https://arm.sputniknews.ru/20241107/hh-kentrvonakan-bankn-aveli-khist-kanvonner-karajarki-bankerum-miandznja-karavarman-dem-82763342.html
ՀՀ կենտրոնական բանկն ավելի խիստ կանոններ կառաջարկի բանկերում միանձնյա կառավարման դեմ
ՀՀ կենտրոնական բանկն ավելի խիստ կանոններ կառաջարկի բանկերում միանձնյա կառավարման դեմ
Sputnik Արմենիա
Կենտրոնական բանկը մտադիր է մեծացնել անկախ մասնագիտական խորհուրդների դերը բանկերում, ինչպես նաև ուժեղացնել վերահսկողության ներքին մեխանիզմները։ 07.11.2024, Sputnik Արմենիա
2024-11-07T12:53+0400
2024-11-07T12:53+0400
2024-11-07T12:55+0400
հայաստան
կենտրոնական բանկ (կբ)
բանկ
մարտին գալստյան
https://cdn.am.sputniknews.ru/img/07e5/06/0f/27934328_0:0:1600:901_1920x0_80_0_0_bd13542e221ce5a4a52d52b70c1558e0.jpg
ԵՐԵՎԱՆ, 7 նոյեմբերի – Sputnik. ՀՀ կենտրոնական բանկը բանկերում կորպորատիվ կառավարման ավելի խիստ կանոններ կառաջարկի։ Կենտրոնական բանկի նախագահ Մարտին Գալստյանն այդ մասին հայտարարեց «Տարածաշրջանային խնդիրներն ու հնարավորությունները եվրոպական բանկերի հետ համագործակցության մեջ» համաժողովի բացման ժամանակ։Նրա խոսքով` դա անհրաժեշտ է միջազգային ֆինանսների այսօրվա բարդ աշխարհում լրացուցիչ կայունություն ապահովելու համար։ Բանկերը գնալով ավելի մեծ խնդիրների առաջ են կանգնում, որոնք արագ արձագանք են պահանջում: Դրանք լուծելու համար վերջին երեք տարիների ընթացքում Հայաստանի բանկային համակարգը գրեթե կրկնապատկել է միջազգային ֆինանսական կարգավորումների համապատասխանության (compliance) մասնագետների թիվը։Կենտրոնական բանկն իր հերթին ցանկանում է բանկերի համար ստեղծել անվտանգության լրացուցիչ բարձիկներ, այդ իսկ պատճառով վերջերս նրանց համար բարձրացրել է այսպես կոչված հակացիկլային կապիտալի բուֆերը 1,5%-ից մինչև 1,75%։ Այս բուֆերը լրացնում է բանկի ընդհանուր կապիտալի հիմնական նորմատիվը, համաձայն որի` այն պետք է կազմի ակտիվների (ներառյալ վարկերը) առնվազն 11%-ը: Այսպիսով, փաստորեն այդ նորմատիվն աճում է մինչև կապիտալի 12,75%։ Բանկային համակարգում այն իրականում շատ ավելի բարձր է՝ մոտ 20%, ինչն էլ հանդիսանում է դրա կայունության կարևոր ցուցանիշը։ԿԲ–ի մեկ այլ կարևոր ուղղություն է բանկերում բնապահպանական, սոցիալական և կորպորատիվ պատասխանատվության չափանիշների բարձրացումը: Այս պահանջները կզետեղվեն ԿԲ–ի նոր ռազմավարության մեջ, որը կհրապարակվի շուտով։Վարկերի նկատմամբ հսկայական պահանջարկ կա. ՀՀ ԿԲ նախագահը` տոկոսադրույքը չիջեցնելու մասին
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կենտրոնական բանկ (կբ), բանկ, մարտին գալստյան
հայաստան, կենտրոնական բանկ (կբ), բանկ, մարտին գալստյան
ՀՀ կենտրոնական բանկն ավելի խիստ կանոններ կառաջարկի բանկերում միանձնյա կառավարման դեմ
12:53 07.11.2024 (Թարմացված է: 12:55 07.11.2024) Կենտրոնական բանկը մտադիր է մեծացնել անկախ մասնագիտական խորհուրդների դերը բանկերում, ինչպես նաև ուժեղացնել վերահսկողության ներքին մեխանիզմները։
ԵՐԵՎԱՆ, 7 նոյեմբերի – Sputnik. ՀՀ կենտրոնական բանկը բանկերում կորպորատիվ կառավարման ավելի խիստ կանոններ կառաջարկի։ Կենտրոնական բանկի նախագահ Մարտին Գալստյանն այդ մասին հայտարարեց «Տարածաշրջանային խնդիրներն ու հնարավորությունները եվրոպական բանկերի հետ համագործակցության մեջ» համաժողովի բացման ժամանակ։
«Մենք ցանկանում ենք կատարելագործել բանկերի կորպորատիվ կառավարման չափանիշները, բարձրացնել նրանց անկախ մասնագիտական խորհուրդների դերը, ինչպես նաև ամրապնդել որոշումներ կայացնելիս վերահսկողության և հավասարակշռության ներքին մեխանիզմները»,- ասաց Գալստյանը։
Նրա խոսքով` դա անհրաժեշտ է միջազգային ֆինանսների այսօրվա բարդ աշխարհում լրացուցիչ կայունություն ապահովելու համար։ Բանկերը գնալով ավելի մեծ խնդիրների առաջ են կանգնում, որոնք արագ արձագանք են պահանջում: Դրանք լուծելու համար վերջին երեք տարիների ընթացքում Հայաստանի բանկային համակարգը գրեթե կրկնապատկել է միջազգային ֆինանսական կարգավորումների համապատասխանության (compliance) մասնագետների թիվը։
Կենտրոնական բանկն իր հերթին ցանկանում է բանկերի համար ստեղծել անվտանգության լրացուցիչ բարձիկներ, այդ իսկ պատճառով վերջերս նրանց համար բարձրացրել է այսպես կոչված հակացիկլային կապիտալի բուֆերը 1,5%-ից մինչև 1,75%։ Այս բուֆերը լրացնում է բանկի ընդհանուր կապիտալի հիմնական նորմատիվը, համաձայն որի` այն պետք է կազմի ակտիվների (ներառյալ վարկերը) առնվազն 11%-ը: Այսպիսով, փաստորեն այդ նորմատիվն աճում է մինչև կապիտալի 12,75%։ Բանկային համակարգում այն իրականում շատ ավելի բարձր է՝ մոտ 20%, ինչն էլ հանդիսանում է դրա կայունության կարևոր ցուցանիշը։
ԿԲ–ի մեկ այլ կարևոր ուղղություն է բանկերում բնապահպանական, սոցիալական և կորպորատիվ պատասխանատվության չափանիշների բարձրացումը: Այս պահանջները կզետեղվեն ԿԲ–ի նոր ռազմավարության մեջ, որը կհրապարակվի շուտով։
