https://arm.sputniknews.ru/20240928/nvor-karg-cakhaly-bacahajtel-e-nasrallajin-vochnchacnelu-gvortsvoghutjan-vorvosh-manramasner-81182453.html
«Նոր կարգ». ՑԱԽԱԼ–ը բացահայտել է Նասրալլային ոչնչացնելու գործողության որոշ մանրամասներ
«Նոր կարգ». ՑԱԽԱԼ–ը բացահայտել է Նասրալլային ոչնչացնելու գործողության որոշ մանրամասներ
Sputnik Արմենիա
Իսրայելում պնդում են, որ «Հզբոլլահի» ռազմաքաղաքական ղեկավարության բոլոր առանցքային դեմքերը ոչնչացվել են տարբեր գործողությունների ընթացքում: Ողջ է մնում միայն... 28.09.2024, Sputnik Արմենիա
2024-09-28T14:51+0400
2024-09-28T14:51+0400
2024-09-28T14:51+0400
հասան նասրալլա
իսրայել
հզբոլլահ
ցախալ
լիբանան
https://cdn.am.sputniknews.ru/img/07e7/0b/03/68184488_0:0:1600:901_1920x0_80_0_0_82003786b91c577324f733b758ceecc7.jpg
ԵՐԵՎԱՆ, 28 սեպտեմբերի – Sputnik. Իսրայելի պաշտպանության բանակը (ՑԱԽԱԼ) շիաների «Հզբոլլահ» շարժման առաջնորդ Հասան Նասրալլայի ոչնչացման գործողությունն անվանել է «նոր կարգ»: Այս մասին հայտնում է ՌԻԱ Նովոստին՝ վկայակոչելով ՑԱԽԱԼ-ի մամուլի ծառայությունը։Զինվորականները նաև տեսանյութ են հրապարակել, որտեղ գլխավոր շտաբի պետը և Իսրայելի պաշտպանության նախարարը համակարգում են գործողությունը ռազմաօդային ուժերի հրամանատարական կենտրոնից:Այսօր ավելի վաղ Իսրայելը պաշտոնապես հաստատել էր Նասրալլայի ոչնչացումը Բեյրութի հարավային արվարձանում «Հզբոլլահի» գլխավոր շտաբին ավիահարվածի ժամանակ:ՑԱԽԱԼ-ը հրապարակել է նաև ինֆոգրաֆիկա, որը ցույց է տալիս՝ «Հզբոլլահի» ռազմաքաղաքական ղեկավարության բոլոր առանցքային դեմքերը ոչնչացվել են տարբեր գործողությունների ընթացքում: Ողջ է մնում միայն տարածաշրջանային հրամանատար Աբու Ալի Ռիդան։Նասրալլան 64 տարեկան էր, նա «Հզբոլլահի» գլխավոր քարտուղար էր դարձել 1992-ին, երբ սպանվել էր խմբավորման նախկին առաջնորդ Աբաս Ալ Մուսավին:Իսրայելի` Բեյրութին հասցրած հարվածների հետևանքով զոհվել է «Հզբոլլահի» առաջնորդի դուստրըԻսրայելցի զինվորականները սեպտեմբերի 27-ի երեկոյան Բեյրութում հարված են հասցրել «Հզբոլլահի» կենտրոնական շտաբին: ՑԱԽԱԼ-ի հարվածի թիրախը հենց կազմակերպության գլխավոր քարտուղար Նասրալլան էր: Al Jazeera հեռուստաալիքը հայտնել է, որ հարվածի շրջանում չորս շենք ամբողջությամբ ավերվել է։ Ինչպես հայտնում է Axios պարբերականը, որը վկայակոչում է իսրայելցի պաշտոնյայի խոսքերը, հարվածի մասին ԱՄՆ-ն տեղեկացվել է դրա իրականացումից մի քանի րոպե առաջ։ Միևնույն ժամանակ, Վաշինգտոնում երկու բարձրաստիճան զրուցակիցներ հայտնել են, որ Միացյալ Նահանգները նման նախազգուշացում չի ստացել:Իսրայելը «Հզբոլլահի» դեմ «կանխարգելիչ ռազմական գործողություն» սկսելու մասին հայտարարել է սեպտեմբերի 23-ին, որից հետո հայտարարել է խմբավորման մի քանի հրամանատարների ոչնչացման մասին: Լիբանանում հայտնել են իսրայելական հարվածների հետևանքով ավելի քան 500 զոհի մասին:
իսրայել
լիբանան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հասան նասրալլա, իսրայել, հզբոլլահ, ցախալ, լիբանան
հասան նասրալլա, իսրայել, հզբոլլահ, ցախալ, լիբանան
«Նոր կարգ». ՑԱԽԱԼ–ը բացահայտել է Նասրալլային ոչնչացնելու գործողության որոշ մանրամասներ
Իսրայելում պնդում են, որ «Հզբոլլահի» ռազմաքաղաքական ղեկավարության բոլոր առանցքային դեմքերը ոչնչացվել են տարբեր գործողությունների ընթացքում: Ողջ է մնում միայն տարածաշրջանային հրամանատար Աբու Ալի Ռիդան։
ԵՐԵՎԱՆ, 28 սեպտեմբերի – Sputnik. Իսրայելի պաշտպանության բանակը (ՑԱԽԱԼ) շիաների «Հզբոլլահ» շարժման առաջնորդ Հասան Նասրալլայի ոչնչացման գործողությունն անվանել է «նոր կարգ»: Այս մասին հայտնում է
ՌԻԱ Նովոստին՝ վկայակոչելով ՑԱԽԱԼ-ի մամուլի ծառայությունը։
Զինվորականները նաև տեսանյութ են հրապարակել, որտեղ գլխավոր շտաբի պետը և Իսրայելի պաշտպանության նախարարը համակարգում են գործողությունը ռազմաօդային ուժերի հրամանատարական կենտրոնից:
Այսօր ավելի վաղ
Իսրայելը պաշտոնապես հաստատել էր Նասրալլայի ոչնչացումը Բեյրութի հարավային արվարձանում «Հզբոլլահի» գլխավոր շտաբին ավիահարվածի ժամանակ:
ՑԱԽԱԼ-ը հրապարակել է նաև ինֆոգրաֆիկա, որը ցույց է տալիս՝ «Հզբոլլահի» ռազմաքաղաքական ղեկավարության բոլոր առանցքային դեմքերը ոչնչացվել են տարբեր գործողությունների ընթացքում: Ողջ է մնում միայն տարածաշրջանային հրամանատար Աբու Ալի Ռիդան։
Նասրալլան 64 տարեկան էր, նա «Հզբոլլահի» գլխավոր քարտուղար էր դարձել 1992-ին, երբ սպանվել էր խմբավորման նախկին առաջնորդ Աբաս Ալ Մուսավին:
Իսրայելցի զինվորականները սեպտեմբերի 27-ի երեկոյան Բեյրութում հարված են հասցրել «Հզբոլլահի» կենտրոնական շտաբին: ՑԱԽԱԼ-ի հարվածի թիրախը հենց կազմակերպության գլխավոր քարտուղար Նասրալլան էր: Al Jazeera հեռուստաալիքը հայտնել է, որ հարվածի շրջանում չորս շենք ամբողջությամբ ավերվել է։ Ինչպես հայտնում է Axios պարբերականը, որը վկայակոչում է իսրայելցի պաշտոնյայի խոսքերը, հարվածի մասին ԱՄՆ-ն տեղեկացվել է դրա իրականացումից մի քանի րոպե առաջ։ Միևնույն ժամանակ, Վաշինգտոնում երկու բարձրաստիճան զրուցակիցներ հայտնել են, որ Միացյալ Նահանգները նման նախազգուշացում չի ստացել:
Իսրայելը «Հզբոլլահի» դեմ «կանխարգելիչ ռազմական գործողություն» սկսելու մասին հայտարարել է սեպտեմբերի 23-ին, որից հետո հայտարարել է խմբավորման մի քանի հրամանատարների ոչնչացման մասին: Լիբանանում հայտնել են իսրայելական հարվածների հետևանքով ավելի քան 500 զոհի մասին:
