https://arm.sputniknews.ru/20241028/hraparakvel-e-1000-khvoshvor-harkatuneri-canky-arajin-teghum-krkin-zpmkn-e-82383613.html

Հրապարակվել է 1000 խոշոր հարկատուների ցանկը. առաջին տեղում կրկին ԶՊՄԿ–ն է

Հրապարակվել է 1000 խոշոր հարկատուների ցանկը. առաջին տեղում կրկին ԶՊՄԿ–ն է

Sputnik Արմենիա

2024 թվականի հունվար-սեպտեմբեր ամիսների ընթացքում 1000 խոշոր հարկ վճարողների կողմից վճարված գումարները կազմել են ավելի քան 1 տրիլիոն 323 միլիարդ 205 միլիոն... 28.10.2024, Sputnik Արմենիա

2024-10-28T11:43+0400

2024-10-28T11:43+0400

2024-10-28T18:13+0400

պետական եկամուտների կոմիտե (պեկ)

հարկեր

խոշոր հարկատու

«զանգեզուրի պղնձամոլիբդենային կոմբինատ»

ինֆոգրաֆիկա

https://cdn.am.sputniknews.ru/img/07e8/0a/1c/82385375_0:54:1411:848_1920x0_80_0_0_4d79b1dd1fba5456dd2ea8bdd3d3c1c3.png

ԵՐԵՎԱՆ, 28 հոկտեմբերի – Sputnik. 2024 թ. երրորդ եռամսյակում Հայաստանի 1000 խոշոր հարկատուների ցանկը կրկին գլխավորում է Զանգեզուրի պղնձամոլիբդենային կոմբինատը, որից մուտքերը կազմել են ավելի քան 83 մլրդ դրամ։ Տեղեկությունը հայտնում է ՀՀ պետական եկամուտների կոմիտեն, որն ամփոփել է 2024 թ. հունվար-սեպտեմբեր ժամանակահատվածը։2024 թվականի երկրորդ եռամսյակի ընթացքում նույնպես ԶՊՄԿ–ն առաջին հորիզոնականում էր ավելի քան 64 մլրդ դրամ հարկային մուտքով։Խոշոր հարկատուների ցանկում երկրորդ տեղում է «Մոբայլ Սենթր Արթը»` ավելի քան 49 մլրդ դրամ մուտքով։ Այս ընկերությունը 2024 թ.–ի երկրորդ եռամսյակում կրկին երկրորդ հորիզոնականում էր` ավելի քան 32 մլրդ հարկային մուտքով։Ցանկի երրորդ տեղում «Գրանդ Տոբակո» ընկերությունն է` ավելի քան 39 մլրդ դրամի հարկային մուտքով։ 2024 թ.–ի երկրորդ եռամսյակում ընկերությունը խոշոր հարկատուների ցանկում 4–րդ հորիզոնականում էր` ավելի քան 23 մլրդ դրամ մուտքով։Խոշոր հարկատուների ցանկում չորրորդ հորիզոնականում «Գազպրոմ Արմենիա» ընկերությունն է` ավելի քան 36 մլրդ դրամի հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում երրորդ հորիզոնականում էր` ավելի քան 27 մլրդ դրամով։Ցանկի հինգերերդ տեղում «Փրիթի Ուեյ» ընկերությունն է` ավելի քան 27 մլրդ դրամի հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում կրկին հինգերորդ հորիզոնականում էր` ավելի քան 17 մլրդ դրամ հարկային մուտքով։Խոշոր հարկատուների ցանկի վեցերորդ տեղում «Ամերիաբանկ» ընկերությունն է` ավելի քան 20 մլրդ հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում կրկին վեցերորդ հորիզոնականում էր` ավելի քան 17 մլրդ դրամ հարկային մուտքով։Ցանկի յոթերորդ տեղում «Սի Փի Էս Էներջի Գրուպ» ընկերությունն է` ավելի քան 17 մլրդ հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում ութերորդ հորիզոնականում էր` ավելի քան 9 մլրդ դրամ հարկային մուտքով։Ցանկի ութերորդ տեղում «Ֆիլիպ Մորրիս Արմենիա» ընկերությունն է` ավելի քան 14 մլրդ դրամի հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում տասնչորսերորդ հորիզոնականում էր` ավելի քան 8 մլրդ դրամ հարկային մուտքով։Իններորդ հորիզոնականում «Վիվա Արմենիա» ընկերությունն է` ավելի քան 14 մլրդ հարկային մուտքով։ 2024 թ. երկրորդ եռամսյակում ընկերությունը խոշոր հարկատուների ցանկում յոթերորդ հորիզոնականում էր` ավելի քան 10 մլրդ դրամ հարկային մուտքով։ՊԵԿ–ից նշում են, որ 2024 թվականի հունվար-սեպտեմբեր ամիսների ընթացքում 1000 խոշոր հարկ վճարողների կողմից վճարված գումարները կազմել են ավելի քան 1 տրիլիոն 323 միլիարդ 205 միլիոն դրամ։ Հարկային մարմին կատարված վճարումների գումարը կազմել է ավելի քան 1 տրիլիոն 95 միլիարդ 131 միլիոն դրամ, իսկ մաքսային մարմին կատարված վճարումների գումարը՝ ավելի քան 228 միլիարդ 74 միլիոն դրամ։Հիշեցնենք, որ ՀՀ խոշոր հարկատուների` 2023 թ. հունվար–դեկտեմբեր ամիսների ցանկը կրկին գլխավորում էր Զանգեզուրի պղնձամոլիբդենային կոմբինատը (70.9 մլրդ դրամ հարկ)։

2024

Լուրեր

am_HY

պետական եկամուտների կոմիտե (պեկ), հարկեր, խոշոր հարկատու, «զանգեզուրի պղնձամոլիբդենային կոմբինատ», ինֆոգրաֆիկա, инфографика