https://arm.sputniknews.ru/20241025/voske-dubl-futbvoli-legend-nikita-simvonjanin-nvirvats-spvortajin-drama-e-nkarahanvum-82321559.html

«Ոսկե դուբլ». ֆուտբոլի լեգենդ Նիկիտա Սիմոնյանին նվիրված սպորտային դրամա է նկարահանվում

«Ոսկե դուբլ». ֆուտբոլի լեգենդ Նիկիտա Սիմոնյանին նվիրված սպորտային դրամա է նկարահանվում

Sputnik Արմենիա

Ֆիլմի գլխավոր դերում հանդես է գալիս Եգոր Բերոևը։ Նկարահանման հրապարակում են նաև Սոֆյա Դոնյանցը, Քսենյա Ալֆերովան, Անահիտ Կիրակոսյանը, Բաբկեն Չոբանյանը և այլք։... 25.10.2024, Sputnik Արմենիա

2024-10-25T19:07+0400

2024-10-25T19:07+0400

2024-10-25T19:07+0400

նիկիտա սիմոնյան

ֆիլմ

ֆուտբոլ

մարզիչ

«ոսկե դուբլ» սպորտային դրամա

https://cdn.am.sputniknews.ru/img/07e8/0a/19/82312518_0:160:3072:1888_1920x0_80_0_0_98c9fb9b6c5bd8ebfb65a1b001468b1d.jpg

ԵՐԵՎԱՆ, 25 հոկտեմբերի – Sputnik. Հայաստանում ընթանում են խորհրդային ֆուտբոլի լեգենդ Նիկիտա Սիմոնյանի մարզչական փայլուն կարիերայի նվիրված «Ոսկե դուբլ» սպորտային դրամայի նկարահանումները։ Տեղեկությունը հայտնում է AP Cinema կինոընկերության մամուլի ծառայությունը։Հենց Սիմոնյանի գլխավորությամբ «Արարատ» ֆուտբոլային ակումբը 1973-ին կարողացավ հասնել խորհրդային ֆուտբոլի պատմության մեջ ամենաբարձր նվաճմանը՝ «Ոսկե դուբլով» մեկ տարում դառնալով ԽՍՀՄ չեմպիոն և ԽՍՀՄ գավաթակիր:Ֆիլմի նկարահանման կապակցությամբ «Սպարտակ» ՖԱ թանգարանի պատմության մեջ առաջին անգամ ԽՍՀՄ գավաթը բացակայել է տաղավարից և օգտագործվել նկարահանումների համար։«Անկեղծորեն զարմացա, երբ ինձ առաջարկեցին այս ֆիլմի գաղափարը, քանի որ 50 տարի է անցել, իսկ դա հսկայական ժամանակ է։ Միակ բանը, որ կցանկանայի մաղթել, ճշմարտությունն է, որպեսզի մարդիկ այս պատմությունն իսկապես իմանան։ Հուսով եմ՝ այս պատմությունը կդառնա ոգեշնչման աղբյուր և հզոր մոտիվացիա երիտասարդ տղաների, երիտասարդ ֆուտբոլիստների համար, որոնք երազում են մեծ հաղթանակների մասին»,- ասել է մարզիչ, օլիմպիական չեմպիոն Նիկիտա Սիմոնյանը։Ֆիլմի գլխավոր պրոդյուսեր և START առցանց կինոթատրոնի համահիմնադիր Էդուարդ Իլոյանն էլ իր հերթին նշել է, որ ցանկացած սպորտային դրամա միշտ պատմություն է մարդկանց մասին, նրանց արժեքների, միմյանց աջակցության և միայն դրանից հետո՝ հենց խաղի մասին։Ֆիլմի սցենարի հեղինակ Վալերի Սահակյանի խոսքով էլ՝ կարևոր է խոսել մի դարաշրջանի մասին, որտեղ մարդիկ ավելի բարի էին, կար պատվի, արդար ու արժանի պայքարի չգրված օրենք։«Չի կարելի խոսել ֆուտբոլի մասին՝ չնշելով թիմի տասներկուերորդ խաղացողին՝ երկրպագուներին, որոնք մեր ֆիլմի ամենակարևոր մասն են»,-ասել է նա։Ֆիլմի գլխավոր դերում հանդես է գալիս Եգոր Բերոևը։ Նկարահանման հրապարակում են նաև Սոֆյա Դոնյանցը, Քսենյա Ալֆերովան, Սերգեյ Շակուրովը, Սերգեյ Գազարովը, Անահիտ Կիրակոսյանը, Բաբկեն Չոբանյանը, Անդրանիկ Խաչատրյանը, Անատոլի Կոտենևը, Կոնստանտին Յուշկևիչը, Եվգենի Բակալովը և այլք։ Ֆիլմի ռեժիսորը Մհեր Մկրտչյանն է։Նշենք, որ չնայած իր տարիքին (98 տարեկան), Նիկիտա Պավլովիչը շարունակում է զբաղեցնել Ռուսաստանի ֆուտբոլային միության առաջին փոխնախագահի և Տեխնիկական կոմիտեի նախագահի պաշտոնները:Հավելենք, որ ֆիլմը AP Cinema կինոընկերության և START առցանց կինոթատրոնի համատեղ նախագիծն է։

2024

Լուրեր

am_HY

նիկիտա սիմոնյան, ֆիլմ, ֆուտբոլ, մարզիչ, «ոսկե դուբլ» սպորտային դրամա