Տիգրան Բարսեղյանն այս անգամ չի կարող օգտակար լինել հավաքականին. հայտնի է, թե ինչու
20:35 11.11.2024 (Թարմացված է: 20:36 11.11.2024)
Տիգրան Բարսեղյանը հավաքականի խաղերին. Արխիվային լուսանկար
© Sputnik / Asatur Yesayants
Բաժանորդագրվել
Հավաքականի նախկին մարզիչ Ալեքսանդր Պետրակովը երկար ժամանակ Տիգրան Բարսեղյանին չէր հրավիրում հավաքականի խաղերին։
ԵՐԵՎԱՆ, 11 նոյեմբերի – Sputnik. Սլովակիայի «Սլովանի» և Հայաստանի ազգային հավաքականի կիսապաշտպան Տիգրան Բարսեղյանը շատ ուրախ է կրկին հավաքական հրավիրվելու համար, բայց այս անգամ չի կարող մասնակցել խաղին։ Այս մասին նա ասել է ՀՖՖ–ի պաշտոնական կայքի հետ զրույցում։
Հայտնել էինք, որ «Սլովանի» կիսապաշտպան Տիգրան Բարսեղյանը հրավիրվել էր Հայաստանի ազգային հավաքական՝ նախապատրաստվելու Ֆարերյան կղզիների և Լատվիայի դեմ հանդիպումներին:
«Շատ ուրախ եմ կրկին հավաքական հրավիրվելու կապակցությամբ: Ցավոք, այս անգամ չեմ կարող միանալ թիմին, սակայն լիահույս եմ, որ մարտին կկարողանամ օգնել իմ խաղընկերներին խաղադաշտում: Անհամբերությամբ կսպասեմ ազգային հավաքականի հաջորդ հավաքին և խաղերին»,ասել է ֆուտբոլիստը:
Նշենք, որ «Սլովանի» «Սկալիցայի» դեմ խաղի վերջնամասում Բարսեղյանը մկանային ցավեր է զգացել: Պարզվել է, որ նա մկանային թեթև վնասվածք ունի: «Սլովանի» և Հայաստանի ազգային հավաքականի բուժանձնակազմերը փոխադարձ համաձայնությամբ որոշել են ռիսկի չդիմել՝ Բարսեղյանին ընձեռելով լիարժեք վերականգնվելու հնարավորություն:
Նշենք, որ «Սլովանի» «Սկալիցայի» դեմ խաղի վերջնամասում Բարսեղյանը մկանային ցավեր է զգացել: Պարզվել է, որ նա մկանային թեթև վնասվածք ունի: «Սլովանի» և Հայաստանի ազգային հավաքականի բուժանձնակազմերը փոխադարձ համաձայնությամբ որոշել են ռիսկի չդիմել՝ Բարսեղյանին ընձեռելով լիարժեք վերականգնվելու հնարավորություն:
Հավելենք, որ հավաքականի արդեն նախկին մարզիչ Ալեքսանդր Պետրակովը երկար ժամանակ Տիգրան Բարսեղյանին չէր հրավիրում հավաքականի խաղերին։
