https://arm.sputniknews.ru/20241104/maqur-sadranq-divanagety-hajastani-masin-zurabishvilii-skandalajin-hraparakman-masin-82681663.html
Ակնհայտ սադրանք. դիվանագետը՝ Հայաստանի մասին Զուրաբիշվիլիի սկանդալային հրապարակման մասին
Ակնհայտ սադրանք. դիվանագետը՝ Հայաստանի մասին Զուրաբիշվիլիի սկանդալային հրապարակման մասին
Sputnik Արմենիա
Սալոմե Զուրաբիշվիլին իր անձնական էջում տարածել է տեղի տուրիստական ընկերության գովազդային նյութը, որտեղ Հայաստանի հյուսիսային շրջաններն անվանվում են «պատմական... 04.11.2024, Sputnik Արմենիա
2024-11-04T19:52+0400
2024-11-04T19:52+0400
2024-11-05T08:47+0400
սալոմե զուրաբիշվիլի
հայաստան
վրաստանի հանրապետություն
հայաստան–վրաստան համագործակցություն
մշակույթ
սկանդալ
վարդան հակոբյան
https://cdn.am.sputniknews.ru/img/1767/66/17676637_0:0:1467:825_1920x0_80_0_0_90d09662cc274b27e122cae212f52db1.jpg
ԵՐԵՎԱՆ, 4 նոյեմբերի - Sputnik. Վրաստանի նախագահ Սալոմե Զուրաբիշվիլին ակնհայտ սադրանքի է դիմել՝ սոցիալական ցանցերի իր էջում «վերահրապարակելով» վրացական տուրիստական ընկերության գովազդային նյութը, որտեղ Հայաստանի հյուսիսային որոշ շրջաններ (մասնավորապես Լոռու մարզում գտնվող) նշված են որպես «պատմական Վրաստան»: Այս մասին Sputnik Արմենիային ասաց հայ-վրացական սահմանի սահմանազատման և սահմանագծման հանձնաժողովի նախկին անդամ, Սանկտ Պետերբուրգում Հայաստանի նախկին հյուպատոս Վարդան Հակոբյանը։Փորձագետը մի կողմից տարակուսանք հայտնեց Զուրաբիշվիլիի արարքի կապակցությամբ՝ նկատի առնելով, որ երբեք սահմանազատման բանակցություններում Լոռու տարածքի պատկանելությունը որևէ մեկի կողմից կասկածի տակ չի դրվել: Իհարկե, քննարկումներ եղան մի քանի կիլոմետրի կապակցությամբ, թե որ հատվածով պետք է անցկացնել սահմանագիծը, ինչպես չխախտել հայ կամ վրացի ֆերմերների շահերը։ Բայց հասկանալի է՝ խոսք չէր գնում այն մասին, թե, օրինակ, ում է պատկանում Սանահինի վանական համալիրը։Դատախազությունը Զուրաբիշվիլիին կանչել է հարցաքննության «հայկական կարուսելի» պատճառովՆրա խոսքով՝ չի բացառվում, որ Զուրաբիշվիլիին նման սադրանքի են դրդել նրա արևմտյան քաղաքական խորհրդականները, օրինակ՝ Վրաստանը Հայաստանի հետ գժտեցնելու նպատակով` հատկապես հաշվի առնելով վրացական գործող իշխանության նկատմամբ Արևմուտքի վերաբերմունքը: Ներկայում Արևմուտքը, ըստ էության, ցանկանում է ապակայունացնել Հարավային Կովկասը և տարածաշրջանի երկրների միջև սրել հարաբերությունները։ Բայց նաև հնարավոր է, որ Զուրաբիշվիլին այդօրինակ արարքով նպատակ ունի տեղի ազգայնականների շրջանում վաստակել քաղաքական միավորներ։Մյուս կողմից, Զուրաբիշվիլիի այդ պահվածքը Հակոբյանը բացատրում է նրա ծագմամբ։ Զուրաբիշվիլիի նախնիները վրացի մենշևիկներ են, որոնք 1918-1920 թթ. տարածքային պահանջներ են ունեցել Հայաստանի Հանրապետության նկատմամբ։ Եվ գուցե նախագահի «էքսպանսիոնիստական» տրամադրվածությունը պայմանավորված է հենց այդ փաստով։ Բայց այս համատեքստում պատմությանը դիմելը չափազանց անշնորհակալ գործ է։ Հայաստանն ու Վրաստանը հարաբերությունների հարուստ պատմություն են անցել՝ լի ամենատարբեր դրվագներով։Որոշակի ժամանակահատվածներում` ինչպես, օրինակ, Դավիթ Շինարարի օրոք, վրաց իշխանների իշխանությունը տարածվում էր նաև Հայաստանի ներկայիս տարածքների վրա, բայց եղել են նաև ժամանակաշրջաններ, երբ Վրաստանն ինքը գտնվում էր հայոց թագավորների իշխանության ներքո։ Եվ այս ամենին քաղաքական երանգ հաղորդելու փորձերը մաքուր սադրանք են թվում։Վրաստանի նախագահը չի պատրաստվում ցուցմունք տալ. Նա պատասխանել է դատախազությանըՄիևնույն ժամանակ, Հակոբյանը չի կարծում, որ Հայաստանի իշխանությունները պետք է ինչ-որ կերպ արձագանքեն Զուրաբիշվիլիի սադրանքին՝ հաշվի առնելով, որ, այնուամենայնիվ, խոսքը ոչ թե պաշտոնական հայտարարության, այլ անձնական օգտահաշվում գովազդի կարգի նյութի հրապարակման մասին է։ Բայց լավ կլիներ փորձագետների, վերլուծաբանների մակարդակով անդրադառնալ այս թեմային։ Թերևս սա տարածքային նկրտումների յուրատեսակ թաքնված ակնարկ է, ինչով տեղեկատվական հող է նախապատրաստվում ավելի լուրջ քննարկումների համար:Նշենք, որ սա վերջին շրջանում Զուրաբիշվիլիի առաջին սկանդալային քայլը չէ կապված հայկական թեմատիկայի հետ: Հոկտեմբերի 26-ին Վրաստանում կայացած խորհրդարանական ընտրություններից հետո Զուրաբիշվիլին մեղադրեց գործող կառավարությանն ընտրությունների արդյունքները կեղծելու մեջ և հայտարարեց, որ գործի է դրվել, այսպես կոչված, «հայկական կարուսելը»: Վրաստանի կենտրոնական ընտրական հանձնաժողովն այդ մեղադրանքներն անվանեց կեղծ և երկրի ընտրական համակարգը վարկաբեկելու նպատակ հետապնդող։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սալոմե զուրաբիշվիլի, հայաստան, վրաստանի հանրապետություն, հայաստան–վրաստան համագործակցություն, մշակույթ , սկանդալ, վարդան հակոբյան
սալոմե զուրաբիշվիլի, հայաստան, վրաստանի հանրապետություն, հայաստան–վրաստան համագործակցություն, մշակույթ , սկանդալ, վարդան հակոբյան
Ակնհայտ սադրանք. դիվանագետը՝ Հայաստանի մասին Զուրաբիշվիլիի սկանդալային հրապարակման մասին
19:52 04.11.2024 (Թարմացված է: 08:47 05.11.2024) Սալոմե Զուրաբիշվիլին իր անձնական էջում տարածել է տեղի տուրիստական ընկերության գովազդային նյութը, որտեղ Հայաստանի հյուսիսային շրջաններն անվանվում են «պատմական Վրաստան»:
ԵՐԵՎԱՆ, 4 նոյեմբերի - Sputnik. Վրաստանի նախագահ Սալոմե Զուրաբիշվիլին ակնհայտ սադրանքի է դիմել՝ սոցիալական ցանցերի իր էջում «վերահրապարակելով» վրացական տուրիստական ընկերության գովազդային նյութը, որտեղ Հայաստանի հյուսիսային որոշ շրջաններ (մասնավորապես Լոռու մարզում գտնվող) նշված են որպես «պատմական Վրաստան»: Այս մասին
Sputnik Արմենիային ասաց հայ-վրացական սահմանի սահմանազատման և սահմանագծման հանձնաժողովի նախկին անդամ, Սանկտ Պետերբուրգում Հայաստանի նախկին հյուպատոս Վարդան Հակոբյանը։
Փորձագետը մի կողմից տարակուսանք հայտնեց Զուրաբիշվիլիի արարքի կապակցությամբ՝ նկատի առնելով, որ երբեք սահմանազատման բանակցություններում Լոռու տարածքի պատկանելությունը որևէ մեկի կողմից կասկածի տակ չի դրվել: Իհարկե, քննարկումներ եղան մի քանի կիլոմետրի կապակցությամբ, թե որ հատվածով պետք է անցկացնել սահմանագիծը, ինչպես չխախտել հայ կամ վրացի ֆերմերների շահերը։ Բայց հասկանալի է՝ խոսք չէր գնում այն մասին, թե, օրինակ, ում է պատկանում Սանահինի վանական համալիրը։
Նրա խոսքով՝ չի բացառվում, որ Զուրաբիշվիլիին նման սադրանքի են դրդել նրա արևմտյան քաղաքական խորհրդականները, օրինակ՝ Վրաստանը Հայաստանի հետ գժտեցնելու նպատակով` հատկապես հաշվի առնելով վրացական գործող իշխանության նկատմամբ Արևմուտքի վերաբերմունքը: Ներկայում Արևմուտքը, ըստ էության, ցանկանում է ապակայունացնել Հարավային Կովկասը և տարածաշրջանի երկրների միջև սրել հարաբերությունները։
Բայց նաև հնարավոր է, որ Զուրաբիշվիլին այդօրինակ արարքով նպատակ ունի տեղի ազգայնականների շրջանում վաստակել քաղաքական միավորներ։
Մյուս կողմից, Զուրաբիշվիլիի այդ պահվածքը Հակոբյանը բացատրում է նրա ծագմամբ։ Զուրաբիշվիլիի նախնիները վրացի մենշևիկներ են, որոնք 1918-1920 թթ. տարածքային պահանջներ են ունեցել Հայաստանի Հանրապետության նկատմամբ։ Եվ գուցե նախագահի «էքսպանսիոնիստական» տրամադրվածությունը պայմանավորված է հենց այդ փաստով։ Բայց այս համատեքստում պատմությանը դիմելը չափազանց անշնորհակալ գործ է։ Հայաստանն ու Վրաստանը հարաբերությունների հարուստ պատմություն են անցել՝ լի ամենատարբեր դրվագներով։
Որոշակի ժամանակահատվածներում` ինչպես, օրինակ, Դավիթ Շինարարի օրոք, վրաց իշխանների իշխանությունը տարածվում էր նաև Հայաստանի ներկայիս տարածքների վրա, բայց եղել են նաև ժամանակաշրջաններ, երբ Վրաստանն ինքը գտնվում էր հայոց թագավորների իշխանության ներքո։ Եվ այս ամենին քաղաքական երանգ հաղորդելու փորձերը մաքուր սադրանք են թվում։
Միևնույն ժամանակ, Հակոբյանը չի կարծում, որ Հայաստանի իշխանությունները պետք է ինչ-որ կերպ արձագանքեն Զուրաբիշվիլիի սադրանքին՝ հաշվի առնելով, որ, այնուամենայնիվ, խոսքը ոչ թե պաշտոնական հայտարարության, այլ անձնական օգտահաշվում գովազդի կարգի նյութի հրապարակման մասին է։ Բայց լավ կլիներ փորձագետների, վերլուծաբանների մակարդակով անդրադառնալ այս թեմային։ Թերևս սա տարածքային նկրտումների յուրատեսակ թաքնված ակնարկ է, ինչով տեղեկատվական հող է նախապատրաստվում ավելի լուրջ քննարկումների համար:
Նշենք, որ սա վերջին շրջանում Զուրաբիշվիլիի առաջին սկանդալային քայլը չէ կապված հայկական թեմատիկայի հետ: Հոկտեմբերի 26-ին Վրաստանում կայացած խորհրդարանական ընտրություններից հետո Զուրաբիշվիլին մեղադրեց գործող կառավարությանն ընտրությունների արդյունքները կեղծելու մեջ և
հայտարարեց, որ գործի է դրվել, այսպես կոչված, «հայկական կարուսելը»: Վրաստանի
կենտրոնական ընտրական հանձնաժողովն այդ մեղադրանքներն անվանեց կեղծ և երկրի ընտրական համակարգը վարկաբեկելու նպատակ հետապնդող։
