https://arm.sputniknews.ru/20241109/kiranci-gjughatntesakan-hvogheri-hasaneliutjan-harcy-mnum-e-chlutsvats-82788661.html
Կիրանցի գյուղատնտեսական հողերի հասանելիության հարցը մնում է չլուծված
Կիրանցի գյուղատնտեսական հողերի հասանելիության հարցը մնում է չլուծված
Sputnik Արմենիա
Նախկին ճանապարհը, որով բնակիչները գնում էին իրենց հողերը, հիմա Ադրբեջանի վերահսկողության տակ է։ 09.11.2024, Sputnik Արմենիա
2024-11-09T09:55+0400
2024-11-09T09:55+0400
2024-11-09T09:55+0400
տավուշ
կիրանց
գյուղատնտեսություն
հող
հայ-ադրբեջանական
ադրբեջան
սահման
https://cdn.am.sputniknews.ru/img/07e8/07/18/78700195_0:83:1600:983_1920x0_80_0_0_1c92e17f6d827f0ff32f37eda07f215e.jpg
ԵՐԵՎԱՆ, 9 նոյեմբերի - Sputnik, Դավիթ Գալստյան. Սահմանագծումից հետո Տավուշի մարզի Կիրանց համայնքի գյուղատնտեսական նշանակության հողերի հասանելիության հարցը շարունակում է չլուծված մնալ։Դեռ հունիսին Sputnik Արմենիան գրել էր, որ Կիրանց գյուղի բնակիչները Բերքաբերի ջրամբարի մոտ գտնվող գյուղատնտեսական հողերին հասանելիության հետ կապված խնդիրներ կունենան։ Հիմնական ճանապարհն անցնում էր նախկին Խերիմլի գյուղով, որ հիմա Ադրբեջանի վերահսկողության տակ է հայտնվել։Այն ժամանակ տարածքային կառավարման և ենթակառուցվածքների նախարարությունից մեզ ասացին, որ հարցին կարելի է անդրադառնալ սահմանազատման և սահմանագծման գործընթացից հետո։Ավելի ուշ մենք նոր հարցում ուղարկեցինք ՏԿԵՆ` հետաքրքրվելով, թե արդյոք խնդիրը լուծվել է։Տեղի բնակիչներն ու հողատարածքների սեփականատերերն իրենց հերթին մեզ հետ զրույցում ասացին, որ բերրի հողերը, որտեղ նախկինում ցորեն էին ցանում, հիմա անմշակ են մնում: Այնտեղ կարելի է հասնել մեկ այլ, համեմատաբար դժվարանցանելի ճանապարհով (ամենագնացներով)։Գյուղացիները չեն շտապում այդ հողերը մշակել անվտանգության խնդիրների պատճառով։ Մի կողմից նրանք մտավախություն ունեն, որ նոր սահմանին հայտնված հատվածները կարող են ականապատվել։ Մյուս կողմից` սահմանազատումից հետո ադրբեջանցի սահմանապահները շատ մոտ են դիրքավորվել` նախկին հարևան Խերիմլի գյուղի տարածքում, անմիջապես այդ հողամասերի հարևանությամբ։Հողատերերից ոմանք սահմանազատում/սահմանագծումից հետո այնտեղ առհասարակ չեն գնացել։Նշենք, որ գյուղին է պատկանում ջրամբարի ափին գտնվող մոտ 60 հա հողատարածք (որից մշակվում է մոտ 45 հեկտարը): Այդ տարածքը գյուղացիներն առաջարկում էին փոխանակել Բաքվին հանձնվող կամրջի և գյուղին ամենամոտ տարածքի հետ, սակայն նրանց առաջարկը չընդունվեց։ Այդ պահին երկու երկրների սահմանազատման հանձնաժողովները տարածքի փոխանակման իրավունք պաշտոնապես չունեին։
կիրանց
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տավուշ, կիրանց, գյուղատնտեսություն, հող, հայ-ադրբեջանական, ադրբեջան, սահման
տավուշ, կիրանց, գյուղատնտեսություն, հող, հայ-ադրբեջանական, ադրբեջան, սահման
Կիրանցի գյուղատնտեսական հողերի հասանելիության հարցը մնում է չլուծված
Նախկին ճանապարհը, որով բնակիչները գնում էին իրենց հողերը, հիմա Ադրբեջանի վերահսկողության տակ է։
ԵՐԵՎԱՆ, 9 նոյեմբերի - Sputnik, Դավիթ Գալստյան. Սահմանագծումից հետո Տավուշի մարզի Կիրանց համայնքի գյուղատնտեսական նշանակության հողերի հասանելիության հարցը շարունակում է չլուծված մնալ։
Դեռ հունիսին
Sputnik Արմենիան գրել էր, որ Կիրանց գյուղի բնակիչները Բերքաբերի ջրամբարի մոտ գտնվող գյուղատնտեսական հողերին հասանելիության հետ կապված խնդիրներ կունենան։ Հիմնական ճանապարհն անցնում էր նախկին Խերիմլի գյուղով, որ հիմա Ադրբեջանի վերահսկողության տակ է հայտնվել։
Այն ժամանակ տարածքային կառավարման և ենթակառուցվածքների նախարարությունից մեզ ասացին, որ հարցին կարելի է անդրադառնալ սահմանազատման և սահմանագծման գործընթացից հետո։
Ավելի ուշ մենք նոր հարցում ուղարկեցինք ՏԿԵՆ` հետաքրքրվելով, թե արդյոք խնդիրը լուծվել է։
«Այս պահին լուծում չկա»,-հայտնեցին նախարարությունից:
Տեղի բնակիչներն ու հողատարածքների սեփականատերերն իրենց հերթին մեզ հետ զրույցում ասացին, որ բերրի հողերը, որտեղ նախկինում ցորեն էին ցանում, հիմա անմշակ են մնում: Այնտեղ կարելի է հասնել մեկ այլ, համեմատաբար դժվարանցանելի ճանապարհով (ամենագնացներով)։
Գյուղացիները չեն շտապում այդ հողերը մշակել անվտանգության խնդիրների պատճառով։ Մի կողմից նրանք մտավախություն ունեն, որ նոր սահմանին հայտնված հատվածները կարող են ականապատվել։ Մյուս կողմից` սահմանազատումից հետո ադրբեջանցի սահմանապահները շատ մոտ են դիրքավորվել` նախկին հարևան Խերիմլի գյուղի տարածքում, անմիջապես այդ հողամասերի հարևանությամբ։
Հողատերերից ոմանք սահմանազատում/սահմանագծումից հետո այնտեղ առհասարակ չեն գնացել։
Ավելին, այդ տարածքներ այցելելը խնդրահարույց է նաև հայաստանցի սահմանապահների հետ համաձայնեցնելու անհրաժեշտության պատճառով։
Նշենք, որ գյուղին է պատկանում ջրամբարի ափին գտնվող մոտ 60 հա հողատարածք (որից մշակվում է մոտ 45 հեկտարը): Այդ տարածքը գյուղացիներն առաջարկում էին փոխանակել Բաքվին հանձնվող կամրջի և գյուղին ամենամոտ տարածքի հետ, սակայն նրանց առաջարկը չընդունվեց։ Այդ պահին երկու երկրների սահմանազատման հանձնաժողովները տարածքի փոխանակման իրավունք պաշտոնապես չունեին։
