https://arm.sputniknews.ru/20241031/dilijani-56amja-bnakichy-hrkizel-e-harevani-avtvotnakn-u-vnasel-avtvomeqenan-82564221.html
Դիլիջանի 56–ամյա բնակիչը պայթեցրել է հարևանի ավտոտնակն ու վնասել ավտոմեքենան
Դիլիջանի 56–ամյա բնակիչը պայթեցրել է հարևանի ավտոտնակն ու վնասել ավտոմեքենան
Sputnik Արմենիա
Դիլիջան համայնքի բնակիչները հողային վեճի պատճառով երկար տարիներ գտնվել են անբարյացակամ հարաբերությունների մեջ։ 31.10.2024, Sputnik Արմենիա
2024-10-31T20:54+0400
2024-10-31T20:54+0400
2024-10-31T21:10+0400
հայաստան
դիլիջան
հհ քննչական կոմիտե
հարևան
ավտոտնակ
տեսանյութ
տեսանյութեր
https://cdn.am.sputniknews.ru/img/07e8/0a/1f/82562708_0:18:1265:730_1920x0_80_0_0_762a3f663714dadce2c3bbe0b716e065.jpg
Տավուշի մարզի Դիլիջան համայնքի 56-ամյա բնակիչը պայթեցրել է հարևանի ավտոտնակն ու վնասել ավտոմեքենան, նրան մեղադրանք է առաջադրվել։ Տեղեկությունը հայտնում է ՀՀ քննչական կոմիտեն։Դեպքը տեղի է ունեցել հոկտեմբերի 30-ին՝ ժամը 04։30-ին։ Քննիչները պարզել են, որ 56–ամյա բնակիչը պայթուցիկ նյութը տեղադրել է հարևանին պատկանող ավտոտնակի փոսակում և պայթեցրել այն` քաղաքացուն պատճառելով խոշոր չափերի՝ 4.500.000 դրամի վնաս: Վնասվել է ոչ միայն ավտոտնակը, այլև այնտեղ կայանված «ՎԱԶ 21010» մակնիշի ավտոմեքենան։Քննությամբ ձեռք բերված փաստական տվյալներով պարզվել է նաև, որ Դիլիջան համայնքի բնակիչները հողային վեճի պատճառով երկար տարիներ գտնվել են անբարյացակամ հարաբերությունների մեջ, որի ընթացքում նրանցից մեկը՝ 56–ամյա տղամարդը, ավտոտնակը պայթեցնելու սպառնալիքներ է հնչեցրել:Ձեռք բերված բավարար փաստերի հիման վրա 56–ամյա տղամարդուն մեղադրանք է ներկայացվել ՀՀ քրեական օրենսգրքի 264-րդ հոդվածի 2-րդ մասի 2-րդ կետով (հրկիզման, պայթյունի կամ հանրավտանգ այլ եղանակով գույքը ոչնչացնելը կամ վնասելը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)Նրա նկատմամբ կալանքը որպես խափանման միջոց կիրառելու միջնորդություն է ներկայացվել դատարան։Նախաքննությունը շարունակվում է:
դիլիջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դիլիջան, հհ քննչական կոմիտե, հարևան, ավտոտնակ, տեսանյութ, տեսանյութեր, видео
հայաստան, դիլիջան, հհ քննչական կոմիտե, հարևան, ավտոտնակ, տեսանյութ, տեսանյութեր, видео
Դիլիջանի 56–ամյա բնակիչը պայթեցրել է հարևանի ավտոտնակն ու վնասել ավտոմեքենան
20:54 31.10.2024 (Թարմացված է: 21:10 31.10.2024) Դիլիջան համայնքի բնակիչները հողային վեճի պատճառով երկար տարիներ գտնվել են անբարյացակամ հարաբերությունների մեջ։
Տավուշի մարզի Դիլիջան համայնքի 56-ամյա բնակիչը պայթեցրել է հարևանի ավտոտնակն ու վնասել ավտոմեքենան, նրան մեղադրանք է առաջադրվել։ Տեղեկությունը հայտնում է
ՀՀ քննչական կոմիտեն։
Դեպքը տեղի է ունեցել հոկտեմբերի 30-ին՝ ժամը 04։30-ին։ Քննիչները պարզել են, որ 56–ամյա բնակիչը պայթուցիկ նյութը տեղադրել է հարևանին պատկանող ավտոտնակի փոսակում և պայթեցրել այն` քաղաքացուն պատճառելով խոշոր չափերի՝ 4.500.000 դրամի վնաս: Վնասվել է ոչ միայն ավտոտնակը, այլև այնտեղ կայանված «ՎԱԶ 21010» մակնիշի ավտոմեքենան։
Քննությամբ ձեռք բերված փաստական տվյալներով պարզվել է նաև, որ Դիլիջան համայնքի բնակիչները հողային վեճի պատճառով երկար տարիներ գտնվել են անբարյացակամ հարաբերությունների մեջ, որի ընթացքում նրանցից մեկը՝ 56–ամյա տղամարդը, ավտոտնակը պայթեցնելու սպառնալիքներ է հնչեցրել:
«Դրանից բացի, վերջինս բռնություն է գործադրել հարևանի նկատմամբ։ Թեև այդ առնչությամբ քրեադատավարական համապատասխան ընթացակարգով նրանք հաշտվել են, բայց անբարյացակամ հարաբերությունները շարունակվել են հողային վեճի հետ կապված դատական գործընթացի պատճառով»,– նշվում է ՔԿ մամուլի ծառայության հաղորդագրությունում։
Ձեռք բերված բավարար փաստերի հիման վրա 56–ամյա տղամարդուն մեղադրանք է ներկայացվել ՀՀ քրեական օրենսգրքի 264-րդ հոդվածի 2-րդ մասի 2-րդ կետով (հրկիզման, պայթյունի կամ հանրավտանգ այլ եղանակով գույքը ոչնչացնելը կամ վնասելը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)
Նրա նկատմամբ կալանքը որպես խափանման միջոց կիրառելու միջնորդություն է ներկայացվել դատարան։
Նախաքննությունը շարունակվում է:
