https://arm.sputniknews.ru/20241028/erevani-bnakichy-mtel-e-hh-nakhararutjunneri-shenq-kvotrel-pahakaketi-mvonitvory-manramasner-82389694.html
Երևանի բնակիչը մտել է ՀՀ նախարարությունների շենք, կոտրել պահակակետի մոնիտորը. մանրամասներ
Երևանի բնակիչը մտել է ՀՀ նախարարությունների շենք, կոտրել պահակակետի մոնիտորը. մանրամասներ
Sputnik Արմենիա
Ոստիկանության բաժին տեղափոխելու ճանապարհին քաղաքացին բղավել է, որ բենզատար մեքենայով եկել է Հանրապետության հրապարակ, որպեսզի այն պայթեցնի։ 28.10.2024, Sputnik Արմենիա
2024-10-28T13:44+0400
2024-10-28T13:44+0400
2024-10-28T13:49+0400
հայաստան
նախարարություն
հհ քննչական կոմիտե
գույք
ոստիկան
https://cdn.am.sputniknews.ru/img/2149/13/21491389_0:0:1600:901_1920x0_80_0_0_e5efa3606f523686a31f2dda958d95d9.jpg
ԵՐԵՎԱՆ, 28 հոկտեմբերի – Sputnik․ ՀՀ նախարարությունների շենքում ագրեսիվ վարքագիծ դրսևորած քաղաքացին ձերբակալվել է գույք վնասելու և խուլիգանություն կատարելու կասկածանքով։ Տեղեկությունը հայտնում է ՀՀ քննչական կոմիտեն։Նշվում է, որ հոկտեմբերի 26-ի երեկոյան նա բենզատարով մտել է Հանրապետության հրապարակ, կայանել այն ու փախուստի դիմել, այնուհետև մուտք է գործել ՀՀ նախարարությունների շենք, պահանջել հանդիպում ՀՀ արտգործնախարարի հետ։Ոստիկաններին հաջողվել է վնասազերծել նշված անձին։ Իսկ ոստիկանության բաժին գնալու ճանապարհին քաղաքացին բղավել է, որ բենզատար մեքենայով եկել է Հանրապետության հրապարակ, որպեսզի այն պայթեցնի։Նույն օրը ոստիկանությունը հաղորդում է ստացել, որ անհայտ քաղաքացին Երևան-Սևան մայրուղում գտնվող բենզալցակայանից առևանգել է անհայտ մակնիշի բենզատար և հեռացել անհայտ ուղղությամբ: Վարույթն իրականացնող մարմնի կողմից միջոցներ են ձեռնարկվում Երևան-Սևան ավտոճանապարհին գտնվող բենզալցակայանից բենզատար մեքենան առևանգելու հանգամանքները, դրան ձերբակալված անձի առնչությունը և դեպքի համար նշանակություն ունեցող այլ հանգամանքներ պարզելու ուղղությամբ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևան բոլոլա հրապարակ նախարարություն
երևան բոլոլա հրապարակ նախարարություն
Երևանի բնակիչը մտել է ՀՀ նախարարությունների շենք, կոտրել պահակակետի մոնիտորը. մանրամասներ
13:44 28.10.2024 (Թարմացված է: 13:49 28.10.2024) Ոստիկանության բաժին տեղափոխելու ճանապարհին քաղաքացին բղավել է, որ բենզատար մեքենայով եկել է Հանրապետության հրապարակ, որպեսզի այն պայթեցնի։
ԵՐԵՎԱՆ, 28 հոկտեմբերի – Sputnik․ ՀՀ նախարարությունների շենքում ագրեսիվ վարքագիծ դրսևորած քաղաքացին ձերբակալվել է գույք վնասելու և խուլիգանություն կատարելու կասկածանքով։ Տեղեկությունը հայտնում է
ՀՀ քննչական կոմիտեն։
Նշվում է, որ հոկտեմբերի 26-ի երեկոյան նա բենզատարով մտել է Հանրապետության հրապարակ, կայանել այն ու փախուստի դիմել, այնուհետև մուտք է գործել ՀՀ նախարարությունների շենք, պահանջել հանդիպում ՀՀ արտգործնախարարի հետ։
«Ծառայություն իրականացնող ոստիկանի և նշված անձի միջև առաջացել է վիճաբանություն։ Տեսնելով, որ նշված անձը ոչ ադեկվատ և ագրեսիվ պահվածք է դրսևորում՝ ոստիկանը դուրս է հանել իրեն ամրակցված ծառայողական ատրճանակը, որից հետո տղամարդը հեռացել է, ապա մուտք գործել արդեն դիմացի մասնաշենքի ընդունարան, որտեղ չենթարկվելով ոստիկանության ծառայողի՝ հեռանալու վերաբերյալ պահանջին, բռունցքով հարվածել և կոտրել է պահակակետի մոնիտորը, ապա աստիճաններով բարձրացել վերև, գետնին է գցել պատին փակցված նկարները, պոկել ծրարների համար նախատեսված արկղերը, տեղադրման վայրից պոկել և տեղաշարժել է կավե արձանիկը»,– նշվում է հաղորդագրությունում։
Ոստիկաններին հաջողվել է վնասազերծել նշված անձին։ Իսկ ոստիկանության բաժին գնալու ճանապարհին քաղաքացին բղավել է, որ բենզատար մեքենայով եկել է Հանրապետության հրապարակ, որպեսզի այն պայթեցնի։
Նույն օրը ոստիկանությունը հաղորդում է ստացել, որ անհայտ քաղաքացին Երևան-Սևան մայրուղում գտնվող բենզալցակայանից առևանգել է անհայտ մակնիշի բենզատար և հեռացել անհայտ ուղղությամբ: Վարույթն իրականացնող մարմնի կողմից միջոցներ են ձեռնարկվում Երևան-Սևան ավտոճանապարհին գտնվող բենզալցակայանից բենզատար մեքենան առևանգելու հանգամանքները, դրան ձերբակալված անձի առնչությունը և դեպքի համար նշանակություն ունեցող այլ հանգամանքներ պարզելու ուղղությամբ։
