Մասնագիտությունը պահանջված է. Հայաստանում պատրաստել են առաջին կավիստներին
17:23 05.10.2024 (Թարմացված է: 18:30 07.10.2024)
© Sputnik / Aram Nersesyan
Բաժանորդագրվել
Մասնագետները վստահ են, որ ալկոհոլի ոլորտում ավելի մեծ թվով մասնագետների թիվը սպառման մշակույթը կհասցնի ավելի բարձր մակարդակի:
ԵՐԵՎԱՆ, 5 հոկտեմբերի – Sputnik, Լիլիթ Հարությունյան։ Երևանում գործում է Հայաստանի Կավիստների ասոցիացիային կից կավիստների դպրոցը. մարզիչները կամ սովորել, կամ վերապատրաստվել են արտերկրում:
«Դպրոց ստեղծելու գաղափարը հասունանում էր արդեն մի քանի տարի։ Մենք տեսնում էին, որ դրա անհրաժեշտությունը կա, և ահա Հրաչ Երիցյանի (դիպլոմավորված սոմելյե, Հայաստանի խոշորագույն դիստրիբուցիոն ընկերության բրենդ-մենեջեր- խմբ.) հետ իրականացրեցինք այն։ Երեք ամիս սովորելուց հետո այսօր դիպլոմներ են ստացել 11 շրջանավարտ»,-Sputnik Արմենիային տված հարցազրույցում պատմեց Կավիստների դպրոցի համահիմնադիր, ալկոհոլային խմիչքների հարցերով փորձագետ Վլադ Խաչատրյանը։
Նրա խոսքով՝ «կավիստ» (ալկոհոլային խմիչքի մասնագետ) բառն ինքնին բավականին նոր է բնակչության շրջանում, ինչպիսին ժամանակին «սոմելյե» էր, բայց հիմա աստիճանաբար գործածության մեջ է մտնում։ Հենց կավիստն է, որը պետք է խանութների այցելուներին օգնի ալկոհոլային խմիչքի ճիշտ ընտրություն կատարել, իսկ դա պահանջում է այդ ոլորտում զգալի գիտելիքներ և հմտություններ։
Հայաստանի Կավիստների ասոցիացիային կից կավիստների դպրոցը
© Photo : giz
Եթե սոմելյեն սխալվելու իրավունք ունի, քանի որ, օրինակ, ռեստորանում միշտ կարող եք փոխել գինու շիշը, եթե այն դուր չի եկել, ապա կավիստն այդ իրավունքը չունի, քանի որ մարդն արդեն տանն է փորձում ընտրած ալկոհոլը:
«Մեր շուկան դատարկ է, շատ աշխատելու տեղ կա, պետք է պրոֆեսիոնալներ աճեցնել։ Առավել ևս մենք տեսնում ենք, որ մարդկանց դա հետաքրքիր է։ Դասընթացը շատ ինտենսիվ է, պետք է իսկապես սովորել, փորձել, հասկանալ։ Մարդիկ կան, որ մի շաբաթ հետո հանձնվում են, որովհետև հասկանում են, որ պետք է իսկապես սովորել։ Օր է եղել, երբ 11 տեսակի գինի ենք փորձել»,-ասում է փորձագետը։
1/3
© Photo : giz
Հայաստանի Կավիստների ասոցիացիային կից կավիստների դպրոցը
2/3
© Photo : giz
Հայաստանի Կավիստների ասոցիացիային կից կավիստների դպրոցը
3/3
© Photo : giz
Հայաստանի Կավիստների ասոցիացիային կից կավիստների դպրոցը
1/3
© Photo : giz
Հայաստանի Կավիստների ասոցիացիային կից կավիստների դպրոցը
2/3
© Photo : giz
Հայաստանի Կավիստների ասոցիացիային կից կավիստների դպրոցը
3/3
© Photo : giz
Հայաստանի Կավիստների ասոցիացիային կից կավիստների դպրոցը
Կավիստների դպրոցի շրջանավարտ Հասմիկ Մանուկյանը առավելագույն միավորներն է հավաքել։ Նա պատմում է, որ մինչ այս դասընթացը գինու մասին գրեթե ոչինչ չգիտեր: Նա աշխատում է մայրաքաղաքի թանկարժեք հյուրանոցներից մեկում, և հենց աղջկա ղեկավարությունն է որոշել նրան ուղարկել վերապատրաստման (հյուրանոցա-ռեստորանային բիզնեսը նա սովորել է Լիբանանում և Իսպանիայում):
«Երբ հաճախորդը որևէ հարց է տալիս, որին մատուցողը չի կարողանում պատասխանել, դա մեծ հիասթափություն է առաջացնում․․․ Ի սկզբանե այդպես էլ նախատեսված էր, որ ես կգնամ սովորելու, հետո անձնակազմին կսովորեցնեմ»,-ասում է նա։
Դպրոցի ստեղծման գաղափարին տեղական գինու շատ արտադրողներ են աջակցել՝ տրամադրելով իրենց արտադրանքը։ Կավիստների դպրոցի հիմնադիրները նախատեսում են տարեկան երկու դասընթաց անցկացնել։
