https://arm.sputniknews.ru/20241023/sepakanutjan-tghti-tak-karvogh-e-ev-himq-chlinel-pashinjany-kirancic-handznvats-gujqi-masin-82204143.html
Սեփականության թղթի տակ կարող է և հիմք չլինել․ Փաշինյանը՝ Կիրանցից հանձնված գույքի մասին
Սեփականության թղթի տակ կարող է և հիմք չլինել․ Փաշինյանը՝ Կիրանցից հանձնված գույքի մասին
Sputnik Արմենիա
Ընդդիմադիր պատգամավորի խոսքով՝ կառավարությունը հակաօրինական քայլ է արել և կիրանցեցիներին զրկել սեփականության իրավունքից։ 23.10.2024, Sputnik Արմենիա
2024-10-23T17:56+0400
2024-10-23T17:56+0400
2024-10-23T18:05+0400
հայաստան
կիրանց
անշարժ գույք
նիկոլ փաշինյան
https://cdn.am.sputniknews.ru/img/07e8/03/0f/73415973_0:22:1600:922_1920x0_80_0_0_b0b7ab15d68911c098f496f2bc591abd.jpg
ԵՐԵՎԱՆ, 23 հոկտեմբերի – Sputnik․ Սեփականության վկայագրերը կարևոր փաստաթղթեր են, բայց կարող է լինել այնպես, որ դրա տակ հիմք չլինի։ Այսօր Ազգային ժողովում հարցուպատասխանի ժամանակ այս հայտարարությունն արեց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության անդամ Արման Ղազարյանի հարցին։«Դուք հակաօրինական ճանապարհով քաղաքացիներին զրկել եք իրենց սեփականության իրավունքից։ Հսկիչ էլեկտրոնային քարտեզներում 57 միավոր գույք, որ ընդգրկված է Կիրանցի քարտեզում, ի՞նչ հիմքով է փոփոխվել»,- հարցրել էր ընդդիմադիր պատգամավորը։Այս առիթով վարչապետը հիշեց վերջերս նախաձեռնված քրեական վարույթներից մեկը, որը վերաբերում է Երևան քաղաքում համայնքային նշանակության հողերը սեփականության իրավունքով քաղաքացիներին հանձնելուն։Ուստի, ըստ Փաշինյանի, որքան էլ կարևոր է վկայականը, բայց կարող է պարզվել, որ դա այնքան էլ օրենքով սահմանված կարգով չի տրվել։Հիշեցնենք` 2024 թվականի ապրիլին հայտնի դարձավ, որ Հայաստանի և Ադրբեջանի պետական հանձնաժողովները պայմանավորվել են սահմանազատումը սկսել Տավուշի մարզից (Բաղանիս, Ոսկեպար, Կիրանց և Բերքաբեր հատվածներում):Մայիսի 15-ին Հայաստանի և Ադրբեջանի փոխվարչապետներ Մհեր Գրիգորյանը և Շահին Մուստաֆաևը 1976 թվականի քարտեզների հիման վրա սահմանազատում իրականացնելու մասին արձանագրություն-նկարագրություն ստորագրեցին:Դրանից հետո փաստացի 4 գյուղ անցան Ադրբեջանի վերահսկողության տակ։ Կիրանցում ադրբեջանական կողմին փոխանցվեց 30 անձի պատկանող 54 անշարժ գույք, որոնք բոլորը Կադաստրի կոմիտեի վկայականներ ունեին:Հայաստանի սահմանապահ զորքերը մայիսի 24–ին պաշտոնապես ստանձնեցին Տավուշի մարզի սահմանային հատվածների՝ Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը:
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կիրանց, անշարժ գույք, նիկոլ փաշինյան
հայաստան, կիրանց, անշարժ գույք, նիկոլ փաշինյան
Սեփականության թղթի տակ կարող է և հիմք չլինել․ Փաշինյանը՝ Կիրանցից հանձնված գույքի մասին
17:56 23.10.2024 (Թարմացված է: 18:05 23.10.2024) Ընդդիմադիր պատգամավորի խոսքով՝ կառավարությունը հակաօրինական քայլ է արել և կիրանցեցիներին զրկել սեփականության իրավունքից։
ԵՐԵՎԱՆ, 23 հոկտեմբերի – Sputnik․ Սեփականության վկայագրերը կարևոր փաստաթղթեր են, բայց կարող է լինել այնպես, որ դրա տակ հիմք չլինի։ Այսօր Ազգային ժողովում հարցուպատասխանի ժամանակ այս հայտարարությունն արեց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության անդամ Արման Ղազարյանի հարցին։
«Դուք հակաօրինական ճանապարհով քաղաքացիներին զրկել եք իրենց սեփականության իրավունքից։ Հսկիչ էլեկտրոնային քարտեզներում 57 միավոր գույք, որ ընդգրկված է Կիրանցի քարտեզում, ի՞նչ հիմքով է փոփոխվել»,- հարցրել էր ընդդիմադիր պատգամավորը։
Այս առիթով վարչապետը հիշեց վերջերս նախաձեռնված քրեական վարույթներից մեկը, որը վերաբերում է Երևան քաղաքում համայնքային նշանակության հողերը սեփականության իրավունքով քաղաքացիներին հանձնելուն։
«Վերջերս պատահաբար բացահայտվեց, որ Երևանի Նորքի անտառներում համայնքային նշանակության հողերի վրա տրվել են հեկտարներով սեփականության վկայագրեր՝ առանց որևէ հիմքի։ Այսինքն՝ ձևավորվել է խումբ, և ինչ-ինչ ճանապարհով գնացել են, կադաստրից էդ վկայականներն ինչ-որ ձևերով ստացել են։ Ձեր ասած նույն տրամաբանությամբ որ նայում ենք, հաստատված սեփականության վկայագրեր են, այդ փաստի առիթով քրեական գործ է հարուցվել, հիմա այդ հողերի վերադարձը Երևանին ընթացքի մեջ է»,- ասաց վարչապետը։
Ուստի, ըստ Փաշինյանի, որքան էլ կարևոր է վկայականը, բայց կարող է պարզվել, որ դա այնքան էլ օրենքով սահմանված կարգով չի տրվել։
Հիշեցնենք` 2024 թվականի ապրիլին հայտնի դարձավ, որ Հայաստանի և Ադրբեջանի պետական հանձնաժողովները
պայմանավորվել են սահմանազատումը սկսել Տավուշի մարզից (Բաղանիս, Ոսկեպար, Կիրանց և Բերքաբեր հատվածներում):
Մայիսի 15-ին Հայաստանի և Ադրբեջանի փոխվարչապետներ Մհեր Գրիգորյանը և Շահին Մուստաֆաևը 1976 թվականի քարտեզների հիման վրա սահմանազատում իրականացնելու մասին արձանագրություն-նկարագրություն
ստորագրեցին:
Դրանից հետո փաստացի 4 գյուղ անցան Ադրբեջանի վերահսկողության տակ։ Կիրանցում ադրբեջանական կողմին փոխանցվեց 30 անձի պատկանող
54 անշարժ գույք, որոնք բոլորը Կադաստրի կոմիտեի վկայականներ ունեին:
Հայաստանի սահմանապահ զորքերը մայիսի 24–ին պաշտոնապես
ստանձնեցին Տավուշի մարզի սահմանային հատվածների՝ Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը:
