https://arm.sputniknews.ru/20241022/amn-nakhagahi-hatuk-ognakany-pashinjanin-e-pvokhancel-bajdeni-namaky-82154673.html
ԱՄՆ նախագահի հատուկ օգնականը Փաշինյանին է փոխանցել Բայդենի նամակը
ԱՄՆ նախագահի հատուկ օգնականը Փաշինյանին է փոխանցել Բայդենի նամակը
Sputnik Արմենիա
Պաշտոնյան վստահեցրել է, որ ԱՄՆ-ն աջակցում է Հայաստանի ինքնիշխանությանն ու տարածքային ամբողջականությանը: 22.10.2024, Sputnik Արմենիա
2024-10-22T19:32+0400
2024-10-22T19:32+0400
2024-10-22T19:35+0400
հայաստան
ադրբեջան
ամն
նիկոլ փաշինյան
նամակ
ջո բայդեն
https://cdn.am.sputniknews.ru/img/07e8/0a/16/82153959_0:4:1670:943_1920x0_80_0_0_888ff908026edcf212b30fe72056888b.jpg
ԵՐԵՎԱՆ, 22 հոկտեմբերի – Sputnik․ ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը ՀՀ վարչապետ Նիկոլ Փաշինյանին է փոխանցել ԱՄՆ նախագահ Ջո Բայդենի նամակը։ Տեղեկությունը հայտնում է վարչապետի մամուլի ծառայությունը։Հանդիպմանը ներկա է եղել նաև Կովկասյան բանակցությունների հարցերով ավագ խորհրդական Լուիս Բոնոն։Զրուցակիցներն անդրադարձել են Հայաստան-Ադրբեջան խաղաղության պայմանագրի շուրջ քննարկումներին վերաբերող հարցերի:Փաշինյանը վերահաստատել է Հայաստանի պատրաստակամությունը՝ ստորագրելու խաղաղության պայմանագիրն արդեն իսկ համաձայնեցված հոդվածների հիման վրա և շարունակելու հետագա քննարկումները:Քարփենթերն ընդգծել է, որ ԱՄՆ-ն ողջունում է Հայաստանի նպատակադրումն ու քայլերը՝ ի նպաստ խաղաղության ու կայունության հաստատման։ Նա կարևորել է սահմանազատման գործընթացն ու կանոնակարգի ստորագրումը։ Ամերիկացի պաշտոնյայի խոսքով՝ Միացյալ Նահանգները պատրաստակամ է հետագայում ևս նպաստելու տարածաշրջանում խաղաղության ու կայունության ապահովմանը:Քննարկվել է տարածաշրջանային հաղորդակցության ուղիների ապաշրջափակման հարցը։ Քարփենթերն ընդգծել է, որ ԱՄՆ-ն աջակցում է Հայաստանի ինքնիշխանությանն ու տարածքային ամբողջականությանը:Հիշեցնենք՝ Մայքլ Քարփենթերը մինչ Երևան ժամանելն այցելել է Բաքու և Ադրբեջանի նախագահ Իլհամ Ալիևին հանձնել ԱՄՆ նախագահ Ջո Բայդենի նամակը։ Ըստ ադրբեջանական լրատվամիջոցների` նամակում նշվում է՝ ԱՄՆ-ն գոհ է տեսնել, որ Հայաստանը և Ադրբեջանը կայուն առաջընթաց են գրանցել խաղաղության պայմանագրի վերջնական ձևակերպման ուղղությամբ, ինչը կկարգավորի Երևանի և Բաքվի միջև հարաբերությունները։ Բայդենի կարծիքով՝ խաղաղության պայմանագիրը ոչ միայն կապահովի Ադրբեջանի ինքնիշխանությունն ու տարածքային ամբողջականությունը, այլև կվերափոխի ամբողջ տարածաշրջանը։
ադրբեջան
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, ամն, նիկոլ փաշինյան, նամակ, ջո բայդեն
հայաստան, ադրբեջան, ամն, նիկոլ փաշինյան, նամակ, ջո բայդեն
ԱՄՆ նախագահի հատուկ օգնականը Փաշինյանին է փոխանցել Բայդենի նամակը
19:32 22.10.2024 (Թարմացված է: 19:35 22.10.2024) Պաշտոնյան վստահեցրել է, որ ԱՄՆ-ն աջակցում է Հայաստանի ինքնիշխանությանն ու տարածքային ամբողջականությանը:
ԵՐԵՎԱՆ, 22 հոկտեմբերի – Sputnik․ ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը ՀՀ վարչապետ Նիկոլ Փաշինյանին է փոխանցել ԱՄՆ նախագահ Ջո Բայդենի նամակը։ Տեղեկությունը հայտնում է վարչապետի
մամուլի ծառայությունը։
Հանդիպմանը ներկա է եղել նաև Կովկասյան բանակցությունների հարցերով ավագ խորհրդական Լուիս Բոնոն։
Զրուցակիցներն անդրադարձել են Հայաստան-Ադրբեջան խաղաղության պայմանագրի շուրջ քննարկումներին վերաբերող հարցերի:
Փաշինյանը վերահաստատել է Հայաստանի պատրաստակամությունը՝ ստորագրելու խաղաղության պայմանագիրն արդեն իսկ համաձայնեցված հոդվածների հիման վրա և շարունակելու հետագա քննարկումները:
Քարփենթերն ընդգծել է, որ ԱՄՆ-ն ողջունում է Հայաստանի նպատակադրումն ու քայլերը՝ ի նպաստ խաղաղության ու կայունության հաստատման։ Նա կարևորել է սահմանազատման գործընթացն ու կանոնակարգի ստորագրումը։ Ամերիկացի պաշտոնյայի խոսքով՝ Միացյալ Նահանգները պատրաստակամ է հետագայում ևս նպաստելու տարածաշրջանում խաղաղության ու կայունության ապահովմանը:
Քննարկվել է տարածաշրջանային հաղորդակցության ուղիների ապաշրջափակման հարցը։ Քարփենթերն ընդգծել է, որ ԱՄՆ-ն աջակցում է Հայաստանի ինքնիշխանությանն ու տարածքային ամբողջականությանը:
Հիշեցնենք՝ Մայքլ Քարփենթերը մինչ Երևան ժամանելն այցելել է Բաքու և Ադրբեջանի նախագահ Իլհամ Ալիևին հանձնել ԱՄՆ նախագահ Ջո Բայդենի նամակը։ Ըստ ադրբեջանական լրատվամիջոցների` նամակում նշվում է՝ ԱՄՆ-ն գոհ է տեսնել, որ Հայաստանը և Ադրբեջանը կայուն առաջընթաց են գրանցել խաղաղության պայմանագրի վերջնական ձևակերպման ուղղությամբ, ինչը կկարգավորի Երևանի և Բաքվի միջև հարաբերությունները։ Բայդենի կարծիքով՝ խաղաղության պայմանագիրը ոչ միայն կապահովի Ադրբեջանի ինքնիշխանությունն ու տարածքային ամբողջականությունը, այլև կվերափոխի ամբողջ տարածաշրջանը։
