https://arm.sputniknews.ru/20241004/petq-e-kentrvonanal-khaghaghutjan-pajmanagir-stvoragrelu-harci-shurj-hh-agn-pataskhany-alievin-81483580.html
Պետք է կենտրոնանալ խաղաղության պայմանագիր ստորագրելու հարցի շուրջ. ՀՀ ԱԳՆ պատասխանը Ալիևին
Պետք է կենտրոնանալ խաղաղության պայմանագիր ստորագրելու հարցի շուրջ. ՀՀ ԱԳՆ պատասխանը Ալիևին
Sputnik Արմենիա
ԱԳՆ խոսնակի մոտ հարցեր են առաջանում ինչու՞ է Ադրբեջանը սպառազինության տեխնիկայի ձեռքբերումների մասին հիշատակումներ անում, մի՞թե ագրեսիա է նախապատրաստում... 04.10.2024, Sputnik Արմենիա
2024-10-04T18:50+0400
2024-10-04T18:50+0400
2024-10-04T18:51+0400
անի բադալյան
հայաստան
հայ-ադրբեջանական
ադրբեջան
խաղաղության պայմանագիր
https://cdn.am.sputniknews.ru/img/07e7/05/0b/59463737_0:0:771:434_1920x0_80_0_0_182fed7e3b372f07475200818f24a679.jpg
ԵՐԵՎԱՆ, 4 հոկտեմբերի – Sputnik. Ագրեսիվ հռետորաբանության փոխարեն պետք է կենտրոնանալ Խաղաղության պայմանագիր ստորագրելու հարցը շուտափույթ լուծելու և մյուս հարցերի շուրջ։ Ի պատասխան լրատվամիջոցների հարցումների ասել է ԱԳՆ մամուլի խոսնակ Անի Բադալյանը։Լրատվամիջոցները ՀՀ ԱԳՆ–ից մեկնաբանություն են խնդրել Ադրբեջանի նախագահ Ի. Ալիևի` Ջաբրայիլում ունեցած ելույթի ժամանակ Հայաստանի կողմից սպառազինության տեխնիկայի ձեռքբերումներին անդրադարձի և սպառնալիքներ հնչեցնելու վերաբերյալ։«Հարց է ծագում. ինչու՞ է Ադրբեջանը Ձեր հարցի մեջ հիշատակված շեշտադրումներն անում։ Մի՞թե ագրեսիա է նախապատրաստում Հայաստանի Հանրապետության նկատմամբ։ Կարծում եմ՝ այս հարցի պատասխանը ստանալը կարևոր է, որովհետև դա կօգնի նաև գնահատել հնչող այն տեսակետները, թե Ադրբեջանը պատրաստվում է առաջիկայում Բաքվում կայանալիք COP-29 համաժողովն օգտագործել որպես ծխածածկույթ Հայաստանի Հանրապետության դեմ նոր ռազմական ագրեսիա ծավալելու, և դրա քաղաքական պատասխանատվությունը COP-29-ին մասնակցելու համար Բաքու մեկնած օտարերկրյա առաջնորդների միջև բաշխելու համար»,–նշել է Բադալյանը:ԱԳՆ խոսնակն ընդգծել է, որ պաշտոնական Բաքվի վերջին շրջանի հայտարարություններն առնվազն մի շարք կարևոր հարցեր են առաջացնում։ Մասնավորապես արդյո՞ք Ադրբեջանը հրաժարվում է Հայաստանի տարածքային ամբողջականությունը և ինքնիշխանությունն Ալմա-Աթայի հռչակագրի հիման վրա ճանաչելու պայմանավորվածություններից:Մեկ այլ հարց ևս` արդյո՞ք Ադրբեջանը հրաժարվում է խաղաղության օրակարգից: Բադալյանն ընդգծեց, որ ՀՀ–ն վերահաստատում է իր հավատարմությունը խաղաղության օրակարգին, և պատրաստակամությունը ստորագրել Ադրբեջանի հետ արդեն իսկ համաձայնեցված խաղաղության բովանդակությունը որպես խաղաղության պայմանագիր։ Դրա մասին ՀՀ վարչապետը հայտնել է ՄԱԿ Գլխավոր վեհաժողովի 79-րդ նստաշրջանում իր ունեցած ելույթում:Ինչ վերաբերում է ՀՀ–ի կողմից սպառազինության ձեռքբերմանը, ԱԳՆ խոսնակը հիշեցրել է, որ ՄԱԿ-ի կանոնադրությունը յուրաքանչյուր պետության ինքնապաշտպանության իրավունք է վերապահում։«Ավելին, միջազգային իրավունքը յուրաքանչյուր պետության իր քաղաքացիներին պաշտպանելու պարտավորությամբ է օժտում։ Հայաստանը սպառազինություն և տեխնիկա ձեռք է բերում միայն ինքնապաշտպանության իրավունքը և սեփական քաղաքացիների պաշտպանության պարտավորությունն իրացնելու նպատակով։ Սրան զուգահեռ՝ Ադրբեջանի հարձակողական զինատեսակներով սպառազինման ծավալներն անգամներով ավելին են, ինչի մասին հաճախ հայտարարում է Ադրբեջանի նախագահը»,–հավելել է նա։ Գնդակը գտնվում է ադրբեջանական դաշտում արդեն շատ վաղուց. Ալեն ՍիմոնյանԱԳՆ մամուլի խոսնակը հիշեցրել է՝ Հայաստանը որևէ հարևանի նկատմամբ ագրեսիվ մտադրություններ չունի, ճանաչում է նրանց բոլորի տարածքային ամբողջականությունը և տարածքային պահանջներ չունի, ՀՀ Սահմանադրությունը տարածքային պահանջներ չի պարունակում իր որևէ հարևանի նկատմամբ, ու չնայած իր որոշակի տարածքներ օկուպացված են, այդ տարածքները ռազմական ճանապարհով վերադարձնելու խնդիր և օրակարգ չունի։Նշենք, որ խաղաղության պայմանագրի շուրջ բանակցությունները ձգձգելու Ադրբեջանի նախագահ Իլհամ Ալիևի մեղադրանքների վերաբերյալ Sputnik Արմենիայի հարցմանն ի պատասխան ՀՀ ԱԳՆ-ից հայտնել էին, որ հայկական կողմը Ադրբեջանին է փոխանցել «խաղաղության և միջպետական հարաբերությունների հաստատման մասին» երկկողմ համաձայնագրի 10-րդ խմբագրությունը և այժմ սպասում է Բաքվի պատասխանին։ԱԳՆ-ում հիշեցրել են, որ սեպտեմբերի 26-ին Նյու Յորքում Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի բանակցությունների արդյունքում կողմերը պայմանավորվել են արագացնել խաղաղության պայմանագրի կնքման գործընթացը:Ավելի վաղ Ալիևը, ելույթ ունենալով Ադրբեջանի խորհրդարանում, հայտարարել էր, որ Երևանը ձգձգում է բանակցությունները, և որ «Բաքուն ստիպված էր սպասել 70 օր» փաստաթղթի վերջին տարբերակը ստանալու համար, որից հանվել էին բոլոր չհամաձայնեցված դրույթները:
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անի բադալյան, հայաստան, հայ-ադրբեջանական, ադրբեջան, խաղաղության պայմանագիր
անի բադալյան, հայաստան, հայ-ադրբեջանական, ադրբեջան, խաղաղության պայմանագիր
Պետք է կենտրոնանալ խաղաղության պայմանագիր ստորագրելու հարցի շուրջ. ՀՀ ԱԳՆ պատասխանը Ալիևին
18:50 04.10.2024 (Թարմացված է: 18:51 04.10.2024) ԱԳՆ խոսնակի մոտ հարցեր են առաջանում ինչու՞ է Ադրբեջանը սպառազինության տեխնիկայի ձեռքբերումների մասին հիշատակումներ անում, մի՞թե ագրեսիա է նախապատրաստում Հայաստանի Հանրապետության նկատմամբ
ԵՐԵՎԱՆ, 4 հոկտեմբերի – Sputnik. Ագրեսիվ հռետորաբանության փոխարեն պետք է կենտրոնանալ Խաղաղության պայմանագիր ստորագրելու հարցը շուտափույթ լուծելու և մյուս հարցերի շուրջ։ Ի պատասխան լրատվամիջոցների հարցումների ասել է ԱԳՆ մամուլի խոսնակ
Անի Բադալյանը։
Լրատվամիջոցները ՀՀ ԱԳՆ–ից մեկնաբանություն են խնդրել Ադրբեջանի նախագահ Ի. Ալիևի` Ջաբրայիլում ունեցած ելույթի ժամանակ Հայաստանի կողմից սպառազինության տեխնիկայի ձեռքբերումներին անդրադարձի և սպառնալիքներ հնչեցնելու վերաբերյալ։
«Հարց է ծագում. ինչու՞ է Ադրբեջանը Ձեր հարցի մեջ հիշատակված շեշտադրումներն անում։ Մի՞թե ագրեսիա է նախապատրաստում Հայաստանի Հանրապետության նկատմամբ։ Կարծում եմ՝ այս հարցի պատասխանը ստանալը կարևոր է, որովհետև դա կօգնի նաև գնահատել հնչող այն տեսակետները, թե Ադրբեջանը պատրաստվում է առաջիկայում Բաքվում կայանալիք COP-29 համաժողովն օգտագործել որպես ծխածածկույթ Հայաստանի Հանրապետության դեմ նոր ռազմական ագրեսիա ծավալելու, և դրա քաղաքական պատասխանատվությունը COP-29-ին մասնակցելու համար Բաքու մեկնած օտարերկրյա առաջնորդների միջև բաշխելու համար»,–նշել է Բադալյանը:
ԱԳՆ խոսնակն ընդգծել է, որ պաշտոնական Բաքվի վերջին շրջանի հայտարարություններն առնվազն մի շարք կարևոր հարցեր են առաջացնում։ Մասնավորապես արդյո՞ք Ադրբեջանը հրաժարվում է Հայաստանի տարածքային ամբողջականությունը և ինքնիշխանությունն Ալմա-Աթայի հռչակագրի հիման վրա ճանաչելու պայմանավորվածություններից:
«ՀՀ–ն վերահաստատում է իր հավատարմությունն Ալմա-Աթայի հռչակագրի հիման վրա, այսինքն՝ Խորհրդային Հանրապետությունների վարչական սահմաններով միմյանց տարածքային ամբողջականությունն ու ինքնիշխանությունը ճանաչելու՝ Ադրբեջանի հետ ձեռքբերված պայմանավորվածությանը»,–ասաց նա։
Մեկ այլ հարց ևս` արդյո՞ք Ադրբեջանը հրաժարվում է խաղաղության օրակարգից: Բադալյանն ընդգծեց, որ ՀՀ–ն վերահաստատում է իր հավատարմությունը խաղաղության օրակարգին, և պատրաստակամությունը ստորագրել Ադրբեջանի հետ արդեն իսկ համաձայնեցված խաղաղության բովանդակությունը որպես խաղաղության պայմանագիր։ Դրա մասին ՀՀ վարչապետը հայտնել է ՄԱԿ Գլխավոր վեհաժողովի 79-րդ նստաշրջանում իր ունեցած ելույթում:
Ինչ վերաբերում է ՀՀ–ի կողմից սպառազինության ձեռքբերմանը, ԱԳՆ խոսնակը հիշեցրել է, որ ՄԱԿ-ի կանոնադրությունը յուրաքանչյուր պետության ինքնապաշտպանության իրավունք է վերապահում։
«Ավելին, միջազգային իրավունքը յուրաքանչյուր պետության իր քաղաքացիներին պաշտպանելու պարտավորությամբ է օժտում։ Հայաստանը սպառազինություն և տեխնիկա ձեռք է բերում միայն ինքնապաշտպանության իրավունքը և սեփական քաղաքացիների պաշտպանության պարտավորությունն իրացնելու նպատակով։ Սրան զուգահեռ՝ Ադրբեջանի հարձակողական զինատեսակներով սպառազինման ծավալներն անգամներով ավելին են, ինչի մասին հաճախ հայտարարում է Ադրբեջանի նախագահը»,–հավելել է նա։
ԱԳՆ մամուլի խոսնակը հիշեցրել է՝ Հայաստանը որևէ հարևանի նկատմամբ ագրեսիվ մտադրություններ չունի, ճանաչում է նրանց բոլորի տարածքային ամբողջականությունը և տարածքային պահանջներ չունի, ՀՀ Սահմանադրությունը տարածքային պահանջներ չի պարունակում իր որևէ հարևանի նկատմամբ, ու չնայած իր որոշակի տարածքներ օկուպացված են, այդ տարածքները ռազմական ճանապարհով վերադարձնելու խնդիր և օրակարգ չունի։
Նշենք, որ խաղաղության պայմանագրի շուրջ բանակցությունները ձգձգելու Ադրբեջանի նախագահ Իլհամ Ալիևի մեղադրանքների վերաբերյալ
Sputnik Արմենիայի հարցմանն ի պատասխան ՀՀ ԱԳՆ-ից հայտնել էին, որ հայկական կողմը Ադրբեջանին է փոխանցել «խաղաղության և միջպետական հարաբերությունների հաստատման մասին» երկկողմ համաձայնագրի 10-րդ խմբագրությունը և այժմ սպասում է Բաքվի պատասխանին։
ԱԳՆ-ում հիշեցրել են, որ սեպտեմբերի 26-ին Նյու Յորքում Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի բանակցությունների արդյունքում կողմերը պայմանավորվել են արագացնել խաղաղության պայմանագրի կնքման գործընթացը:
Ավելի վաղ Ալիևը, ելույթ ունենալով Ադրբեջանի խորհրդարանում, հայտարարել էր, որ Երևանը ձգձգում է բանակցությունները, և որ «Բաքուն ստիպված էր սպասել 70 օր» փաստաթղթի վերջին տարբերակը ստանալու համար, որից հանվել էին բոլոր չհամաձայնեցված դրույթները:
