https://arm.sputniknews.ru/20241026/qaghaqakanacvats-shaharkumner-en-qkic-nshel-en-inchu-er-kalanavvorel-martakerti-qaghaqapety-82336293.html

Քաղաքականացված շահարկումներ են. ՔԿ–ից նշել են` ինչու էր կալանավորել Մարտակերտի քաղաքապետը

Քաղաքականացված շահարկումներ են. ՔԿ–ից նշել են` ինչու էր կալանավորել Մարտակերտի քաղաքապետը

Sputnik Արմենիա

Գյուրջյանի նկատմամբ հանրային քրեական հետապնդման դադարեցման համար հիմք է հանդիսացել ՀՀ կառավարության հոկտեմբերի 10–ի որոշումը։ 26.10.2024, Sputnik Արմենիա

2024-10-26T12:16+0400

2024-10-26T12:16+0400

2024-10-26T12:54+0400

միշա գյուրջյան

հհ կառավարություն

արցախ

մարտակերտ

քաղաքապետ

հհ քննչական կոմիտե

պարզաբանում

https://cdn.am.sputniknews.ru/img/07e8/05/19/76225390_0:0:1600:900_1920x0_80_0_0_cc11601982326318ce51557142853d4f.jpg

ԵՐԵՎԱՆ, 26 հոկտեմբերի – Sputnik. Արցախի Հանրապետության Մարտակերտ համայնքի ղեկավար Միշա Գյուրջյանը տնային կալանքից ազատվել է ՀՀ կառավարության կարգավորումների փոփոխությունների արդյունքում։Տեղեկությունը հայտնում է ՀՀ քննչական կոմիտեի մամուլի ծառայությունը։Ավելի վաղ հայտնել էինք, որ Միշա Գյուրջյանը ձերբակալվել էր մայիսին։ Նա մեղադրվում է խարդախությամբ խոշոր չափերով հափշտակության և փաստաթղթեր կեղծելու համար։ Ըստ ՔԿ–ի` նա խմբի հետ փաստաթուղթ է կեղծել և կատարել խոշոր չափերով գույքի հափշտակություն` 1.935.000 դրամ արժողությամբ «CHEVROLET LACETTI-1.4» մակնիշի (2010 թվականի թողարկման) թեթև մարդատար ավտոմեքենա։ՔԿ–ից հայտնում են, որ Գյուրջյանի նկատմամբ հանրային քրեական հետապնդման դադարեցման համար հիմք է հանդիսացել ՀՀ կառավարության` հոկտեմբերի 10–ի որոշումը։ Ըստ այդ որոշման` Լեռնային Ղարաբաղից բռնի տեղահանման արդյունքում ՀՀ տարածքում հայտնված և մասնավոր սեփականություն չհանդիսացող՝ մինչև 2017 թ․ արտադրության ավտոմոբիլների նկատմամբ սեփականության իրավունքի պետական գրանցումը կատարվում է ԼՂ ժամանակավոր պաշտպանության տակ վերցված և նշված տրանսպորտային միջոցները փաստացի տիրապետող կամ օգտագործող անձանց անվամբ։ՔԿ–ից նաև նշում են, որ Գյուրջյանի կողմից ավտոմեքենան իր անվամբ գրանցելու ժամանակահատվածում ներկայացվել են տեղեկանքներ, որոնք իրականությանը չեն համապատասխանել կամ գոյություն չեն ունեցել, և այդ եղանակով այդ ավտոմեքենան անհատույց և ապօրինի դարձրել է իրենը։ՀՀ կառավարության որոշմամբ ստացվում է, որ Գյուրջյանի արարքը չի կարող համարվել հանցանք:Այդ իսկ պատճառով միջնորդություն է ներկայացվել նրա նկատմամբ հանրային քրեական հետապնդումը դադարեցնելու վերաբերյալ, որը բավարարվել է։Հիշեցնենք` Գյուրջյանին մեղադրանք էր ներկայացվել ՀՀ քրեական օրենսգրքի 255-րդ հոդվածի 2-րդ մասի 1-ին և 3-րդ կետերով (խարդախություն) և 457-րդ հոդվածի 2-րդ մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը)։Նրա կալանքը տնային կալանքով փոխարինվել էր հունիսի 27-ին։

մարտակերտ

2024

Լուրեր

am_HY

միշա գյուրջյան, հհ կառավարություն, արցախ, մարտակերտ, քաղաքապետ, հհ քննչական կոմիտե, պարզաբանում