https://arm.sputniknews.ru/20241018/andzrevajur-e-lcvel-bajc-erazhshtakan-gvortsiqnery-chen-trjvel-kvonservatvoriaji-rektvori-zhp-81977121.html
Անձրևաջուր է լցվել, բայց երաժշտական գործիքները չեն թրջվել․ կոնսերվատորիայի ռեկտորի ԺՊ
Անձրևաջուր է լցվել, բայց երաժշտական գործիքները չեն թրջվել․ կոնսերվատորիայի ռեկտորի ԺՊ
Sputnik Արմենիա
Ծովինար Մովսիսիյանի խոսքով՝ իրենք ամեն ինչ արել են հորդառատ անձրևի հնարավոր հետևանքները մեղմելու համար։ 18.10.2024, Sputnik Արմենիա
2024-10-18T12:14+0400
2024-10-18T12:14+0400
2024-10-18T12:43+0400
հայաստան
երևանի պետական կոնսերվատորիա
երաժշտական գործիքներ
անձրև
https://cdn.am.sputniknews.ru/img/07e8/03/0b/73233345_0:167:2048:1319_1920x0_80_0_0_18be63fad2399a41e03eec497c44e611.jpg
ԵՐԵՎԱՆ, 18 հոկտեմբերի – Sputnik. Երեկվա հորդառատ տեղումների հետևանքով անձրևաջրերը լցվել են Երևանի Կոմիտասի անվան պետական կոնսերվատորիայի մի քանի դասասենյակներ, սակայն երաժշտական գործիքները չեն թրջվել։ Տեղեկությունը Sputnik Արմենիային հայտնեց կոնսերվատորիայի ռեկտորի ժամանակավոր պաշտոնակատար Ծովինար Մովսիսյանը։«Դասասենյակներում առկա բոլոր երաժշտական գործիքները եղել են ցելոֆանապատ։ Անձրևաջրերը լցվել են դասասենյակներ, թրջվել են առաստաղը, պատերը, քանի որ երկու մասնաշենքերում էլ հիմնանորոգման աշխատանքներ են ընթանում, և տանիքը բաց է»,- ասաց Մովսիսյանը։Նրա խոսքով՝ երեկ կոնսերվատորիայի որոշ աշխատակիցներ հերթապահության են մնացել, ղեկավարությունը ևս շենքում է եղել։ Ամեն ինչ արել են հնարավոր հետևանքները մեղմելու համար։«Հանդիպել ենք Քաղաքաշինության կոմիտեի աշխատակիցների հետ, որոնք շինարարության պատվիրատուն են, հանդիպել ենք նաև շինարարների և շինարարությունն իրականացնող «Բիդեքս» ՍՊԸ-ի ղեկավարի հետ։ Աշխատանքներ են տարվում անձրևի պատճառած վնասները վերացնելու ուղղությամբ»,-ասաց նա։Այժմ կոնսերվատորիայի ոչ բոլոր դասասենյակներում են դասեր անցկացվում։ Շենքի մի մասնաշենքը հիմնանորոգման պատճառով դատարկ է, մյուսում էլ դասապրոցեսը խիտ գրաֆիկով է կազմակերպված` ընդհուպ մինչև 23․00-ն։«Երեկ դասապրոցեսը դադարեցրել ենք ժամը 20։00-ին, քանի որ վտանգավոր էր, բայց այսօր երեխաները ժամը 08։00-ից մասնակցում են դասերին»,- ասաց նա։Հիշեցնենք` Հիդրոօդերևութաբանության և մոնիտորինգի կենտրոնի փոխտնօրեն Գագիկ Սուրենյանն ավելի վաղ տեղեկացրել էր, որ Արևմուտքից ներթափանցած ակտիվ ցիկլոնի պատճառով ՀՀ–ում հորդառատ տեղումներ են սպասվում։ Ակտիվ վիճակը պահպանվելու է մինչև հոկտեմբերի 18-ի առավոտը ներառյալ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երևանի պետական կոնսերվատորիա, երաժշտական գործիքներ, անձրև
հայաստան, երևանի պետական կոնսերվատորիա, երաժշտական գործիքներ, անձրև
Անձրևաջուր է լցվել, բայց երաժշտական գործիքները չեն թրջվել․ կոնսերվատորիայի ռեկտորի ԺՊ
12:14 18.10.2024 (Թարմացված է: 12:43 18.10.2024) Ծովինար Մովսիսիյանի խոսքով՝ իրենք ամեն ինչ արել են հորդառատ անձրևի հնարավոր հետևանքները մեղմելու համար։
ԵՐԵՎԱՆ, 18 հոկտեմբերի – Sputnik. Երեկվա հորդառատ տեղումների հետևանքով անձրևաջրերը լցվել են Երևանի Կոմիտասի անվան պետական կոնսերվատորիայի մի քանի դասասենյակներ, սակայն երաժշտական գործիքները չեն թրջվել։ Տեղեկությունը
Sputnik Արմենիային հայտնեց կոնսերվատորիայի ռեկտորի ժամանակավոր պաշտոնակատար Ծովինար Մովսիսյանը։
«Դասասենյակներում առկա բոլոր երաժշտական գործիքները եղել են ցելոֆանապատ։ Անձրևաջրերը լցվել են դասասենյակներ, թրջվել են առաստաղը, պատերը, քանի որ երկու մասնաշենքերում էլ հիմնանորոգման աշխատանքներ են ընթանում, և տանիքը բաց է»,- ասաց Մովսիսյանը։
Նրա խոսքով՝ երեկ կոնսերվատորիայի որոշ աշխատակիցներ հերթապահության են մնացել, ղեկավարությունը ևս շենքում է եղել։ Ամեն ինչ արել են հնարավոր հետևանքները մեղմելու համար։
«Հանդիպել ենք Քաղաքաշինության կոմիտեի աշխատակիցների հետ, որոնք շինարարության պատվիրատուն են, հանդիպել ենք նաև շինարարների և շինարարությունն իրականացնող «Բիդեքս» ՍՊԸ-ի ղեկավարի հետ։ Աշխատանքներ են տարվում անձրևի պատճառած վնասները վերացնելու ուղղությամբ»,-ասաց նա։
Այժմ կոնսերվատորիայի ոչ բոլոր դասասենյակներում են դասեր անցկացվում։ Շենքի մի մասնաշենքը հիմնանորոգման պատճառով դատարկ է, մյուսում էլ դասապրոցեսը խիտ գրաֆիկով է կազմակերպված` ընդհուպ մինչև 23․00-ն։
«Երեկ դասապրոցեսը դադարեցրել ենք ժամը 20։00-ին, քանի որ վտանգավոր էր, բայց այսօր երեխաները ժամը 08։00-ից մասնակցում են դասերին»,- ասաց նա։
Հիշեցնենք` Հիդրոօդերևութաբանության և մոնիտորինգի կենտրոնի փոխտնօրեն
Գագիկ Սուրենյանն ավելի վաղ տեղեկացրել էր, որ Արևմուտքից ներթափանցած ակտիվ ցիկլոնի պատճառով ՀՀ–ում հորդառատ տեղումներ են սպասվում։ Ակտիվ վիճակը պահպանվելու է մինչև հոկտեմբերի 18-ի առավոտը ներառյալ։
