https://arm.sputniknews.ru/20241005/vardanjani-dilijanjan-veratsnundy-inchpes-uwc-dprvocy-pvokhec-krtutjan-mvotecumnery-81518088.html

Վարդանյանի դիլիջանյան վերածնունդը. ինչպես UWC դպրոցը փոխեց կրթության մոտեցումները

Վարդանյանի դիլիջանյան վերածնունդը. ինչպես UWC դպրոցը փոխեց կրթության մոտեցումները

Sputnik Արմենիա

Արդեն տասը տարի է, ինչ Դիլիջանում գործում է UWC ցանցի 18 դպրոցներից մեկը։ Այս դպրոցները գտնվում են տարբեր երկրներում, այդ թվում` Իտալիայում, ԱՄՆ-ում, Մեծ... 05.10.2024, Sputnik Արմենիա

2024-10-05T22:00+0400

2024-10-05T22:00+0400

2024-10-05T22:00+0400

դիլիջան

«uwc դիլիջան»

դպրոց

ռուբեն վարդանյան

https://cdn.am.sputniknews.ru/img/07e8/0a/05/81504899_0:140:1600:1041_1920x0_80_0_0_119d5c95adcaa842d1912e929a157082.jpg

Դպրոցի նախասրահում տարբեր երկրների դրոշներ են, քանի որ այստեղ գրեթե 120 պետություններից եկած երեխաներ են սովորում, միջանցքներում տարբեր լեզուներով խոսակցություններ են լսվում։ Աշակերտների թվում տարբեր ռասաների և ազգությունների ներկայացուցիչներ են, իսկ հիմնական կանոնը այս պատերի ներսում միմյանց նկատմամբ հարգանքն է և սովորելու ցանկությունը: Կրթության որակը և ուսուցման համակարգը շատ տարբեր են սովորական դպրոցներից։Աղջիկը երկրորդ տարին է, ինչ սովորում է «UWC Դիլիջան»-ում և արդեն նկատել է, որ անգլերենը բարելավվել է, սկսել է հասկանալ ճարտարապետությունն ու սիրել Դիլիջանը։ Նա հասցրել է շրջել Հայաստանում, որոշ հայերեն բառեր սովորել և գրեթե առանց առոգանության արտաբերում է «շնորհակալություն» բառը: Մտադիր է ընդունվել ամերիկյան հեղինակավոր համալսարան և դառնալ ճարտարապետ։«Ինձ հետ շատ գիտելիքներ և Հայաստանի մասին հիշողություններ կտանեմ։ Եվ ընկերներիս կբերեմ, հարազատներիս, ցույց կտամ այն վայրերը, որտեղ եղել եմ և որոնք ցնցել են ինձ։ Ես կապվել եմ այս երկրի հետ և հիմա կյանքս առանց նրա չեմ պատկերացնում»,-ասում է Մարիան։Նրա արվեստի ուսուցիչ Յարոսլավ Զաբավսկին խոստովանել է, որ արդեն 8 տարի է, ինչ ապրում է Հայաստանում և իր կյանքն արդեն չի պատկերացնում առանց Դիլիջանի դպրոցի: Նա երկու անգամ է ընդունվել UWC ցանց. առաջին անգամ ՝ որպես աշակերտ Ուելսի դպրոցում, իսկ երկրորդ անգամ ՝ որպես ուսուցիչ հայկական դպրոցում։Զաբավսկին ասաց, որ մտածելակերպի տարբերությունները ոչ մի կերպ չեն խանգարում ուսուցմանը, ընդհակառակը, ոգեշնչում են և թե’ իրեն, թե’ ուսանողներին օգնում են ստեղծել և ստեղծագործել:Հենց այդպես էին նախատեսում դպրոցի հիմնադիրներ, բարերարներ Ռուբեն Վարդանյանն ու Վերոնիկա Զոնաբենդը, երբ ստեղծում էին այն։ Նրանց գաղափարն այն էր, որ յուրաքանչյուր երեխա իր հետ բերի իր երկրի մի մասնիկը և իր հետ մի կտոր տանի Հայաստանից ու հայկական մշակույթից։ Այսպիսով, մեծանալով և դառնալով ապագայի առաջնորդ` UWC-ի շրջանավարտները դառնում էին «մշակութային դեսպաններ»` կապեր հաստատելով երկրների և ժողովուրդների միջև։«Մենք մտավախություն ունեինք, որ դպրոցը օտար կղզյակ կդառնա Դիլիջանում, բայց ոչ: Այն լավ ինտեգրվել է քաղաքի կյանքին, աշակերտներն օգնում են բազմաթիվ կարևոր նախագծեր իրականացնել, այդ թվում` կրթական և բնապահպանական», -ասում է UWC-ի ընդունող հանձնաժողովի մենեջեր Տաթևիկ Այվազյանը։Տասը տարվա ընթացքում դպրոցը տվել է 917 շրջանավարտ, ընդ որում 98%-ն ընդունվել են աշխարհի լավագույն բուհեր։ Հատկանշական է, որ աշակերտների 34%-ը սովորել է անվճար, 53%-ը կրթաթոշակ են ստացել։Տասը տարվա ընթացքում կրթաթոշակների համար ծախսվել է 37,4 մլն դոլար, որից 6,5 մլն դոլարը` հայաստանցի երեխաների կրթության համար։ Այս տարի դպրոցում սովորում է 224 ուսանող 80 երկրից։ Նրանցից 24-ը հայաստանցի դպրոցականներ են, այդ թվում 6-ը` Արցախից տեղահանվածներ։Ընդհանուր առմամբ, անցած 10 տարվա ընթացքում UWC ցանցի շրջանավարտ է դարձել 160 հայաստանցի երեխա, ընդ որում 98%-ից ավելին սովորել է անվճար։«Մենք բոլորս հասկանում ենք կրթության կարևորությունը ժամանակակից աշխարհում, այս դպրոցը մեզ համար դեպի աշխարհի լավագույն բուհեր ճանապարհ բացելու և ապագայի հմտություններ ձեռք բերելու հնարավորություն է։ Ես եկել եմ Կապանից, և իմ կյանքն արմատապես փոխվել է, քանի որ ամեն օր ծանոթանում եմ տարբեր երկրների մշակույթին, ընդլայնում են մտահորիզոնս։ Այս փորձն ու գիտելիքները ապագայի իմ ուղեգիրն են»,-ասում է առաջին կուրսի ուսանողուհի Թինա Ավետիսյանը:Դպրոցը փոխել է ոչ միայն ուսուցիչների և աշակերտների, այլև դիլիջանցիների կյանքը։ «UWC Դիլիջանի» ստեղծման պահից ի վեր բացվել է 1700 ժամանակավոր և գրեթե 300 մշտական աշխատատեղ։

դիլիջան

2024

Լուրեր

am_HY

դիլիջան, «uwc դիլիջան», դպրոց, ռուբեն վարդանյան