https://arm.sputniknews.ru/20240925/orakan-yndameny-50-ml-inchu-hajastanum-kat-chen-sirum-81084972.html

Օրական ընդամենը 50 մլ․ ինչո՞ւ Հայաստանում կաթ չեն սիրում

Օրական ընդամենը 50 մլ․ ինչո՞ւ Հայաստանում կաթ չեն սիրում

Sputnik Արմենիա

Հայաստանը կաթի սպառման ցածր մակարդակ ունեցող երկրների շարքում է։ Միևնույն ժամանակ, ֆերմենտացված կաթնամթերքի, ինչպիսիք են մածունն ու պանիրը, ժողովրդականությունը... 25.09.2024, Sputnik Արմենիա

2024-09-25T18:38+0400

2024-09-25T18:38+0400

2024-09-25T18:38+0400

կաթ

հայաստան

պանիր

դպրոցական

https://cdn.am.sputniknews.ru/img/07e8/09/19/81076454_0:150:1600:1050_1920x0_80_0_0_36350019c1d47fafef1dcde2557b2c07.jpg

ԵՐԵՎԱՆ, 25 սեպտեմբերի - Sputnik. Հայաստանում կաթի միջին օրական սպառումը մեկ անձի կտրվածքով կազմում է ընդամենը 50 մլ։ Այս մասին Դպրոցական կաթի համաշխարհային օրվա շրջանակներում Sputnik Արմենիային ասել է ՀՀ ԳԱԱ Էկոկենտրոնի Սննդային շղթայի ռիսկերի գնահատման կենտրոնի ղեկավար և պարենային իրավունքի փորձագետ Դավիթ Պիպոյանը։«Զուտ կաթի օգտագործումը մնում է բավականին ցածր մակարդակի վրա, ինչը ցույց է տալիս բնակչության սննդային սովորությունները», - նշեց նա՝ հավելելով, որ նախորդ տարիներին այդ ցուցանիշը երբեմն իջել է մինչև 47 մլ-ի:Պիպոյանի կարծիքով՝ կաթի սպառման ցածր մակարդակը մեծապես կապված է դրա վնասակարության մասին տարածված առասպելներով։Փորձագետն ընդգծել է, որ վերջին տարիներին աճել է այն մարդկանց թիվը, որոնք առանց բժշկական հիմնավորումների կաթը բացառում են իրենց սննդակարգից՝ համարելով, որ կաթնաշաքարը (լակտոզան) չեն կարողանում տանել:Ինչ վերաբերում է այլ կաթնամթերքներին, ապա Հայաստանում առավել տարածված է պանիրը։Ակտիվ սպորտով զբաղվող քաղաքացիներն իրենց սննդակարգում ավելի շատ ներառում են սպիտակուցներով հարուստ սնունդ, ինչպիսիք են մածունը և կաթնաշոռը: Ավագ սերունդը նախընտրում է ֆերմենտացված կաթնամթերքը, մասնավորապես՝ մածունը։ Հետաքրքիր է, որ մարդիկ, որոնք նախընտրում են պանիրը, հակված են օգտագործել ավելի քիչ կաթնաշոռ:Այնուամենայնիվ, մասնագետները շեշտում են կաթի՝ որպես սպիտակուցի և կալցիումի աղբյուրի կարևորությունը՝ հատկապես երեխաների և դեռահասների համար: Դպրոցական կաթի համաշխարհային օրն անցկացվում է կաթի օգտակարության մասին իրազեկվածության բարձրացման և դպրոցներում դրա օգտագործումը խթանելու նպատակով, ինչը հատկապես արդիական է կաթի սպառման ցածր ցուցանիշ ունեցող երկրների համար, ինչպիսին Հայաստանն է:Եվրասիական զարգացման բանկի, ՄԱԿ-ի Պարենի համաշխարհային ծրագրի (WFP) և «Երեմյան Պրոջեքթս» ընկերության աջակցությամբ Հայաստանում մեկնարկել է «Կաթը դպրոցներին» ծրագիրը, որի շրջանակներում 2024-2025 ուսումնական տարում 5-9-րդ դասարանների 1350 աշակերտ կապահովվի կաթով:Այսօր Երևանում տեղի ունեցան միջոցառումներ՝ նվիրված Դպրոցական կաթի համաշխարհային օրվան:

2024

Լուրեր

am_HY

կաթ, հայաստան, պանիր, դպրոցական