https://arm.sputniknews.ru/20241107/hhum-ktruk-atshel-e-intensiv-ajgineri-pahanjarky-nakharar-82767141.html
ՀՀ–ում կտրուկ աճել է ինտենսիվ այգիների պահանջարկը. նախարար
ՀՀ–ում կտրուկ աճել է ինտենսիվ այգիների պահանջարկը. նախարար
Sputnik Արմենիա
Ինտենսիվ այգիներ հիմնելու համար ՀՀ կառավարությունը հաստատեց լրացուցիչ միջոցներ տրամադրելու մասին նախագիծը։ 07.11.2024, Sputnik Արմենիա
2024-11-07T13:45+0400
2024-11-07T13:45+0400
2024-11-07T13:45+0400
հայաստան
այգի
գևորգ պապոյան
https://cdn.am.sputniknews.ru/img/07e8/0b/05/82700323_0:0:1281:721_1920x0_80_0_0_052e3547949ec2d8ff0c92b530137644.jpg
ԵՐԵՎԱՆ, 7 նոյեմբերի – Sputnik. 2024 թ. Հայաստանում ինտենսիվ այգիների հիմնման նկատմամբ հետաքրքրությունը զգալիորեն գերազանցել է սպասելիքները։ Այս մասին ՀՀ կառավարության նիստի ժամանակ հայտարարեց ՀՀ էկոնոմիկայի նախարար Գևորգ Պապոյանը։Նրա խոսքով` ինտենսիվ այգիներ հիմնելու համար այս տարի նախատեսվել էր 219 մլն դրամի օգնություն, սակայն հայտերի ընդհանուր ծավալը հասել է 1 մլրդ 415 մլն դրամի, ինչը պահանջում է 1 մլրդ 148 մլն դրամով շատ լրացուցիչ ֆինանսավորում: Լրացուցիչ այս գումարի տրամադրման որոշումն այսօր հաստատվեց կառավարության նիստի ժամանակ։Նախարարը տեղեկացրեց, որ այս միջոցները նախատեսված են սուբսիդավորելու վարկերի տոկոսադրույքները, որոնք ֆերմերներն օգտագործում են տնկիներ, կաթիլային ոռոգում, հակակարկտային ցանցեր և այլ անհրաժեշտ նյութեր գնելու համար:Նշենք, որ ըստ կառավարության որոշման նախագծի` այս տարի գումարը կտրամադրվի 21 շահառուի։Պապոյանն ընդգծեց, որ պետական աջակցությունը տրամադրվում է միայն հայտը ստուգելուց հետո. գյուղացին պետք է ներկայացնի սածիլների գնման փաստաթղթերը։ Այգիների հիմնումից հետո իրականացվում է նաև կանոնավոր մոնիտորինգ։Նա հիշեցրեց, որ կառավարությունը կփոխհատուցի այգու ստեղծման որոշակի աշխատանքների ծախսերի մինչև 50 տոկոսը, ինչպես նաև 5 հա–ից ավել հողատարածքի արժեքի մինչև 30 տոկոսը, եթե այն ձեռք է բերվում ինտենսիվ այգին հիմնելու համար:Հիշեցնենք, որ 2024 թվականի հունվարին քրեական վարույթ էր նախաձեռնվել ՀՀ էկոնոմիկայի նախկին նախարար Վահան Քերոբյանի, էկոնոմիկայի նախարարության մի շարք պաշտոնյաների և մասնավոր հատվածի ներկայացուցիչների դեմ։ Խոսքը վերաբերում էր ինտենսիվ այգիների հիմնման ծրագրի իրականացման ընթացքում պետական միջոցների հափշտակմանը, ինչպես նաև մրցույթներին ընկերությունների մասնակցության համար արհեստական խոչընդոտներ ստեղծելուն։Հափշտակել են ավելի քան 1 մլն դոլար. ՀՀ–ում ինտենսիվ այգիների գործով 12 մեղադրյալ է անցնում
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, այգի, գևորգ պապոյան
հայաստան, այգի, գևորգ պապոյան
ՀՀ–ում կտրուկ աճել է ինտենսիվ այգիների պահանջարկը. նախարար
Ինտենսիվ այգիներ հիմնելու համար ՀՀ կառավարությունը հաստատեց լրացուցիչ միջոցներ տրամադրելու մասին նախագիծը։
ԵՐԵՎԱՆ, 7 նոյեմբերի – Sputnik. 2024 թ. Հայաստանում ինտենսիվ այգիների հիմնման նկատմամբ հետաքրքրությունը զգալիորեն գերազանցել է սպասելիքները։ Այս մասին ՀՀ կառավարության նիստի ժամանակ հայտարարեց ՀՀ էկոնոմիկայի նախարար Գևորգ Պապոյանը։
Նրա խոսքով` ինտենսիվ այգիներ հիմնելու համար այս տարի նախատեսվել էր 219 մլն դրամի օգնություն, սակայն հայտերի ընդհանուր ծավալը հասել է 1 մլրդ 415 մլն դրամի, ինչը պահանջում է 1 մլրդ 148 մլն դրամով շատ լրացուցիչ ֆինանսավորում: Լրացուցիչ այս գումարի տրամադրման որոշումն այսօր հաստատվեց կառավարության նիստի ժամանակ։
Նախարարը տեղեկացրեց, որ այս միջոցները նախատեսված են սուբսիդավորելու վարկերի տոկոսադրույքները, որոնք ֆերմերներն օգտագործում են տնկիներ, կաթիլային ոռոգում, հակակարկտային ցանցեր և այլ անհրաժեշտ նյութեր գնելու համար:
Նշենք, որ ըստ կառավարության որոշման նախագծի` այս տարի գումարը կտրամադրվի 21 շահառուի։
Պապոյանն ընդգծեց, որ պետական աջակցությունը տրամադրվում է միայն հայտը ստուգելուց հետո. գյուղացին պետք է ներկայացնի սածիլների գնման փաստաթղթերը։ Այգիների հիմնումից հետո իրականացվում է նաև կանոնավոր մոնիտորինգ։
Նա հիշեցրեց, որ կառավարությունը կփոխհատուցի այգու ստեղծման որոշակի աշխատանքների ծախսերի մինչև 50 տոկոսը, ինչպես նաև 5 հա–ից ավել հողատարածքի արժեքի մինչև 30 տոկոսը, եթե այն ձեռք է բերվում ինտենսիվ այգին հիմնելու համար:
Հիշեցնենք, որ 2024 թվականի հունվարին քրեական վարույթ էր նախաձեռնվել ՀՀ էկոնոմիկայի նախկին նախարար Վահան Քերոբյանի, էկոնոմիկայի նախարարության մի շարք պաշտոնյաների և մասնավոր հատվածի ներկայացուցիչների դեմ։ Խոսքը վերաբերում էր ինտենսիվ այգիների հիմնման ծրագրի իրականացման ընթացքում պետական
միջոցների հափշտակմանը, ինչպես նաև մրցույթներին ընկերությունների մասնակցության համար արհեստական խոչընդոտներ ստեղծելուն։
