https://arm.sputniknews.ru/20241103/futbvolajin-4-akumbner-ajakcutjun-en-hajtnel-hff-nakhagah-armen-meliqbekjanin-82635035.html
Ֆուտբոլային 4 ակումբներ աջակցություն են հայտնել ՀՖՖ նախագահ Արմեն Մելիքբեկյանին
Ֆուտբոլային 4 ակումբներ աջակցություն են հայտնել ՀՖՖ նախագահ Արմեն Մելիքբեկյանին
Sputnik Արմենիա
Երեկ ֆուտբոլային ակումբների հանդիպման ժամանակ երկրպագուները պաստառներով խաղադաշտ են դուրս եկել՝ պահանջելով ՀՖՖ նախագահի հրաժարականը։ 03.11.2024, Sputnik Արմենիա
2024-11-03T12:02+0400
2024-11-03T12:02+0400
2024-11-03T13:06+0400
արմեն մելիքբեկյան
ֆուտբոլ
հայաստանի ֆուտբոլի ֆեդերացիա
https://cdn.am.sputniknews.ru/img/07e6/0a/0b/49601845_0:0:1600:901_1920x0_80_0_0_e2ea153422b5a917595c36695700dec0.jpg
ԵՐԵՎԱՆ, 3 նոյեմբերի – Sputnik. Ֆուտբոլային 4 ակումբներ՝ «Արարատ», «Ալաշկերտ», «Սյունիք» և «Վեստ Արմենիա», իրենց լիակատար աջակցությունն են հայտնել ՀՖՖ նախագահ Արմեն Մելիքբեկյանին։ Ակումբներն իրենց ֆեյսբուքյան պաշտոնական էջերում հայտարարություններ են տարածել՝ ի պաշտպանություն Մելիքբեկյանի։ Նրանք նշել են, որ 2023 թ. դեկտեմբերին կայացած ընտրություններում իրենք սատարել են ՀՖՖ գործող նախագահին և քվեարկել նրա օգտին:Ակումբները նշում են, որ իրենք ևս բավարարված չեն ինչպես ազգային, այնպես էլ տարբեր տարիքային հավաքականների գրանցած արդյունքներից, սակայն միևնույն ժամանակ տեսնում են այն աշխատանքները, որոնք ՀՖՖ-ն ձեռնարկում է ենթակառուցվածքների բարելավման հարցում։«Ալաշկերտ» ակումբն, օրինակ, կարծում է, որ ստեղծված իրավիճակի համար պատասխանատու է ոչ միայն և ոչ այնքան ֆեդերացիան, այլև հենց նույն ակումբները, որոնք հավաքականներին «պատշաճ քանակի և որակի ֆուտբոլիստներ մատակարարելու փոխարեն անդադար զբաղված են ֆեդերացիայի ղեկավարությանը և նրանց գործունեությանը որակումներ տալով»։ «Նոա»-«Ուրարտու» հանդիպմանը երկրպագուները մտել են դաշտ և պահանջել ՀՖՖ ղեկավարի հրաժարականըՀիշեցնենք, որ ՀՖՖ նախագահի հրաժարականն են պահանջում «Փյունիկ», «Ուրարտու» ու «Շիրակ» ակումբները, FAF, Red Eagles ֆան-ակումբները։Հոկտեմբերի 31-ին՝ «Վեստ Արմենիա» - «Ալաշկերտ», նոյեմբերի 1-ին՝ «Նոա»-«Ուրարտու» և նոյեմբերի 2-ին «Արարատ»-«Փյունիկ» ֆուտբոլային հանդիպումների ժամանակ երկրպագուներն ակցիա են արել` խաղաղադաշտ ներխուժելով ՀՖՖ նախագահ Արմեն Մելիքբեկյանի հրաժարականի պահանջով։Հոկտեմբերի 13-ին Հայաստանի հավաքականը սեփական հարկի տակ 0։2 հաշվով պարտվեց Հյուսիսային Մակեդոնիայի ընտրանուն և գործնականում զրկվեց C լիգայի չորրորդ խմբում առաջին տեղի համար պայքարելու հնարավորությունից։ Խաղից անմիջապես հետո հայտնի դարձավ, որ թիմի գլխավոր մարզիչ Ալեքսանդր Պետրակովը պաշտոնանկ է արվել, իսկ երկրպագուները հավաքվեցին ՀՖՖ շենքի մոտ՝ պահանջելով հանդիպում ֆուտբոլի ֆեդերացիայի նախագահ Արմեն Մելիքբեկյանի հետ։ Ավելի ուշ երկրպագուները սկսեցին պահանջել Մելիքբեկյանի հրաժարականը։ՀՖՖ նախագահն էլ իր հերթին հայտարարել է, որ չի պատրաստվում հրաժարական տալ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմեն մելիքբեկյան, ֆուտբոլ, հայաստանի ֆուտբոլի ֆեդերացիա
արմեն մելիքբեկյան, ֆուտբոլ, հայաստանի ֆուտբոլի ֆեդերացիա
Ֆուտբոլային 4 ակումբներ աջակցություն են հայտնել ՀՖՖ նախագահ Արմեն Մելիքբեկյանին
12:02 03.11.2024 (Թարմացված է: 13:06 03.11.2024) Երեկ ֆուտբոլային ակումբների հանդիպման ժամանակ երկրպագուները պաստառներով խաղադաշտ են դուրս եկել՝ պահանջելով ՀՖՖ նախագահի հրաժարականը։
ԵՐԵՎԱՆ, 3 նոյեմբերի – Sputnik. Ֆուտբոլային 4 ակումբներ՝ «Արարատ», «Ալաշկերտ», «Սյունիք» և «Վեստ Արմենիա», իրենց լիակատար աջակցությունն են հայտնել ՀՖՖ նախագահ Արմեն Մելիքբեկյանին։ Ակումբներն իրենց ֆեյսբուքյան պաշտոնական էջերում հայտարարություններ են տարածել՝ ի պաշտպանություն Մելիքբեկյանի։ Նրանք նշել են, որ 2023 թ. դեկտեմբերին կայացած ընտրություններում իրենք սատարել են ՀՖՖ գործող նախագահին և քվեարկել նրա օգտին:
«Հայկական ֆուտբոլը միայն Պրեմիեր Լիգայի 2-3 ակումբները չեն, որոնք չեն ընտրել Արմեն Մելիքբեկյանին և որոնք ցանկացած առիթ օգտագործում են՝ պարզապես հիշեցնելու իրենց գոյության մասին: Հայկական ֆուտբոլը միայն ազգային հավաքականը չէ, այլև մանկապատանեկան ֆուտբոլն է, կանանց ֆուտբոլը, ֆուտզալը, մասսայական ֆուտբոլը և նշված բնագավառների հետ կապ ունեցող բոլոր անդամները, որոնք ընտրել են Արմեն Մելիքբեկյանին և կազմում են հայկական ֆուտբոլային ընտանիքի անբաժան մասը»,- նշված է «Ալաշկերտ» ակումբի հայտարարության մեջ։
Ակումբները նշում են, որ իրենք ևս բավարարված չեն ինչպես ազգային, այնպես էլ տարբեր տարիքային հավաքականների գրանցած արդյունքներից, սակայն միևնույն ժամանակ տեսնում են այն աշխատանքները, որոնք ՀՖՖ-ն ձեռնարկում է ենթակառուցվածքների բարելավման հարցում։
«Ալաշկերտ» ակումբն, օրինակ, կարծում է, որ ստեղծված իրավիճակի համար պատասխանատու է ոչ միայն և ոչ այնքան ֆեդերացիան, այլև հենց նույն ակումբները, որոնք հավաքականներին «պատշաճ քանակի և որակի ֆուտբոլիստներ մատակարարելու փոխարեն անդադար զբաղված են ֆեդերացիայի ղեկավարությանը և նրանց գործունեությանը որակումներ տալով»։
Հիշեցնենք, որ ՀՖՖ նախագահի հրաժարականն են պահանջում «Փյունիկ», «Ուրարտու» ու «Շիրակ» ակումբները, FAF, Red Eagles ֆան-ակումբները։
Հոկտեմբերի 31-ին՝ «Վեստ Արմենիա» - «Ալաշկերտ», նոյեմբերի 1-ին՝ «Նոա»-«Ուրարտու» և նոյեմբերի 2-ին «Արարատ»-«Փյունիկ» ֆուտբոլային հանդիպումների ժամանակ երկրպագուներն ակցիա են արել` խաղաղադաշտ ներխուժելով ՀՖՖ նախագահ Արմեն Մելիքբեկյանի հրաժարականի պահանջով։
Հոկտեմբերի 13-ին Հայաստանի հավաքականը սեփական հարկի տակ 0։2 հաշվով պարտվեց Հյուսիսային Մակեդոնիայի ընտրանուն և գործնականում զրկվեց C լիգայի չորրորդ խմբում առաջին տեղի համար պայքարելու հնարավորությունից։ Խաղից անմիջապես հետո հայտնի դարձավ, որ թիմի գլխավոր մարզիչ Ալեքսանդր Պետրակովը
պաշտոնանկ է արվել, իսկ երկրպագուները հավաքվեցին ՀՖՖ շենքի մոտ՝ պահանջելով հանդիպում ֆուտբոլի ֆեդերացիայի նախագահ Արմեն Մելիքբեկյանի հետ։ Ավելի ուշ երկրպագուները սկսեցին պահանջել Մելիքբեկյանի
հրաժարականը։
ՀՖՖ նախագահն էլ իր հերթին հայտարարել է, որ չի պատրաստվում հրաժարական տալ։
