https://arm.sputniknews.ru/20241024/ekamtaharki-shahutaharki-shrjharki-nvor-artvonutjunner-ktrven-tt-volvortin-82229716.html
Եկամտահարկի, շահութահարկի, շրջհարկի նոր արտոնություններ կտրվեն ՏՏ ոլորտին
Եկամտահարկի, շահութահարկի, շրջհարկի նոր արտոնություններ կտրվեն ՏՏ ոլորտին
Sputnik Արմենիա
ՏՏ ընկերության շրջանառության հարկը 5 տոկոսից կիջնի 2 տոկոսի, իսկ շահութահարկը հնարավոր է` ընդհուպ մինչև 50 տոկոսով նվազեցվի։ 24.10.2024, Sputnik Արմենիա
2024-10-24T12:13+0400
2024-10-24T12:13+0400
2024-10-24T12:56+0400
եկամտահարկ
հայաստան
հհ կառավարություն
տտ
արտոնություն
շրջանառության հարկ
https://cdn.am.sputniknews.ru/img/07e8/04/0d/74525227_0:93:3311:1955_1920x0_80_0_0_79f7b6ae79fc6f6a8ce64a1737be2bf0.jpg
ԵՐԵՎԱՆ, 24 հոկտեմբերի – Sputnik. ՀՀ բարձր տեխնոլոգիական արդյունաբերության նախարարությունը պետական աջակցության նոր գործիքակազմ, հարկային արտոնությունների նոր շրջանակ է առաջարկել տեղեկատվական տեխնոլոգիաների ոլորտի զարգացման համար։ Համապատասխան որոշումն ընդունվեց ՀՀ կառավարության այսօրվա նիստի ժամանակ։ՀՀ բարձր տեխնոլոգիական արդյունաբերության նախարար Մխիթար Հայրապետյանը նշեց, որ ՏՏ ոլորտը զարգացնելու և գիտահետազոտական նորարարությունը, ինչպես նաև երկրի ներսում ապրանքներ ստեղծումը խթանելու համար նոր` 7–ամյա փաթեթը 3 հիմնական ուղղություն է ներառում։Առաջին ուղղությամբ նախարարությունը մտադիր է խթանել նոր աշխատակիցների մուտքը տեխնոլոգիական համայնք։31 և ավելի աշխատակից ունեցող ընկերությունների դեպքում կլինի եկամտահարկի 51 տոկոսի վերադարձի հնարավորություն։2–րդ ուղղությամբ ԲՏԱ–ն կաջակցի աշխատանքային միգրանտներին։ Հայրապետյանի խոսքով` մասնագիտական բարձր որակավորում ունեցող այդ մասնագետներին ներքաշելու համար շատ երկրներ իրենց ներքին օրենսդրությունը փոփոխում են։«Այն ընկերությունները, որոնք այս մարդկանց կներգրավեն, եկամտահարկի 50 տոկոսի վերադարձ կունենան` ապահովելով աշխատանքի նոր մշակույթ ՀՀ–ում, ինչպես նաև իրականացնելով տեխնոլոգիական տրանսֆեր»,– ընդգծեց նա։ԲՏԱ աջակցության ծրագրի 3–րդ ուղղությունը վերաբերում է կրթությանը, որով կխրախուսեն ընկերություններին, որպեսզի նրանք իրենց նոր աշխատակիցների համար վերապատրաստման դասընթացներ անցկացնեն։Նրա խոսքով` բոլոր այն ընկերությունները, որոնք կանեն գիտահետազոտական աշխատանքներ, դրանցում ներգրավված աշխատակիցների եկամտահարկը 20 տոկոսից կսահմանվի 10 տոկոս։«ՀՀ–ն ծառայություններ մատուցող երկրից պետք է վերածվի արդյունք ստեղծող և արտահանող, միջազգային շուկաներին առաջարկ անող երկիր»,– հայտարարեց նախարարը։ՀՀ կառավարության այսօրվա որոշմամբ նաև ՏՏ ընկերության շրջանառության հարկը 5 տոկոսից կիջնի 2 տոկոսի, իսկ շահութահարկը հնարավոր է` ընդհուպ մինչև 50 տոկոսով նվազեցվի։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եկամտահարկ, հայաստան, հհ կառավարություն, տտ, արտոնություն, շրջանառության հարկ
եկամտահարկ, հայաստան, հհ կառավարություն, տտ, արտոնություն, շրջանառության հարկ
Եկամտահարկի, շահութահարկի, շրջհարկի նոր արտոնություններ կտրվեն ՏՏ ոլորտին
12:13 24.10.2024 (Թարմացված է: 12:56 24.10.2024) ՏՏ ընկերության շրջանառության հարկը 5 տոկոսից կիջնի 2 տոկոսի, իսկ շահութահարկը հնարավոր է` ընդհուպ մինչև 50 տոկոսով նվազեցվի։
ԵՐԵՎԱՆ, 24 հոկտեմբերի – Sputnik. ՀՀ բարձր տեխնոլոգիական արդյունաբերության նախարարությունը պետական աջակցության նոր գործիքակազմ, հարկային արտոնությունների նոր շրջանակ է առաջարկել տեղեկատվական տեխնոլոգիաների ոլորտի զարգացման համար։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
ՀՀ բարձր տեխնոլոգիական արդյունաբերության նախարար Մխիթար Հայրապետյանը նշեց, որ ՏՏ ոլորտը զարգացնելու և գիտահետազոտական նորարարությունը, ինչպես նաև երկրի ներսում ապրանքներ ստեղծումը խթանելու համար նոր` 7–ամյա փաթեթը 3 հիմնական ուղղություն է ներառում։
Առաջին ուղղությամբ նախարարությունը մտադիր է խթանել նոր աշխատակիցների մուտքը տեխնոլոգիական համայնք։
«Մինչև 30 հոգանոց ստարտափներին առաջարկում ենք եկամտահարկի 100 տոկոսանոց վերադարձ աշխատաշուկա մուտք գործող նոր աշխատակիցների համար։ Այսպիսով խթանում ենք ընկերություններին` ստեղծելու նոր աշխատատեղեր` հիմնականում համագործակցելով բուհերի հետ»,– նշեց նախարարը։
31 և ավելի աշխատակից ունեցող ընկերությունների դեպքում կլինի եկամտահարկի 51 տոկոսի վերադարձի հնարավորություն։
2–րդ ուղղությամբ ԲՏԱ–ն կաջակցի աշխատանքային միգրանտներին։ Հայրապետյանի խոսքով` մասնագիտական բարձր որակավորում ունեցող այդ մասնագետներին ներքաշելու համար շատ երկրներ իրենց ներքին օրենսդրությունը փոփոխում են։
«Այն ընկերությունները, որոնք այս մարդկանց կներգրավեն, եկամտահարկի 50 տոկոսի վերադարձ կունենան` ապահովելով աշխատանքի նոր մշակույթ ՀՀ–ում, ինչպես նաև իրականացնելով տեխնոլոգիական տրանսֆեր»,– ընդգծեց նա։
ԲՏԱ աջակցության ծրագրի 3–րդ ուղղությունը վերաբերում է կրթությանը, որով կխրախուսեն ընկերություններին, որպեսզի նրանք իրենց նոր աշխատակիցների համար վերապատրաստման դասընթացներ անցկացնեն։
«Փոքր ընկերությունների համար մեկ եռամսյակի համար կվերադարձնենք եկամտահարկի 50 տոկոսը, իսկ խոշոր` 31 և ավելի աշխատակից ունեցող ընկերությունների դեպքում` 25 տոկոսը։ Բացի այդ, նախարարությունը կփոխհատուցի ճանապարհային ծախսերի 70 տոկոսը, եթե ՏՏ ընկերությունն իր աշխատակիցներին ուղարկի վերապատրաստման արտերկիր։ Այդ գումարը, սակայն, չի կարող գերազանցել 2 մլն դրամը»,– տեղեկացրեց Հայրապետյանը։
Նրա խոսքով` բոլոր այն ընկերությունները, որոնք կանեն գիտահետազոտական աշխատանքներ, դրանցում ներգրավված աշխատակիցների եկամտահարկը 20 տոկոսից կսահմանվի 10 տոկոս։
«ՀՀ–ն ծառայություններ մատուցող երկրից պետք է վերածվի արդյունք ստեղծող և արտահանող, միջազգային շուկաներին առաջարկ անող երկիր»,– հայտարարեց նախարարը։
ՀՀ կառավարության այսօրվա որոշմամբ նաև ՏՏ ընկերության շրջանառության հարկը 5 տոկոսից կիջնի 2 տոկոսի, իսկ շահութահարկը հնարավոր է` ընդհուպ մինչև 50 տոկոսով նվազեցվի։
