https://arm.sputniknews.ru/20241028/hajastan-ajcelvogh-zbvosashrjikneri-tivy-9-amsum-nvazel-e-69-tvokvosvov-finnakh-82383460.html
Հայաստան այցելող զբոսաշրջիկների թիվը 9 ամսում նվազել է 6,9 տոկոսով․ ֆիննախ
Հայաստան այցելող զբոսաշրջիկների թիվը 9 ամսում նվազել է 6,9 տոկոսով․ ֆիննախ
Sputnik Արմենիա
ՌԴ-ից ՀՀ այցելած զբոսաշրջիկների թիվը նվազել է 21,6 տոկոսով։ 28.10.2024, Sputnik Արմենիա
2024-10-28T11:32+0400
2024-10-28T11:32+0400
2024-10-28T15:00+0400
հայաստան
զբոսաշրջիկ
զբոսաշրջություն
վահե հովհաննիսյան
https://cdn.am.sputniknews.ru/img/1584/09/15840941_0:28:1601:928_1920x0_80_0_0_bccd6fa8e7269fe591b47c16621102b5.jpg
ԵՐԵՎԱՆ, 28 հոկտեմբերի – Sputnik․ Ընթացիկ տարվա հունվար-սեպտեմբերին ՀՀ այցելած զբոսաշրջիկների թիվը նվազել է 6,9 տոկոսով։ Այսօր Ազգային ժողովում 2025 թվականի պետական բյուջեի նախագիծը հանձնաժողովներում ներկայացնելիս այս մասին հայտնեց ՀՀ ֆինանսների նախարար Վահե Հովհաննիսյանը։Նրա խոսքով՝ թեպետ ՌԴ-ից զբոսաշրջիկների թիվը նվազել է, բայց 8,4 տոկոսով ավելացել է այլ երկրներից ժամանողների թիվը, մասնավորապես՝ Իրանից, Վրաստանից, Չինաստանից և Հնդկաստանից։Հունվար–սեպտեմբեր ժամանակահատվածում գրանցվել է ապրանքների արտահանման 2,1 անգամ աճ, սակայն հայկական ապրանքների արտահանումը (առանց ոսկու) ավելացել է շուրջ 1,4 տոկոսով։ Նախարարի խոսքով՝ բարձր աճը հիմնականում պայմանավորված է ոսկու վերարտահանմամբ։Տարվա առաջին 9 ամիսներին ներմուծման աճը կազմել է 56,5 տոկոս, սակայն առանց վերարտահանման ազդեցության ներմուծումը նվազել է շուրջ 5,2 տոկոսով։«Վերարտահանման ազդեցությունները գնալով փոքրանում են, այսինքն՝ մենք ունեցել ենք նախորդ տարվա վերջում և այս տարվա առաջին կիսամյակում ոսկու վերաարտահանման զգալի աճ, և այս միտումները գնալով իջնում են, և մենք կարծում ենք, որ հաջորդ տարի շարունակելու է իջնել»,- նշեց նախարարը։2025թ․ կապիտալ ծախսերի 55,85%-ն ուղղվելու է պաշտպանության ոլորտին. ՀՀ ֆինանսների նախարարՀովհաննիսյանի խոսքով՝ տարվա առաջին կիսամյակում (նախորդ տարվա նույն ժամանակահատվածի համեմատ) ՏՏ ոլորտում թողարկումը նվազել է, սակայն ոլորտի աշխատավարձերի և աշխատողների թվաքանակի ցուցանիշներում կայունացման միտումներ են նկատվում։ Կառավարությունում հուսով են, որ վերջերս գործադիր մարմնի նիստում ընդունված որոշման և աջակցության ծրագրի շրջանակում կկարողանան հաջորդ տարի ոլորտի նկատելի աճ ապահովել, այդ թվում՝ նոր ներդրումների և զարգացումների շնորհիվ։Հիշեցնենք՝ ՀՀ բարձր տեխնոլոգիական արդյունաբերության նախարարությունը պետական աջակցության նոր գործիքակազմ, հարկային արտոնությունների նոր շրջանակ է առաջարկել տեղեկատվական տեխնոլոգիաների ոլորտի զարգացման համար։ Մինչև 30 հոգանոց ստարտափներին առաջարկվում է եկամտահարկի 100 տոկոսանոց վերադարձ աշխատաշուկա մուտք գործող նոր աշխատակիցների համար։ 31 և ավելի աշխատակից ունեցող ընկերությունների դեպքում կլինի եկամտահարկի 51 տոկոսի վերադարձի հնարավորություն։ 2–րդ ուղղությամբ ԲՏԱ–ն կաջակցի աշխատանքային միգրանտներին։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, զբոսաշրջիկ, զբոսաշրջություն , վահե հովհաննիսյան
հայաստան, զբոսաշրջիկ, զբոսաշրջություն , վահե հովհաննիսյան
Հայաստան այցելող զբոսաշրջիկների թիվը 9 ամսում նվազել է 6,9 տոկոսով․ ֆիննախ
11:32 28.10.2024 (Թարմացված է: 15:00 28.10.2024) ՌԴ-ից ՀՀ այցելած զբոսաշրջիկների թիվը նվազել է 21,6 տոկոսով։
ԵՐԵՎԱՆ, 28 հոկտեմբերի – Sputnik․ Ընթացիկ տարվա հունվար-սեպտեմբերին ՀՀ այցելած զբոսաշրջիկների թիվը նվազել է 6,9 տոկոսով։ Այսօր Ազգային ժողովում 2025 թվականի պետական բյուջեի նախագիծը հանձնաժողովներում ներկայացնելիս այս մասին հայտնեց ՀՀ ֆինանսների նախարար Վահե Հովհաննիսյանը։
«Դա հիմնականում պայմանավորված է ՌԴ-ից զբոսաշրջիկների թվի 21,6 տոկոս նվազմամբ»,– ասաց նախարարը։
Նրա խոսքով՝ թեպետ ՌԴ-ից զբոսաշրջիկների թիվը նվազել է, բայց 8,4 տոկոսով ավելացել է այլ երկրներից ժամանողների թիվը, մասնավորապես՝ Իրանից, Վրաստանից, Չինաստանից և Հնդկաստանից։
Հունվար–սեպտեմբեր ժամանակահատվածում գրանցվել է ապրանքների արտահանման 2,1 անգամ աճ, սակայն հայկական ապրանքների արտահանումը (առանց ոսկու) ավելացել է շուրջ 1,4 տոկոսով։ Նախարարի խոսքով՝ բարձր աճը հիմնականում պայմանավորված է ոսկու վերարտահանմամբ։
Տարվա առաջին 9 ամիսներին ներմուծման աճը կազմել է 56,5 տոկոս, սակայն առանց վերարտահանման ազդեցության ներմուծումը նվազել է շուրջ 5,2 տոկոսով։
«Վերարտահանման ազդեցությունները գնալով փոքրանում են, այսինքն՝ մենք ունեցել ենք նախորդ տարվա վերջում և այս տարվա առաջին կիսամյակում ոսկու վերաարտահանման զգալի աճ, և այս միտումները գնալով իջնում են, և մենք կարծում ենք, որ հաջորդ տարի շարունակելու է իջնել»,- նշեց նախարարը։
Հովհաննիսյանի խոսքով՝ տարվա առաջին կիսամյակում (նախորդ տարվա նույն ժամանակահատվածի համեմատ) ՏՏ ոլորտում թողարկումը նվազել է, սակայն ոլորտի աշխատավարձերի և աշխատողների թվաքանակի ցուցանիշներում կայունացման միտումներ են նկատվում։ Կառավարությունում հուսով են, որ վերջերս գործադիր մարմնի նիստում ընդունված որոշման և աջակցության ծրագրի շրջանակում կկարողանան հաջորդ տարի ոլորտի նկատելի աճ ապահովել, այդ թվում՝ նոր ներդրումների և զարգացումների շնորհիվ։
Հիշեցնենք՝ ՀՀ բարձր տեխնոլոգիական արդյունաբերության նախարարությունը պետական աջակցության նոր գործիքակազմ, հարկային արտոնությունների նոր շրջանակ է
առաջարկել տեղեկատվական տեխնոլոգիաների ոլորտի զարգացման համար։ Մինչև 30 հոգանոց ստարտափներին առաջարկվում է եկամտահարկի 100 տոկոսանոց վերադարձ աշխատաշուկա մուտք գործող նոր աշխատակիցների համար։ 31 և ավելի աշխատակից ունեցող ընկերությունների դեպքում կլինի եկամտահարկի 51 տոկոսի վերադարձի հնարավորություն։ 2–րդ ուղղությամբ ԲՏԱ–ն կաջակցի աշխատանքային միգրանտներին։
