https://arm.sputniknews.ru/20241026/nvorakarujcneri-hamar-hecin-anhrazhesht-en-masnagetneri-nvor-brigadner-vorqan-karzhena-da-82304967.html
Նորակառույցների համար ՀԷՑ–ին անհրաժեշտ են մասնագետների նոր բրիգադներ. որքա՞ն կարժենա դա
Նորակառույցների համար ՀԷՑ–ին անհրաժեշտ են մասնագետների նոր բրիգադներ. որքա՞ն կարժենա դա
Sputnik Արմենիա
Վերջին 7 տարում ցանցին միացել է նախատեսվածից 54 հազարով շատ բաժանորդ: Նորակառույց շենքերի համար անհրաժեշտ են նոր էլեկտրահաղորդման գծեր, ինչը նշանակում է... 26.10.2024, Sputnik Արմենիա
2024-10-26T09:56+0400
2024-10-26T09:56+0400
2024-10-26T09:56+0400
հայաստան
հայաստանի էլեկտրական ցանցեր (հէց)
հանրային ծառայությունները կարգավորող հանձնաժողով (հծկհ)
նորակառույց
էլեկտրաէներգիա
https://cdn.am.sputniknews.ru/img/1337/60/13376048_0:776:1423:1576_1920x0_80_0_0_430baff5f9c4469a08d57f773417a9ca.jpg
ԵՐԵՎԱՆ, 26 հոկտեմբերի – Sputnik. ՀՀ հանրային ծառայությունները կարգավորող հանձնաժողովը «Հայաստանի էլեկտրական ցանցեր» ընկերության հետ կքննարկի տասնյակհազարավոր նոր բաժանորդների սպասարկման նպատակով հավելյալ էլեկտրիկներ հավաքագրելու հարցը: Այս մասին Sputnik Արմենիային ասաց հանձնաժողովի սակագնային քաղաքականության վարչության պետ Աշոտ Ուլիխանյանը։Վերջին 7 տարիների ընթացքում ցանցին միացել է նախատեսվածից 54 հազարով շատ բաժանորդ, քանի որ հանրապետությունում զգալիորեն ավելացել են բնակարանաշինության ծավալները (հարկային արտոնությունների հաշվին):2016 թվականին ՀԾԿՀ-ն «Հայաստանի էլեկտրական ցանցեր» ընկերության հետ քննարկել և հաստատել է սակագնային մեթոդաբանությունը, որով ընկերության ծախսերը պետք է փուլ առ փուլ կրճատվեն: Նաև այդ պատճառով 2016-2021 թվականներին ընկերության նորմատիվային հաստիքը կրճատվել է 1100-ով։ «Նորմատիվային» բառը նշանակում է, որ ընկերությունը կարող է ավելի շատ աշխատողներ պահել, բայց ոչ էլեկտրաէներգիայի սակագնի հաշվին:Ուլիխանյանը պարզաբանեց, որ ընկերության հաստիքները նախատեսվում էր 2025 թվականից կրճատել ևս 280-ով (և հասցնել մոտ 6430-ի)։Քննարկումները, Ուլիխանյանի խոսքով, պետք է ավարտվեն դեկտեմբերի սկզբին, քանի որ տարեվերջին պետք է հաստատվեն էլեկտրաէներգիայի նոր սակագները (որոնք ուժի մեջ կմտնեն 2025 թվականի փետրվարի 1-ից)։Հնարավոր է, որ ՀԷՑ–ը ստիպված չի լինի ավելացնել հաստիքները, քանի որ էլեկտրիկներին կարող են ընդունել այլ բաժիններում կրճատումներ անելու հաշվին։Հավելենք, որ հաստիքների ավելացումը (անգամ եթե դա տեղի ունենա) չպետք է էական ազդեցություն ունենա էլեկտրաէներգիայի սակագնի վրա։ ՀԷՑ–ում միջին աշխատավարձը ամսական 250 հազար դրամ է։ Պայմանական 100 նոր աշխատողի աշխատավարձը կկազմի տարեկան 300 մլն դրամ։ Այդ գումարի ազդեցությունը 1 կիլովատտ/ժամի արժեքի վրա կկազմի ընդամենը մոտ 0,05 դրամ (եթե 300 մլն դրամը բաժանենք մոտ 6 մլրդ 290 մլն կիլովատտ/ժամի, այսինքն՝ «Հայաստանի էլեկտրական ցանցեր» ՓԲԸ–ում 2024-ի կտրվածքով կանխատեսված սպառման ծավալին)։ Ներկայիս ցերեկային սակագինը տնային տնտեսությունների համար կազմում է 46,48-ից մինչև 53,48 դրամ, գիշերային սակագինը՝ 36,48-ից մինչև 43,48 դրամ։Եկամտահարկի, շահութահարկի, շրջհարկի նոր արտոնություններ կտրվեն ՏՏ ոլորտին
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայաստանի էլեկտրական ցանցեր (հէց), հանրային ծառայությունները կարգավորող հանձնաժողով (հծկհ), նորակառույց, էլեկտրաէներգիա
հայաստան, հայաստանի էլեկտրական ցանցեր (հէց), հանրային ծառայությունները կարգավորող հանձնաժողով (հծկհ), նորակառույց, էլեկտրաէներգիա
Նորակառույցների համար ՀԷՑ–ին անհրաժեշտ են մասնագետների նոր բրիգադներ. որքա՞ն կարժենա դա
Վերջին 7 տարում ցանցին միացել է նախատեսվածից 54 հազարով շատ բաժանորդ: Նորակառույց շենքերի համար անհրաժեշտ են նոր էլեկտրահաղորդման գծեր, ինչը նշանակում է էլեկտրիկների լրացուցիչ քանակ:
ԵՐԵՎԱՆ, 26 հոկտեմբերի – Sputnik. ՀՀ հանրային ծառայությունները կարգավորող հանձնաժողովը «Հայաստանի էլեկտրական ցանցեր» ընկերության հետ կքննարկի տասնյակհազարավոր նոր բաժանորդների սպասարկման նպատակով հավելյալ էլեկտրիկներ հավաքագրելու հարցը: Այս մասին
Sputnik Արմենիային ասաց հանձնաժողովի սակագնային քաղաքականության վարչության պետ Աշոտ Ուլիխանյանը։
Վերջին 7 տարիների ընթացքում ցանցին միացել է նախատեսվածից 54 հազարով շատ բաժանորդ, քանի որ հանրապետությունում զգալիորեն ավելացել են բնակարանաշինության ծավալները (հարկային արտոնությունների հաշվին):
2016 թվականին ՀԾԿՀ-ն «Հայաստանի էլեկտրական ցանցեր» ընկերության հետ քննարկել և հաստատել է սակագնային մեթոդաբանությունը, որով ընկերության ծախսերը պետք է փուլ առ փուլ կրճատվեն: Նաև այդ պատճառով 2016-2021 թվականներին ընկերության նորմատիվային հաստիքը կրճատվել է 1100-ով։ «Նորմատիվային» բառը նշանակում է, որ ընկերությունը կարող է ավելի շատ աշխատողներ պահել, բայց ոչ էլեկտրաէներգիայի սակագնի հաշվին:
Ուլիխանյանը պարզաբանեց, որ ընկերության հաստիքները նախատեսվում էր 2025 թվականից կրճատել ևս 280-ով (և հասցնել մոտ 6430-ի)։
Սակայն ՀԾԿՀ-ն խոստովանում է, որ ՀԷՑ–ը դա չի կարող անել օբյեկտիվ պատճառով. նոր շենքերում էլեկտրագծերի սպասարկման համար անհրաժեշտ է լրացուցիչ անձնակազմ: Բայց որպեսզի աշխատավարձերը հնարավոր լինի վճարել սակագների հաշվին, անհրաժեշտ է փոխել 2016 թվականին ընդունված մեթոդաբանությունը։ Այժմ այդ հարցը քննարկվում է ՀԷՑ–ի հետ։
Քննարկումները, Ուլիխանյանի խոսքով, պետք է ավարտվեն դեկտեմբերի սկզբին, քանի որ տարեվերջին պետք է հաստատվեն էլեկտրաէներգիայի նոր սակագները (որոնք ուժի մեջ կմտնեն 2025 թվականի փետրվարի 1-ից)։
Հնարավոր է, որ ՀԷՑ–ը ստիպված չի լինի ավելացնել հաստիքները, քանի որ էլեկտրիկներին կարող են ընդունել այլ բաժիններում կրճատումներ անելու հաշվին։
Հավելենք, որ հաստիքների ավելացումը (անգամ եթե դա տեղի ունենա) չպետք է էական ազդեցություն ունենա էլեկտրաէներգիայի սակագնի վրա։ ՀԷՑ–ում միջին աշխատավարձը ամսական 250 հազար դրամ է։ Պայմանական 100 նոր աշխատողի աշխատավարձը կկազմի տարեկան 300 մլն դրամ։ Այդ գումարի ազդեցությունը 1 կիլովատտ/ժամի արժեքի վրա կկազմի ընդամենը մոտ 0,05 դրամ (եթե 300 մլն դրամը բաժանենք մոտ 6 մլրդ 290 մլն կիլովատտ/ժամի, այսինքն՝ «Հայաստանի էլեկտրական ցանցեր» ՓԲԸ–ում 2024-ի կտրվածքով կանխատեսված սպառման ծավալին)։ Ներկայիս ցերեկային սակագինը տնային տնտեսությունների համար կազմում է 46,48-ից մինչև 53,48 դրամ, գիշերային սակագինը՝ 36,48-ից մինչև 43,48 դրամ։
