https://arm.sputniknews.ru/20241023/dzerntu-linel-ishkhvogh-uzhin-kjureghjanin-mtahvogum-e-youm-arajarkvvogh-pvopvokhutjuny-82172676.html
Ձեռնտու լինել իշխող ուժին․ Կյուրեղյանին մտահոգում է ԸՕ–ում առաջարկվող փոփոխությունը
Ձեռնտու լինել իշխող ուժին․ Կյուրեղյանին մտահոգում է ԸՕ–ում առաջարկվող փոփոխությունը
Sputnik Արմենիա
Արդարադատության նախարարի ժամանակավոր պաշտոնակատարը նշեց, որ ռազմական դրությունից հետո կարող է այնպես լինել, որ նախաձեռնված ընտրական գործընթացներն այլևս... 23.10.2024, Sputnik Արմենիա
2024-10-23T13:23+0400
2024-10-23T13:23+0400
2024-10-23T13:28+0400
հայաստան
արմենուհի կյուրեղյան
հհ արդարադատության նախարարություն
ընտրական օրենսգիրք
https://cdn.am.sputniknews.ru/img/07e5/0a/1b/34736820_0:0:1600:901_1920x0_80_0_0_7e3fb3fa9838cd689db1b6b5faa05fe4.jpg
ԵՐԵՎԱՆ, 23 հոկտեմբերի – Sputnik․ ՀՀ Ազգային ժողովի «Հայաստան» խմբակցության անդամ Արմենուհի Կյուրեղյանը կարծում է, որ Ընտրական օրենսգրքում առաջարկվող փոփոխությունը կարող է իշխանությունն արհեստականորեն ձգձգելու հնարավորություն դառնալ իշխող ուժի համար։ Նա մտահոգություն հայտնեց Ազգային ժողովում նախագծի քննարկման ժամանակ։Արդարադատության նախարարությունն առաջարկում է Ընտրական օրենսգրքում ավելացնել նաև այս հոդվածը. «Եթե արտակարգ կամ ռազմական դրությունը հայտարարվել է մինչև ընտրությունների քվեարկության նախնական արդյունքներն ամփոփելու և դրանք արձանագրությամբ վավերացնելու պահը, ապա ընտրական գործընթացն իրավունքի ուժով համարվում է կասեցված, և վերսկսումը պարտադիր ենթադրում է նոր քվեարկության կազմակերպում»։Կյուրեղյանի կարծիքով` կարող է լինել իրավիճակ, որ երբ ընտրության արդյունքներն արդեն կանխատեսելի են, ինչ-որ ուժ խժդժություններ սկսի, սադրի գործընթացը կասեցնելու համար։Արդարադատության նախարարի ժամանակավոր պաշտոնակատար Արմենուհի Հարությունյանը, որը ներկայացնում էր նախագիծը, նշեց, որ արտակարգ և ռազմական դրություններ կարող են բացառիկ դեպքերում հայտարարվել, բայց դրանք այն դեպքերն են, որոնք ՀՀ-ում հնարավոր չէ բացառել։Արմենուհի Կյուրեղյանը, այնուամենայնիվ, տարակուսած է, թե որքանով են նման փոփոխությունները համապատասխանում ժողովրդավարությանը, երբ կայացած ընտրությունների արդյունքները չեղարկվում են։ Կարծում է՝ սա կարող է ձեռնտու լինել իշխող ուժին, ու խոսքը միայն գործող իշխանության մասին չէ։Հարակից զեկուցող, պետական-իրավական հարցերի մշտական հանձնաժողովի նախագահ Վլադիմիր Վարդանյանը նշեց՝ նախագիծը բարելավելու տեղ մշտապես կարող է ունենալ, և ձևավորված աշխատանքային խումբը կքննարկի ԱԺ-ում բարձրացված տարբեր հարցերը։ՀՀ–ում կսահմանափակեն շենքերի պատերին, կանգառներում նախընտրական պաստառներ փակցնելը
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արմենուհի կյուրեղյան, հհ արդարադատության նախարարություն, ընտրական օրենսգիրք
հայաստան, արմենուհի կյուրեղյան, հհ արդարադատության նախարարություն, ընտրական օրենսգիրք
Ձեռնտու լինել իշխող ուժին․ Կյուրեղյանին մտահոգում է ԸՕ–ում առաջարկվող փոփոխությունը
13:23 23.10.2024 (Թարմացված է: 13:28 23.10.2024) Արդարադատության նախարարի ժամանակավոր պաշտոնակատարը նշեց, որ ռազմական դրությունից հետո կարող է այնպես լինել, որ նախաձեռնված ընտրական գործընթացներն այլևս վստահելի չլինեն։
ԵՐԵՎԱՆ, 23 հոկտեմբերի – Sputnik․ ՀՀ Ազգային ժողովի «Հայաստան» խմբակցության անդամ Արմենուհի Կյուրեղյանը կարծում է, որ Ընտրական օրենսգրքում առաջարկվող փոփոխությունը կարող է իշխանությունն արհեստականորեն ձգձգելու հնարավորություն դառնալ իշխող ուժի համար։ Նա մտահոգություն հայտնեց Ազգային ժողովում նախագծի քննարկման ժամանակ։
Արդարադատության նախարարությունն առաջարկում է Ընտրական օրենսգրքում ավելացնել նաև այս հոդվածը. «Եթե արտակարգ կամ ռազմական դրությունը հայտարարվել է մինչև ընտրությունների քվեարկության նախնական արդյունքներն ամփոփելու և դրանք արձանագրությամբ վավերացնելու պահը, ապա ընտրական գործընթացն իրավունքի ուժով համարվում է կասեցված, և վերսկսումը պարտադիր ենթադրում է նոր քվեարկության կազմակերպում»։
Կյուրեղյանի կարծիքով` կարող է լինել իրավիճակ, որ երբ ընտրության արդյունքներն արդեն կանխատեսելի են, ինչ-որ ուժ խժդժություններ սկսի, սադրի գործընթացը կասեցնելու համար։
«Սա չի՞ նշանակում քվեարկության արդյունքների անտեսում»,- հարց ուղղեց Կյուրեղյանը։
Արդարադատության նախարարի ժամանակավոր պաշտոնակատար Արմենուհի Հարությունյանը, որը ներկայացնում էր նախագիծը, նշեց, որ արտակարգ և ռազմական դրություններ կարող են բացառիկ դեպքերում հայտարարվել, բայց դրանք այն դեպքերն են, որոնք ՀՀ-ում հնարավոր չէ բացառել։
«Այս ամենի հետևանքով էականորեն կարող է փոխվել երկրում տիրող իրավիճակը, նաև քաղաքական իրավիճակը, առաջարկվում է նման դեպքերում ընտրական գործընթացը դադարեցնել հենց այդ նպատակով։ Նաև որ ռազմական դրությունից հետո իրերի հարաբերակցությունը, քաղաքական ուժերի հարաբերակցությունն ու ժողովրդի վստահության փոփոխությունը կարող են այնպիսին լինել, որ արդեն նախաձեռնված ընտրական գործընթացներն այլևս վստահելի չլինեն»,- ասաց Հարությունյանը։
Արմենուհի Կյուրեղյանը, այնուամենայնիվ, տարակուսած է, թե որքանով են նման փոփոխությունները համապատասխանում ժողովրդավարությանը, երբ կայացած ընտրությունների արդյունքները չեղարկվում են։ Կարծում է՝ սա կարող է ձեռնտու լինել իշխող ուժին, ու խոսքը միայն գործող իշխանության մասին չէ։
Հարակից զեկուցող, պետական-իրավական հարցերի մշտական հանձնաժողովի նախագահ Վլադիմիր Վարդանյանը նշեց՝ նախագիծը բարելավելու տեղ մշտապես կարող է ունենալ, և ձևավորված աշխատանքային խումբը կքննարկի ԱԺ-ում բարձրացված տարբեր հարցերը։
