https://arm.sputniknews.ru/20241007/dvomus-hipermarketum-hakahrdehajin-voreve-hamakarg-teghadrvats-chi-eghel-cuculjan-81556285.html
«Դոմուս» հիպերմարկետում հակահրդեհային որևէ համակարգ տեղադրված չի եղել. Ցուցուլյան
«Դոմուս» հիպերմարկետում հակահրդեհային որևէ համակարգ տեղադրված չի եղել. Ցուցուլյան
Sputnik Արմենիա
«Դոմուսում» հրդեհից առաջ պայթյուն չի եղել, բայց ընթացքում կենտրոնական հատվածում պատուհան է պայթել։ 07.10.2024, Sputnik Արմենիա
2024-10-07T16:32+0400
2024-10-07T16:32+0400
2024-10-07T16:32+0400
հրդեհ
«դոմուս» հիպերմարկետ
պայթյուն
կամո ցուցուլյան
https://cdn.am.sputniknews.ru/img/07e8/0a/07/81552663_0:0:1447:815_1920x0_80_0_0_7aedfc0cd0f81d2743c29008a7702255.jpg
ԵՐԵՎԱՆ, 7 հոկտեմբերի – Sputnik. Երևանի Իսակովի պողոտայում գտնվող «Դոմուս» հիպերմարկետում հակահրդեհային որևէ համակարգ տեղադրված չի եղել։ Այս մասին դեպքի վայրում լրագրողների հետ զրույցում ասաց ՀՀ ՆԳՆ փրկարար ծառայության տնօրեն Կամո Ցուցուլյանը։Ավելի վաղ ՀՀ քաղաքաշինության, տեխնիկական և հրդեհային անվտանգության տեսչական մարմինը հայտնել էր, որ «Դեկորա գրուպ» ընկերությունում, որի կազմում նաև «Դոմուս» հիպերմարկետների ցանցն է, վերահսկողական գործառույթներ դեռ չեն իրականացրել։ Այդ աշխատանքները նախատեսված են այս տարվա 4–րդ եռամսյակում։Ստուգումների ժամանակ ընկերությանը տուգանելու կամ նախազգուշացնելու վերաբերյալ ՓԾ տնօրենը որևէ տեղեկություն չուներ, քանի որ իր գործառույթների մեջ չէ։Ցուցուլյանը շեշտեց` «Դոմուսում» հրդեհից առաջ պայթյուն չի եղել, բայց ընթացքում կենտրոնական հատվածում պատուհան է պայթել։Հիշեցնենք, որ հոկտեմբերի 7-ին, ժամը 12։57-ին Իսակովի պողոտայում «Դոմուս» հիպերմարկետի պահեստում հրդեհ է բռնկվել, ինչը հետագայում տարածվել է նաև խանութի տարածքում։ «Դոմուսում» բռնկված հրդեհն արդեն մեկուսացվել և մարվել է։ Ներկայում հետհրդեհաշիջման աշխատանքներ են կատարվում։ Դեպքի վայրում աշխատել է փրկարար ծառայության 17 հաշվարկ, 5 օպերատիվ մեքենա, 2 ավտոսանդուղք, Երևանի քաղաքապետարանի 5 ջրատար մեքենա։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հրդեհ, «դոմուս» հիպերմարկետ, պայթյուն, կամո ցուցուլյան
հրդեհ, «դոմուս» հիպերմարկետ, պայթյուն, կամո ցուցուլյան
«Դոմուս» հիպերմարկետում հակահրդեհային որևէ համակարգ տեղադրված չի եղել. Ցուցուլյան
«Դոմուսում» հրդեհից առաջ պայթյուն չի եղել, բայց ընթացքում կենտրոնական հատվածում պատուհան է պայթել։
ԵՐԵՎԱՆ, 7 հոկտեմբերի – Sputnik. Երևանի Իսակովի պողոտայում գտնվող «Դոմուս» հիպերմարկետում հակահրդեհային որևէ համակարգ տեղադրված չի եղել։ Այս մասին դեպքի վայրում լրագրողների հետ զրույցում ասաց ՀՀ ՆԳՆ փրկարար ծառայության տնօրեն Կամո Ցուցուլյանը։
«Երևանի հակահրդեհային տեսչության պետի ասածն եմ փոխանցում` որևէ համակարգ տեղադրված չէր»,– նշեց Ցուցուլյանը։
Ավելի վաղ ՀՀ քաղաքաշինության, տեխնիկական և հրդեհային անվտանգության տեսչական մարմինը հայտնել էր, որ «Դեկորա գրուպ» ընկերությունում, որի կազմում նաև «Դոմուս» հիպերմարկետների ցանցն է, վերահսկողական գործառույթներ դեռ չեն իրականացրել։ Այդ աշխատանքները նախատեսված են այս տարվա 4–րդ եռամսյակում։
Ստուգումների ժամանակ ընկերությանը տուգանելու կամ նախազգուշացնելու վերաբերյալ ՓԾ տնօրենը որևէ տեղեկություն չուներ, քանի որ իր գործառույթների մեջ չէ։
Ցուցուլյանը շեշտեց` «Դոմուսում» հրդեհից առաջ պայթյուն չի եղել, բայց ընթացքում կենտրոնական հատվածում պատուհան է պայթել։
Նրա խոսքով` քննչական գործողությունների արդյունքում բազմաթիվ փորձաքննություններ կնշանակվեն, կպարզվի, թե ինչից է առաջացել հրդեհը, և հնարավոր կլինի ճշտել վնասի չափը։
Հիշեցնենք, որ հոկտեմբերի 7-ին, ժամը 12։57-ին Իսակովի պողոտայում «Դոմուս» հիպերմարկետի պահեստում հրդեհ է բռնկվել, ինչը հետագայում տարածվել է նաև խանութի տարածքում։ «Դոմուսում» բռնկված հրդեհն արդեն մեկուսացվել և մարվել է։ Ներկայում հետհրդեհաշիջման աշխատանքներ են կատարվում։ Դեպքի վայրում աշխատել է փրկարար ծառայության 17 հաշվարկ, 5 օպերատիվ մեքենա, 2 ավտոսանդուղք, Երևանի քաղաքապետարանի 5 ջրատար մեքենա։
