցիվիլ աշխարհի ներկայացուցիչ»,-ասաց նա։Քյարամյանն ընդգծեց, որ Ադրբեջանը, որը թաթախված է նավթի մեջ, չի կարող խոսել բնապահպանությունից։ Տարածքային ամբողջականության վերականգնման անվան տակ Ադրբեջանը նպատակ էր դրել տիրանալ Արցախի բնությանը` տիրացել է Արցախի հողերին, անտառներին, արոտավայրերին և ջրերին։Կլիմայի փոփոխության մասին ՄԱԿ-ի շրջանակային կոնվենցիայի մասնակիցների COP–29 գագաթնաժողովը անցկացվում է Բաքվում նոյեմբերի 11–24–ը։2023 թվականի դեկտեմբերին Հայաստանը որպես բարի կամքի քայլ իր աջակցությունը հայտնեց այն հյուրընկալելու նպատակով Ադրբեջանի ներկայացրած հայտին և հանեց իր թեկնածությունը, իսկ Ադրբեջանն իր աջակցությունը հայտնեց Արևելյան Եվրոպայի խմբի COP-ի բյուրոյին անդամակցելու համար առաջադրված Հայաստանի թեկնածությանը:Կազմակերպիչները հավելեցին, որ այսօր ՄԱԿ-ի Հայաստանյան գրասենյակին ուղղված իրենց ուղերձում ամենակարևոր կետն այն է, որ հայ գերիները պետք է ազատ արձակվեն։ Նրանք կոչ արեցին բոլոր միջազգային կազմակերպություններին, լրագրողներին այցելել Բաքվի բանտ և անձամբ համոզվել, թե ինչ անմարդկային պայմաններում են գոյատևում հայ ռազմագերիները։Ձեր միջնորդությունը ձախողվեց. Եվրոպայի Հայ դատի գրասենյակը բաց նամակ է հղել Շառլ Միշելին

2024

Լուրեր

am_HY

գրետա թունբերգ, միավորված ազգերի կազմակերպություն (մակ), մակ-ի կլիմայի փոփոխության համաժողով (cop 29) , բողոքի ակցիա