https://arm.sputniknews.ru/20241020/arajin-buzhognutjun--haj-kamavvornery-masnakcum-en-rma-i-dasyntacnerin-82052018.html
Առաջին բուժօգնություն. հայ կամավորները մասնակցում են ՌՄԱ-ի դասընթացներին
Առաջին բուժօգնություն. հայ կամավորները մասնակցում են ՌՄԱ-ի դասընթացներին
Sputnik Արմենիա
Առաջին նման դասընթացն անցկացվել է 2024 թվականի ամռանը Մոսկվայում, ԶԼՄ-ների ներկայացուցիչների համար։ 20.10.2024, Sputnik Արմենիա
2024-10-20T17:42+0400
2024-10-20T17:42+0400
2024-10-20T17:43+0400
ռուսական մարդասիրական առաքելություն
շտապօգնություն
դասընթաց
տեսանյութեր
տեսանյութ
https://cdn.am.sputniknews.ru/img/07e8/0a/14/82049432_0:0:1281:720_1920x0_80_0_0_100c3239cd6f4502e2461aa902059398.jpg
Հայաստանում տասնյակ կամավորներ մասնակցում են «Առաջին օգնություն արտակարգ իրավիճակներում» ուսուցողական դասընթացին, որը կազմակերպել է «Ռուսական մարդասիրական առաքելություն» (ՌՄԱ) ոչ առևտրային կազմակերպությունը «Սրտերի վերածնունդ» բարեգործական հիմնադրամի հետ համատեղ։Դասընթացը վարում է անեսթեզիոլոգ-ռեանիմատոլոգ, ՌԴ վաստակավոր բժիշկ Վիկտոր Բելինսկին` ՌԴ ԱԻՆ 2020 թվականի լավագույն բժիշկը: Դասընթացները մեկնարկել են Մասիս քաղաքում հոկտեմբերի 19-ին, դրանք կանցկացվեն նաև Սյունիքի մարզում` Գորիսում։ Երկու քաղաքների խմբերում 25-ական մարդ կա։Նրա խոսքով` դասընթացի մասնակիցները սովորական կամավորներ են, որոնք աշխատում են երեխաների, դպրոցականների, ուսանողների հետ։ «Ռուսական մարդասիրական առաքելություն» դասընթացն արդեն երկրորդ անգամ է անցկացվում, ամռանը այն անցկացվել է Մոսկվայում, այն ժամանակ դասընթացին մասնակցել են լրագրողները:Հայաստանում դասընթացներին մասնակցում են տարբեր քաղաքների` Գյումրիի, Վանաձորի, Իջևանի, Արտաշատի, Երևանի բնակիչներ:Այս անգամ ՌՄԱ-ի ներկայացուցիչները նաև 600-ից ավելի գիրք են բերել Ֆիոտետովո գյուղի դպրոցի համար: Ռուսական մարդասիրական առաքելությունը 7տ հումանիտար օգնություն է տարել Լոռի. լուսանկարներԱնեսթեզիոլոգ-ռեանիմատոլոգ, Ռուսաստանի վաստակավոր բժիշկ Վիկտոր Բելինսկին նշեց, որ արտակարգ իրավիճակները տարբեր են լինում` ճանապարհատրանսպորտային պատահարներից մինչև տեխնածին աղետներ: Դասընթացներում դիտարկվում են բոլոր այն իրավիճակները, որոնց կարելի է հանդիպել օգնություն ցուցաբերելիս և այն ալգորիթմները, որոնք կարող են աշխատել ինչպես անհատական, այնպես էլ խմբային տարբերակով:«Դասընթացը հարմարեցնում ենք օգնության տրամադրման բոլոր տարբերակներին. պարզից, այսպես ասած կենցաղայինից մինչև տեխնածին` զանգվածային արտակարգ իրավիճակի դեպքում»,-նշել է նա:Դրանց թվում են կյանքին սպառնացող վիճակների շտկումն ու վնասվածքները, որոնք կարող են տեղի ունենալ` կոտրվածքներ, անհետաձգելի դրություններ և այլն։Դասընթացը բաղկացած է գործնական և տեսական մասերից: Մասնակիցները կուսումնասիրեն տեսությունը և կյուրացնեն առաջին բուժօգնության գործնական հմտությունները: Մասնավորապես, նրանք կսովորեն ճիշտ տարհանել (և տարհանվել) ջրհեղեղի, երկրաշարժի և այլ արտակարգ իրավիճակների պայմաններում, կսովորեն, թե ինչպես հնարավորինս նվազեցնել առողջության ռիսկերը ծայրահեղ պայմաններում` իրական կյանքից օրինակներով:Հիշեցնենք, որ «Ռուսական մարդասիրական առաքելություն» ՀԿ-ն 2017 թվականից Հայաստանում պարբերաբար պրոֆիլային միջոցառումներ է անցկացնում դպրոցների և բարձրագույն ուսումնական հաստատությունների ուսուցիչների համար:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսական մարդասիրական առաքելություն, շտապօգնություն, դասընթաց, видео, տեսանյութեր, տեսանյութ
ռուսական մարդասիրական առաքելություն, շտապօգնություն, դասընթաց, видео, տեսանյութեր, տեսանյութ
Առաջին բուժօգնություն. հայ կամավորները մասնակցում են ՌՄԱ-ի դասընթացներին
17:42 20.10.2024 (Թարմացված է: 17:43 20.10.2024) Առաջին նման դասընթացն անցկացվել է 2024 թվականի ամռանը Մոսկվայում, ԶԼՄ-ների ներկայացուցիչների համար։
Հայաստանում տասնյակ կամավորներ մասնակցում են «Առաջին օգնություն արտակարգ իրավիճակներում» ուսուցողական դասընթացին, որը կազմակերպել է «Ռուսական մարդասիրական առաքելություն» (ՌՄԱ) ոչ առևտրային կազմակերպությունը «Սրտերի վերածնունդ» բարեգործական հիմնադրամի հետ համատեղ։
Դասընթացը վարում է անեսթեզիոլոգ-ռեանիմատոլոգ, ՌԴ վաստակավոր բժիշկ Վիկտոր Բելինսկին` ՌԴ ԱԻՆ 2020 թվականի լավագույն բժիշկը: Դասընթացները մեկնարկել են Մասիս քաղաքում հոկտեմբերի 19-ին, դրանք կանցկացվեն նաև Սյունիքի մարզում` Գորիսում։ Երկու քաղաքների խմբերում 25-ական մարդ կա։
«Սա արտակարգ իրավիճակներում բժշկության կրթական դասընթաց է։ Չնայած խիստ անվանմանը` սա բժշկություն է, որը կարող է կյանքեր փրկել։ Այն պետք կգա ոչ միայն արտակարգ իրավիճակներում, այլև առօրյա կյանքում, կենցաղում»,-ասել է ՌՄԱ առաջատար փորձագետ Վիկտորիա Բելոուսովան։
Նրա խոսքով` դասընթացի մասնակիցները սովորական կամավորներ են, որոնք աշխատում են երեխաների, դպրոցականների, ուսանողների հետ։ «Ռուսական մարդասիրական առաքելություն» դասընթացն արդեն երկրորդ անգամ է անցկացվում, ամռանը այն անցկացվել է Մոսկվայում, այն ժամանակ դասընթացին մասնակցել են լրագրողները:
Հայաստանում դասընթացներին մասնակցում են տարբեր քաղաքների` Գյումրիի, Վանաձորի, Իջևանի, Արտաշատի, Երևանի բնակիչներ:
Այս անգամ ՌՄԱ-ի ներկայացուցիչները նաև 600-ից ավելի գիրք են բերել Ֆիոտետովո գյուղի դպրոցի համար:
Անեսթեզիոլոգ-ռեանիմատոլոգ, Ռուսաստանի վաստակավոր բժիշկ Վիկտոր Բելինսկին նշեց, որ արտակարգ իրավիճակները տարբեր են լինում` ճանապարհատրանսպորտային պատահարներից մինչև տեխնածին աղետներ: Դասընթացներում դիտարկվում են բոլոր այն իրավիճակները, որոնց կարելի է հանդիպել օգնություն ցուցաբերելիս և այն ալգորիթմները, որոնք կարող են աշխատել ինչպես անհատական, այնպես էլ խմբային տարբերակով:
«Դասընթացը հարմարեցնում ենք օգնության տրամադրման բոլոր տարբերակներին. պարզից, այսպես ասած կենցաղայինից մինչև տեխնածին` զանգվածային արտակարգ իրավիճակի դեպքում»,-նշել է նա:
Դրանց թվում են կյանքին սպառնացող վիճակների շտկումն ու վնասվածքները, որոնք կարող են տեղի ունենալ` կոտրվածքներ, անհետաձգելի դրություններ և այլն։
Դասընթացը բաղկացած է գործնական և տեսական մասերից: Մասնակիցները կուսումնասիրեն տեսությունը և կյուրացնեն առաջին բուժօգնության գործնական հմտությունները: Մասնավորապես, նրանք կսովորեն ճիշտ տարհանել (և տարհանվել) ջրհեղեղի, երկրաշարժի և այլ արտակարգ իրավիճակների պայմաններում, կսովորեն, թե ինչպես հնարավորինս նվազեցնել առողջության ռիսկերը ծայրահեղ պայմաններում` իրական կյանքից օրինակներով:
Ընդհանուր առմամբ, նա գոհ է մասնակիցների պատրաստվածության մակարդակից։ Նրա խոսքով` կան մարդիկ, ովքեր մինչ այդ էլ տարբեր դասընթացներ են անցել, ոմանք էլ համապատասխան գիտելիքներ են քաղում գրականությունից և տեղեկատվական աղբյուրներից:
Հիշեցնենք, որ «Ռուսական մարդասիրական առաքելություն» ՀԿ-ն 2017 թվականից Հայաստանում պարբերաբար պրոֆիլային միջոցառումներ է անցկացնում դպրոցների և բարձրագույն ուսումնական հաստատությունների ուսուցիչների համար:
