https://arm.sputniknews.ru/20241025/rusastani-banky-bardzracrel-e-himnakan-tvokvosadrujqy-inch-karvogh-e-da-nshanakel-hhi-hamar-82308077.html
Ռուսաստանի բանկը բարձրացրել է հիմնական տոկոսադրույքը. ինչ կարող է դա նշանակել ՀՀ–ի համար
Ռուսաստանի բանկը բարձրացրել է հիմնական տոկոսադրույքը. ինչ կարող է դա նշանակել ՀՀ–ի համար
Sputnik Արմենիա
Տեսականորեն դա կարող է բարձրացնել հայկական ապրանքների արժեքը Ռուսաստանում։ 25.10.2024, Sputnik Արմենիա
2024-10-25T16:53+0400
2024-10-25T16:53+0400
2024-10-25T16:54+0400
ռուսաստան
տոկոսադրույք
հայաստան
միգրանտ
տնտեսություն
ապրանք
գին
աշխատավարձ
հայ
https://cdn.am.sputniknews.ru/img/07e7/08/07/64018717_0:83:3014:1779_1920x0_80_0_0_159cc7dac3a60c862568bb0f70f97226.jpg
ԵՐԵՎԱՆ, 25 հոկտեմբերի – Sputnik. Ռուսաստանի բանկը հիմնական տոկոսադրույքը տարեկան 19%-ից բարձրացրել է մինչև 21%։ Ինչպես նշվում է բանկի հաղորդագրության մեջ, գնաճը ՌԴ-ում տեղի է ունենում շատ ավելի արագ, քան ենթադրվում էր հուլիսին, իսկ ապագայի համար նրա սպասումները մնում են բարձր:Գնաճը պայմանավորված է բյուջեի լրացուցիչ ծախսերով: Արդյունքում՝ տնտեսության մեջ շրջանառվող փողի ծավալն ավելի արագ է աճում, քան ապրանքների և ծառայությունների։ Որպես հետևանք՝ նվազում է արժույթի գնողունակությունը, ըստ այդմ` նաև դրա փոխարժեքը։Այսպես` եթե ամռանը հայկական դրամի նկատմամբ ռուսական ռուբլու միջին փոխարժեքը (ՀՀ կենտրոնական բանկի փոխարժեքով) կազմում էր 4,4 – 4,5, ապա այժմ այն նվազել է մինչև 4,02։Եկամտահարկի, շահութահարկի, շրջհարկի նոր արտոնություններ կտրվեն ՏՏ ոլորտինՏեսականորեն դա կարող է բարձրացնել հայկական ապրանքների արժեքը Ռուսաստանում (քանի որ դրանց գինը դրամով չի փոխվում, իսկ ռուբլով ինքնաբերաբար աճում է)։ Այս թանկացումը կարող է տեղավորվել Ռուսաստանի ընդհանուր գնաճի տրամաբանության մեջ, բայց հնարավոր է, որ ոչ (քանի որ տարբեր ապրանքների գները տարբեր չափով են աճում): Այն ապրանքները, որոնք տեղավորվում են այդ տրամաբանության մեջ, կդիմանան շուկայական մրցակցությանը։Չի կարելի նաև միանշանակ պնդել, թե արդյոք դա կազդի Ռուսաստանում աշխատող հայերի եկամուտների վրա։ Եթե նրանց աշխատանքի դիմաց վարձատրությունը մնա նույնը, ապա դրամով կնվազի: Բայց ռուսական տնտեսության մեջ փող ներարկելու հաշվին գների հետ մեկտեղ պետք է աճեն նաև աշխատավարձերը։ Մյուս կողմից այստեղ էլ հարցն այն է, որ որոշ ճյուղերում դրանք կարող են ավելի շատ աճել, մյուսներում՝ ավելի քիչ։ Դժվար է կանխատեսել, թե որքան կբարձրանան աշխատավարձերը շինարարության և ծառայությունների ոլորտում (որտեղ ավանդաբար զբաղված է հայ աշխատանքային միգրանտների մեծ մասը)։Բեռների փոխադրումն ավելի անվտանգ է դարձել. Հայաստանը միացել է e-CMR համակարգին
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, տոկոսադրույք, հայաստան, միգրանտ, տնտեսություն, ապրանք, գին, աշխատավարձ, հայ
ռուսաստան, տոկոսադրույք, հայաստան, միգրանտ, տնտեսություն, ապրանք, գին, աշխատավարձ, հայ
Ռուսաստանի բանկը բարձրացրել է հիմնական տոկոսադրույքը. ինչ կարող է դա նշանակել ՀՀ–ի համար
16:53 25.10.2024 (Թարմացված է: 16:54 25.10.2024) Տեսականորեն դա կարող է բարձրացնել հայկական ապրանքների արժեքը Ռուսաստանում։
ԵՐԵՎԱՆ, 25 հոկտեմբերի – Sputnik. Ռուսաստանի բանկը հիմնական տոկոսադրույքը տարեկան 19%-ից բարձրացրել է մինչև 21%։ Ինչպես նշվում է բանկի հաղորդագրության մեջ, գնաճը ՌԴ-ում տեղի է ունենում շատ ավելի արագ, քան ենթադրվում էր հուլիսին, իսկ ապագայի համար նրա սպասումները մնում են բարձր:
Գնաճը պայմանավորված է բյուջեի լրացուցիչ ծախսերով: Արդյունքում՝ տնտեսության մեջ շրջանառվող փողի ծավալն ավելի արագ է աճում, քան ապրանքների և ծառայությունների։ Որպես հետևանք՝ նվազում է արժույթի գնողունակությունը, ըստ այդմ` նաև դրա փոխարժեքը։
Այսպես` եթե ամռանը հայկական դրամի նկատմամբ ռուսական ռուբլու միջին փոխարժեքը (ՀՀ կենտրոնական բանկի փոխարժեքով) կազմում էր 4,4 – 4,5, ապա այժմ այն նվազել է մինչև 4,02։
Տեսականորեն դա կարող է բարձրացնել հայկական ապրանքների արժեքը Ռուսաստանում (քանի որ դրանց գինը դրամով չի փոխվում, իսկ ռուբլով ինքնաբերաբար աճում է)։ Այս թանկացումը կարող է տեղավորվել Ռուսաստանի ընդհանուր գնաճի տրամաբանության մեջ, բայց հնարավոր է, որ ոչ (քանի որ տարբեր ապրանքների գները տարբեր չափով են աճում): Այն ապրանքները, որոնք տեղավորվում են այդ տրամաբանության մեջ, կդիմանան շուկայական մրցակցությանը։
Չի կարելի նաև միանշանակ պնդել, թե արդյոք դա կազդի Ռուսաստանում աշխատող հայերի եկամուտների վրա։ Եթե նրանց աշխատանքի դիմաց վարձատրությունը մնա նույնը, ապա դրամով կնվազի: Բայց ռուսական տնտեսության մեջ փող ներարկելու հաշվին գների հետ մեկտեղ պետք է աճեն նաև աշխատավարձերը։ Մյուս կողմից այստեղ էլ հարցն այն է, որ որոշ ճյուղերում դրանք կարող են ավելի շատ աճել, մյուսներում՝ ավելի քիչ։ Դժվար է կանխատեսել, թե որքան կբարձրանան աշխատավարձերը շինարարության և ծառայությունների ոլորտում (որտեղ ավանդաբար զբաղված է հայ աշխատանքային միգրանտների մեծ մասը)։
