Իսրայելի բանակն ավիահարվածներ է հասցրել Սիրիայի տարածքին
17:39 31.10.2024 (Թարմացված է: 17:50 31.10.2024)
Հալեպ. արխիվային լուսանկար
© AP Photo / Hassan Ammar
Բաժանորդագրվել
Իսրայելցի զինվորականները պնդում են, որ վերջին ամիսներին ՑԱԽԱԼ-ը հարվածներ է հասցնում՝ նպատակ ունենալով կանխել Սիրիայի տարածքով դեպի Լիբանան իրանական զենքի մաքսանենգ տեղափոխումը:
ԵՐԵՎԱՆ, 31 հոկտեմբերի – Sputnik. Իսրայելի ռազմական օդուժի ինքնաթիռները հարվածներ են հասցրել Սիրիայի Հոմս նահանգի Քուսեյր քաղաքի արդյունաբերական գոտուն և մի քանի բնակելի տների։ Տեղեկությունը հայտնում է սիրիական պետական ՍԱՆԱ գործակալությունը:
Իսրայելի պաշտպանության բանակը (ՑԱԽԱԼ) իր հերթին հայտնում է, որ ավիահարվածներ է հասցրել Սիրիայում «Հզբոլլահ» շարժման զինամթերքի պահեստներին և հրամանատարական կենտրոններին: Ըստ ՑԱԽԱԼ-ի` վերջին շրջանում «Հզբոլլահը» սկսել է զինամթերք պահեստավորել նաև Լիբանանին սահմանակից Էլ-Քուսեյր քաղաքի շրջանում:
«Որոշ ժամանակ առաջ ռազմաօդային ուժերի կործանիչները, հիմնվելով հետախուզության տվյալների վրա, գրոհել են Սիրիայի Էլ-Քուսեյր շրջանում գտնվող «Ռադվան» ուժերի և «Հզբոլլահ» ահաբեկչական կառույցի կողմից օգտագործվող զինամթերքի պահեստներն ու շտաբները»,- ասված է հաղորդագրության մեջ:
The @IDF has conducted a large-scale bombing on Qusseir, southwest of Homs, marking the first strike in this area.#syria #qusseir #israel #airstrikes #idf #war #iran #proxies #middleeast #palestine #hamas #lebanon #hezbollah #hostages #neveragain pic.twitter.com/c8JYQJ0mYL
— Proud Zionists 🎗️ (@proudzionists) October 31, 2024
Հիշեցնենք` Իսրայելը սեպտեմբերի վերջից ոչնչացնում է «Հզբոլլահի» ենթակառուցվածքները Լիբանանի հարավում և Բեյրութում։ ՑԱԽԱԼ-ը նաև հայտարարել է Լիբանանի հարավային սահմանամերձ շրջանում «Հզբոլլահի» օբյեկտների դեմ ցամաքային սահմանափակ գործողություններ սկսելու մասին: «Հզբոլլահն» իր հերթին ամեն օր հրթիռակոծում է Իսրայելի տարածքը։
