https://arm.sputniknews.ru/20241028/hajastany-chi-kvoghmnvorvoshvel-chvor-navahangsti-zhamketneri-harcum-um-het-e-banakcum-erevany-82309742.html
Հայաստանը չի կողմնորոշվել «չոր նավահանգստի» ժամկետների հարցում. ում հետ է բանակցում Երևանը
Հայաստանը չի կողմնորոշվել «չոր նավահանգստի» ժամկետների հարցում. ում հետ է բանակցում Երևանը
Sputnik Արմենիա
Այս նախագիծն ազատ տնտեսական գործունեության գոտում առևտրի զարգացման համար կդառնա օպտիմալ լուծում։ 28.10.2024, Sputnik Արմենիա
2024-10-28T08:55+0400
2024-10-28T08:55+0400
2024-10-28T13:17+0400
չոր նավահանգիստ
գյումրի
հայաստան
https://cdn.am.sputniknews.ru/img/07e8/0a/1c/82388697_0:322:3067:2047_1920x0_80_0_0_1bc62512033d853646654ecd2035cdfa.jpg
ԵՐԵՎԱՆ, 28 հոկտեմբերի - Sputnik. Հայաստանը դեռևս չի կողմնորոշվել Գյումրիում «չոր նավահանգստի» և արդյունաբերական հանգույցի կառուցման նախագծի իրականացման ժամկետների հարցում։ Երևանը միջազգային ընկերությունների շրջանում շարունակում է օպերատորի որոնումները։ Այս մասին Sputnik Արմենիայի գրավոր հարցմանն ի պատասխան տեղեկացրել է ՀՀ էկոնոմիկայի նախարարությունը։2023 թվականի դեկտեմբերին հայտնի դարձավ, որ «չոր նավահանգստի» տեխնիկատնտեսական հիմնավորումն (ՏՏՀ) արդեն պատրաստվել է միջազգային հոլանդական MTBS խորհրդատվական ընկերության կողմից։ 2024 թվականի երկրորդ կեսին պետք է սկսվեին շինարարական աշխատանքները։Գերատեսչությունում պարզաբանել են, որ նախագծի իրականացման համար Երևանն ակտիվ բանակցություններ է վարում մի շարք միջազգային ընկերությունների և կազմակերպությունների հետ՝ ներդրումներ ներգրավելու և օպերատոր ընտրելու նպատակով: Պոտենցիալ գործընկերների թվում են Ասիական զարգացման բանկը, ինչպես նաև Մերձավոր Արևելքի երկրներում (ԱՄԷ, Իրաք և Կատար) նմանատիպ նախագծերի իրականացմամբ զբաղվող կառույցները:Նախարարությունը նշում է, որ նախագծում հնարավոր փոփոխությունները կարող են կապված լինել դրա իրականացման ժամկետների հետ: Այս բոլոր հարցերը քննարկման փուլում են։ Ծրագրի իրականացումը կնպաստի տնտեսության աճին, նոր աշխատատեղերի ստեղծմանը, ինչպես նաև արտահանման ծավալների ընդլայնմանը:Հիշեցնենք, որ նախագծով նախատեսվում է Գյումրիում լոգիստիկ կենտրոնի, արդյունաբերական գոտու և պահեստների հետ ազատ առևտրի գոտու ստեղծում: Դա թույլ կտա ապրանքներ և բեռներ տեղափոխել ցանկացած ուղղությամբ՝ օգտագործելով ինչպես օդային, այնպես էլ երկաթուղային տրանսպորտը: Գյումրու «չոր նավահանգստի» օպերատորը կարող է ընտրվել 2024 թվականի վերջին. Քերոբյան«Չոր նավահանգստի» հասկացությունը հատկապես արդիական է դեպի ծով ելք չունեցող երկրների համար, ինչպիսին Հայաստանն է։ «Չոր նավահանգիստը» ֆունկցիոնալ առումով ոչնչով չի տարբերվում ծովայինից, բացառությամբ այն բանի, որ նավերի փոխարեն օգտագործվում են վագոններ, երկաթուղիներ և բեռնատարներ։ Ազատ տնտեսական գործունեության գոտում նախագիծը կդառնա առևտրի զարգացման համար օպտիմալ լուծում։Գյումրին ընտրվել է իր զարգացած ենթակառուցվածքների և ավտոմոբիլային, օդային և երկաթուղային կապն ապահովելու հնարավորությունների շնորհիվ: Քաղաքը սահմանակից է Թուրքիային ու Վրաստանին և կարող է կապ ապահովել Ռուսաստանի և Եվրոպայի երկրների հետ Սև ծովի նավահանգիստների միջոցով։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
չոր նավահանգիստ, գյումրի, հայաստան
չոր նավահանգիստ, գյումրի, հայաստան
Հայաստանը չի կողմնորոշվել «չոր նավահանգստի» ժամկետների հարցում. ում հետ է բանակցում Երևանը
08:55 28.10.2024 (Թարմացված է: 13:17 28.10.2024) Այս նախագիծն ազատ տնտեսական գործունեության գոտում առևտրի զարգացման համար կդառնա օպտիմալ լուծում։
ԵՐԵՎԱՆ, 28 հոկտեմբերի - Sputnik. Հայաստանը դեռևս չի կողմնորոշվել Գյումրիում «չոր նավահանգստի» և արդյունաբերական հանգույցի կառուցման նախագծի իրականացման ժամկետների հարցում։ Երևանը միջազգային ընկերությունների շրջանում շարունակում է օպերատորի որոնումները։ Այս մասին
Sputnik Արմենիայի գրավոր հարցմանն ի պատասխան տեղեկացրել է ՀՀ էկոնոմիկայի նախարարությունը։
2023 թվականի դեկտեմբերին հայտնի դարձավ, որ «չոր նավահանգստի» տեխնիկատնտեսական հիմնավորումն (ՏՏՀ) արդեն պատրաստվել է միջազգային հոլանդական MTBS խորհրդատվական ընկերության կողմից։ 2024 թվականի երկրորդ կեսին պետք է սկսվեին շինարարական աշխատանքները։
Գերատեսչությունում պարզաբանել են, որ նախագծի իրականացման համար Երևանն ակտիվ բանակցություններ է վարում մի շարք միջազգային ընկերությունների և կազմակերպությունների հետ՝ ներդրումներ ներգրավելու և օպերատոր ընտրելու նպատակով: Պոտենցիալ գործընկերների թվում են Ասիական զարգացման բանկը, ինչպես նաև Մերձավոր Արևելքի երկրներում (ԱՄԷ, Իրաք և Կատար) նմանատիպ նախագծերի իրականացմամբ զբաղվող կառույցները:
«Բացի ՏՏՀ-ից, մշակվել է նախագծի իրականացման ճանապարհային քարտեզ, շարունակվում են նաև բանակցությունները», - ասված է գերատեսչության պատասխանում:
Նախարարությունը նշում է, որ նախագծում հնարավոր փոփոխությունները կարող են կապված լինել դրա իրականացման ժամկետների հետ: Այս բոլոր հարցերը քննարկման փուլում են։ Ծրագրի իրականացումը կնպաստի տնտեսության աճին, նոր աշխատատեղերի ստեղծմանը, ինչպես նաև արտահանման ծավալների ընդլայնմանը:
Հիշեցնենք, որ նախագծով նախատեսվում է Գյումրիում լոգիստիկ կենտրոնի, արդյունաբերական գոտու և պահեստների հետ ազատ առևտրի գոտու ստեղծում: Դա թույլ կտա ապրանքներ և բեռներ տեղափոխել ցանկացած ուղղությամբ՝ օգտագործելով ինչպես օդային, այնպես էլ երկաթուղային տրանսպորտը:
«Չոր նավահանգստի» հասկացությունը հատկապես արդիական է դեպի ծով ելք չունեցող երկրների համար, ինչպիսին Հայաստանն է։ «Չոր նավահանգիստը» ֆունկցիոնալ առումով ոչնչով չի տարբերվում ծովայինից, բացառությամբ այն բանի, որ նավերի փոխարեն օգտագործվում են վագոններ, երկաթուղիներ և բեռնատարներ։ Ազատ տնտեսական գործունեության գոտում նախագիծը կդառնա առևտրի զարգացման համար օպտիմալ լուծում։
Գյումրին ընտրվել է իր զարգացած ենթակառուցվածքների և ավտոմոբիլային, օդային և երկաթուղային կապն ապահովելու հնարավորությունների շնորհիվ: Քաղաքը սահմանակից է Թուրքիային ու Վրաստանին և կարող է կապ ապահովել Ռուսաստանի և Եվրոպայի երկրների հետ Սև ծովի նավահանգիստների միջոցով։
