https://arm.sputniknews.ru/20241101/khardakhutjan-nvor-mekhanizm-hhum-arajarkum-en-bardzr-pvokharzheq-ev-gumari-het-anhetanum-82579712.html
Խարդախության նոր մեխանիզմ ՀՀ–ում. առաջարկում են բարձր փոխարժեք և գումարի հետ անհետանում
Խարդախության նոր մեխանիզմ ՀՀ–ում. առաջարկում են բարձր փոխարժեք և գումարի հետ անհետանում
Sputnik Արմենիա
Խաբեության զոհ են դարձել ոչ միայն գումարը փոխանակել ցանկացող մարդիկ, այլև տաքսի ծառայությունների վարորդները։ 01.11.2024, Sputnik Արմենիա
2024-11-01T12:57+0400
2024-11-01T12:57+0400
2024-11-01T12:58+0400
հայաստան
տարադրամի փոխարժեք
խաբեություն
հհ քննչական կոմիտե
https://cdn.am.sputniknews.ru/img/07e6/09/0d/48124992_0:104:1001:667_1920x0_80_0_0_1db4aab8f5161205c560efb9a79b39d3.jpg
ԵՐԵՎԱՆ, 1 նոյեմբերի – Sputnik. Հայաստանում խարդախության նոր սխեմա է տարածվել, որից տուժած անձանց պատճառվել է ընդհանուր 65.000 դոլարի և շուրջ 11.000.000 ռուբլու վնաս: Այս մասին ահազանգում է ՀՀ քննչական կոմիտեի մամուլի ծառայությունը։Նախաձեռնվել են մեկ տասնյակից ավելի քրեական վարույթներ՝ տարադրամի բարձր շահութաբերությամբ փոխանակման պատրվակով խարդախությամբ տարբեր չափերի գումարներ հափշտակելու դեպքերի առթիվ։ՔԿ-ն ներկայացրել է հանցավոր մեխանիզմը։ Ինքնությունը չպարզված անձը/անձինք սոցցանցերում տեղադրում են գովազդներ` ՀՀ կենտրոնական բանկի սահմանած փոխարժեքից անհամեմատ բարձր փոխարժեքով տարադրամի փոխանակման վերաբերյալ։ Հետադարձ կապի միջոց հիմնականում նշում են WhatsApp-ի և Telegram-ի արտասահմանյան հեռախոսահամարներ, որոնք, ըստ էության, ՀՀ կապի օպերատորների կողմից չեն հսկվում և չունեն որևէ անձի անունով գրանցում:Քաղաքացիները գայթակղվում են շահավետ առաջարկով և կապ հաստատում այդ անձանց հետ։ Պայմանավորվում են հանդիպել «Ռիո մոլ» առևտրի կենտրոնի ավտոկայանատեղիում։ Պատճառաբանում են, որ զբաղված են և անձամբ չեն կարող գալ, իրենց փոխարեն մտերիմը կմոտենա՝ քաղաքացիներին խնդրելով գումարը փոխանցել նրան։ Նշում եմ. որ նա կփոխանակի տարադրամն ու փոխանակված գումարը կվերադարձնի:Այդ ընթացքում հանցագործը կապ է հաստատում էլեկտրոնային հարթակներում և հավելվածներում տաքսի ծառայություն մատուցող անձանց կամ օրավարձով աշխատող վարորդների, նրանց նույնպես մոլորության մեջ գցում՝ առաջարկելով անհամեմատ բարձր ուղեվարձ։ Վարորդին ուղղորդում են նույնպես մոտենալ «Ռիո մոլի» ավտոկայանատեղի՝ իբրև թե իր հյուրերին այնտեղից Երևանի որևէ հյուրանոց, հետո «Զվարթնոց» օդանավակայան տեղափոխելու նպատակով: Տարադրամ փոխանակել ցանկացող և իրենց ծուղակն ընկած քաղաքացիներին խնդրում են մոտենալ կայանված այդ ավտոմեքենային՝ նշելով ավտոմեքենայի մակնիշը, հաշվառման համարանիշը, վարորդի անունը՝ որպես իր փոխարինող մտերիմի:Երբ տուժող քաղաքացին մոտենում է վարորդին, հանցավորը կապ է հաստատում նրա հետ՝ խնդրելով մինչև հյուրին նշված վայրեր տեղափոխելը վերցնել համապատասխան գումարը, ներս մտնել առևտրի կենտրոն և գումարը փոխանցել իր կողմից մատնանշած անձին: Քանի որ քաղաքացին էլ այդ ընթացքում սպասում է մեքենայի մեջ, չի կասկածում խաբեության մասին։ Այն, որ խարդախության զոհ են, պարզ է դառնում միայն նրանից հետո, երբ վարորդը դատարկաձեռն վերադառնում է առևտրի կենտրոնից։Պարզվել է, որ առևտրի կենտրոնում գումարը վերցնող մարդիկ ևս խաբեության զոհ են, նրանք ևս չիմանալով գումարը փոխանցել են Երևանի տարբեր վայրերում իրենց սպասող անձանց։ Ընդ որում` հանդիպումներն այնպիսի վայրերում են եղել, որտեղ չեն եղել տեսանկարահանող սարքեր։ՀՀ քննչական կոմիտեն քաղաքացիներին հորդորում է քաղաքացիներին զգոն լինել և օգտվել միայն պետական արտոնագիր ունեցող փոխանակման կետերից կամ բանկային ծառայություններից։Խարդախության նոր սցենար․ հիմա էլ բանկերի անունից առաջարկում են կարծիք հայտնել
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, տարադրամի փոխարժեք, խաբեություն, հհ քննչական կոմիտե
հայաստան, տարադրամի փոխարժեք, խաբեություն, հհ քննչական կոմիտե
Խարդախության նոր մեխանիզմ ՀՀ–ում. առաջարկում են բարձր փոխարժեք և գումարի հետ անհետանում
12:57 01.11.2024 (Թարմացված է: 12:58 01.11.2024) Խաբեության զոհ են դարձել ոչ միայն գումարը փոխանակել ցանկացող մարդիկ, այլև տաքսի ծառայությունների վարորդները։
ԵՐԵՎԱՆ, 1 նոյեմբերի – Sputnik. Հայաստանում խարդախության նոր սխեմա է տարածվել, որից տուժած անձանց պատճառվել է ընդհանուր 65.000 դոլարի և շուրջ 11.000.000 ռուբլու վնաս: Այս մասին ահազանգում է
ՀՀ քննչական կոմիտեի մամուլի ծառայությունը։
Նախաձեռնվել են մեկ տասնյակից ավելի քրեական վարույթներ՝ տարադրամի բարձր շահութաբերությամբ փոխանակման պատրվակով խարդախությամբ տարբեր չափերի գումարներ հափշտակելու դեպքերի առթիվ։
ՔԿ-ն ներկայացրել է հանցավոր մեխանիզմը։ Ինքնությունը չպարզված անձը/անձինք սոցցանցերում տեղադրում են գովազդներ` ՀՀ կենտրոնական բանկի սահմանած փոխարժեքից անհամեմատ բարձր փոխարժեքով տարադրամի փոխանակման վերաբերյալ։ Հետադարձ կապի միջոց հիմնականում նշում են WhatsApp-ի և Telegram-ի արտասահմանյան հեռախոսահամարներ, որոնք, ըստ էության, ՀՀ կապի օպերատորների կողմից չեն հսկվում և չունեն որևէ անձի անունով գրանցում:
Քաղաքացիները գայթակղվում են շահավետ առաջարկով և կապ հաստատում այդ անձանց հետ։ Պայմանավորվում են հանդիպել «Ռիո մոլ» առևտրի կենտրոնի ավտոկայանատեղիում։ Պատճառաբանում են, որ զբաղված են և անձամբ չեն կարող գալ, իրենց փոխարեն մտերիմը կմոտենա՝ քաղաքացիներին խնդրելով գումարը փոխանցել նրան։ Նշում եմ. որ նա կփոխանակի տարադրամն ու փոխանակված գումարը կվերադարձնի:
Այդ ընթացքում հանցագործը կապ է հաստատում էլեկտրոնային հարթակներում և հավելվածներում տաքսի ծառայություն մատուցող անձանց կամ օրավարձով աշխատող վարորդների, նրանց նույնպես մոլորության մեջ գցում՝ առաջարկելով անհամեմատ բարձր ուղեվարձ։ Վարորդին ուղղորդում են նույնպես մոտենալ «Ռիո մոլի» ավտոկայանատեղի՝ իբրև թե իր հյուրերին այնտեղից Երևանի որևէ հյուրանոց, հետո «Զվարթնոց» օդանավակայան տեղափոխելու նպատակով: Տարադրամ փոխանակել ցանկացող և իրենց ծուղակն ընկած քաղաքացիներին խնդրում են մոտենալ կայանված այդ ավտոմեքենային՝ նշելով ավտոմեքենայի մակնիշը, հաշվառման համարանիշը, վարորդի անունը՝ որպես իր փոխարինող մտերիմի:
Երբ տուժող քաղաքացին մոտենում է վարորդին, հանցավորը կապ է հաստատում նրա հետ՝ խնդրելով մինչև հյուրին նշված վայրեր տեղափոխելը վերցնել համապատասխան գումարը, ներս մտնել առևտրի կենտրոն և գումարը փոխանցել իր կողմից մատնանշած անձին: Քանի որ քաղաքացին էլ այդ ընթացքում սպասում է մեքենայի մեջ, չի կասկածում խաբեության մասին։ Այն, որ խարդախության զոհ են, պարզ է դառնում միայն նրանից հետո, երբ վարորդը դատարկաձեռն վերադառնում է առևտրի կենտրոնից։
Պարզվել է, որ առևտրի կենտրոնում գումարը վերցնող մարդիկ ևս խաբեության զոհ են, նրանք ևս չիմանալով գումարը փոխանցել են Երևանի տարբեր վայրերում իրենց սպասող անձանց։ Ընդ որում` հանդիպումներն այնպիսի վայրերում են եղել, որտեղ չեն եղել տեսանկարահանող սարքեր։
ՀՀ քննչական կոմիտեն քաղաքացիներին հորդորում է քաղաքացիներին զգոն լինել և օգտվել միայն պետական արտոնագիր ունեցող փոխանակման կետերից կամ բանկային ծառայություններից։
